امنين ما وجهـت الافكـار تنكيـد

الشاعر الجزل دائما يكون محل اعجاب متذوقي الشعر الشعبي

وعندما تقرأ لشاعر كبير مثل ابو فهد محمد بن شعيبان الفريدي

فإنك تقف احتراما لشاعريته وجزالت ابياته اليكم هذه القصيدة

الرائعة لشاعرنا الكبير

جزل الكلام بكـل الأوقـات تجديـد=حيـث الأدب فطـره بـدم الخلايـا
يبقى ثمين القـول لايمكـن يبيـد=مـا دام بـاق ٍ للعروبـه بقـايـا
مافيه داعي ينقص الشرح ويزيـد=الشعـر امانـه والنوايـا مطايـا
لآحضت من نفو القصيد القواصيـد=اللي يطيحـون الضحـى بالهبايـا
يجي لهم عند اغلب الناس تمجيـد=بين المجامـل والغبـى والحمايـا
كثر القصيد اسباب ضعف المقاصيد=اللـي تحكـم بتـجـاه النـوايـا
لو الهدف سامي تشـح المواريـد=على هواجيـس ٍ هدفهـا الهدايـا
ولو ما يحّصل ناقص العرف تاييـد=ما يرتفع بالسوق سعـر الهرايـا
اسمع واشوف لهدم الاخلاق تمهيد=ثلاثـة اربـاع المواهـب عرايـا
امنين ما وجهـت الافكـار تنكيـد=الشعر غيـره فيـه عـدة قظايـا
عصر الطمع سمّى انقراض المناقيد=معنى الحظاره والسلـوم الضحايـا
فرحبه اللـي ذمتـه مالهـا قيـد=اصبح يمثـل فيـه ذيـب الحوايـا
ولا التقي يطلب صدوق المواعيـد=عفوه ولطفه يوم كشـف الخفايـا
الله يحل ازمة ظـروف الصناديـد=زود الطمع بالناس سـوى سوايـا
اشد وقعه من رصـاص البواريـد=على المشاعر والضمايـر ونايـا
سرع انتشاره للعرب فيـه تهديـد=غطى مـدن ومحافظـات وقرايـا
الظاهر ان العولمـه جابـة العيـد=للمجتمـع حسـب اتهـام البرايـا
من يوم صارت كلمة الحق تعقيـد=والناصحيـن يحملـون الـزرايـا
يامدورين لمصـدر الهـم تحديـد=هم الحقيقه مـن جميـع النحايـا
اللي على الواقع يبـي زود تاكيـد=قفّـل مجـال المعرفـه بالمعايـا
ماني وكيل آدم على زيـد وعبيـد=ولآني مزكى عن طريـق الخطايـا
ولا اقول انا كامل ولا احتاج ترشيد=المسلميـن لبعضهـم كالمـرايـا
ولا اقول خليت من جميع الاجاويـد=بالعكس لـولا طاهريـن المزايـا
ا بني واهد من الطواريق واعيـد=وابحث عن اللي بالجواهر ملايـا
اشفق على اللي كنهن شرد الصيـد=جـزل المثايـل كامـلات الحلايـا
واحيان اصيد وبعض الاحيان ماصيد=المعطـي المانـع جزيـل العطايـا
يفعل بخلقه مـا يشـا الله ويريـد=احيان اخير مـن العـلاج الكوايـا
كم دافع ٍ معنـاه جملـه وتفريـد=لو يصتلي بيـن الضلـوع الحنايـا
تردني شرهـات الاخيـار ياحميـد=من دون شرحه والقوافـي سرايـا
حركت موضوع ٍ مجالـه سراميـد=من طيب ظني ما حفظت الوصايـا
ولا التجـارب علمتنـي تـراديـد=لكـن عيـت لاتطيـع السجـايـا
من طبعنا حفـظ القيـم والتقاليـد=ودون العقيده مـا نهـاب المنايـا
والشعر نعتبـره للأمجـاد تخليـد=سلم النقى كل العرب لـه حظايـا

وعلى المحبة نلتقي مع شاعر آخر من شعراء اولاد راشد

الظاهر ان العولمـه جابـة العيـد = للمجتمـع حسـب اتهـام البرايـا
من يوم صارت كلمة الحق تعقيـد = والناصحيـن يحملـون الـزرايـا


صح لسانك يإبن شعيبان


من طبعنا حفـظ القيـم والتقاليـد = ودون العقيده مـا نهـاب المنايـا


كفو والله


صح لسان الشاعر محمد بن شعيبان

وسلمت يدك يامنصور ولاهنت يالغالي



ابدعت ، ، ابدعت ، ، ابدعت وتفننت والميدان لك يامنصور

الله اتحفتنا بهذه الروائع ولكن اتمنى ان لايكون ابداعاتك بالويكند فقط نتمنى ان تكون دومآ

لاننا مستحيل ان نصبر وننتظر ابداعاتك في الإسبوع القادم



تحياتي لك

الله يبارك فيك يبن العم ابن منيديل

ولي الفخر ان اختياري نال اعجابك وحظي باهتمامك

لك اصدق تحية

اكثر من رائعة

رفع

صح الله لسان شاعرنا أبو فهد

وسلمت يمينك يامنصور

فإبداع النقل بنظري = إبداع الكتابة

ودمت بخير أنت والجميل الرائع ابن شعيبان

ماني وكيل آدم على زيـد وعبيـد
ولآني مزكى عن طريـق الخطايـا
ولا اقول انا كامل ولا احتاج ترشيد
المسلميـن لبعضـهـم كالمـرايـا

صح لسان الشاعر وصح إختيارك أخي منصور ..

صح لسان الشاعر وسلمت على النقل و وفقت


وقصيدة رائعة من روائع المتألق ابو فهد


نازف الحرف

بسم الله

سلم الذوق والاختيار ابا محمد مبدع لا ينقل الا الابداع
وسلمت شفاه الشاعر الفذ ابا فهد فهو كالحصان ( السكب) سابق في كل ميدان
شكرا للجميع وشرفتم مجلسكم الخاص

شكرا اخوي علا النقل الطيب

وصح لسان الشاعر

ابومحمد
لاعدمنا هداياك الجميلة


وصح لسان ابن شعيبان