الذيب ينطح ذيب لاصار عاوي (مسنده للشاعر الكبير:عيد بن سمران)ورده عليها

اسعد الله ايامكم بكل خير
صوت وصدى مع الشاعر الكبير : عيد بن سمران العوفي الحربي الذي افخر بأسناد القصيدة له وأتشرف برده عليها
إليكم القصيدتين
البداية كانت مني*

ياعيد ابن سمران والغيث طشا = جاتك مزون الشعر من رأس قاوي
ياشاعر شعره يجي معه نشا = نشت فريد الطيب كمبود جاوي
شوق الهنوف اللي بزينه تغشا = ويبان لون الخد وسط الغشاوي
ياعيد ابن سمران قبل اتعشا = جيت اتغدا فيك لاصرت ناوي
مادام داب الليل فالليل وشا = قله لفاه الذيب فالليل عاوي
اللي زرع زرع ٍ وغيره يحشا = ماحسّب حساب الفقر والغناوي
مبسوط بين الزرع دوم ايتمشا = ومايحسده بالزرع ياكود شاوي
واليوم جاه السيل للزرع قشا = ولانستمع منه كثير الشكاوي
يبا السلامه مير وين ايتخشا = الوقت مايرحم ولا السيل ياوي
ياسهل كسر العظم لاصار هشا = وياصعب طب الموت عند المداوي
ياعيد ابن سمران ماجيت خشا = جيتك على وضح النقا يالنداوي
هات الجواب اليوم قبل المعشا = والذيب ينطح ذيب لا صار عاوي

وهذا رد الشاعر : عيد بن سمران

حي الجواب اللي لفا دون غشا=من ضيغميٍ للفرايد نقاوي
شاعر على جزلات الاشعار نشا=شاعر يجيد الشعر فرد وغناوي
نسى السلام وجا بشعره يطشا=وعاداتنا نبدا السلام بتقاوي
ياشاعرٍ في جزل الاشعار رشا=رشة مطر ديمٍ على روض ذاوي
ابد السلام وخش فيما تخشا=معاك رجالٍ بعيد الهقاوي
لفيتني اضن قبل اتعشا=تبي اتعشابي تحسبن مشاوي
انا رجل مثلك على الطيب انشا=لاجات صكات الصعاب البلاوي
آقف مواقيفي وبالوجه ابشا=في كل موقف مارتخي بالعطاوي
وبيني وبينك يالبناخي مطشا=والذيب من بيني وبينك جلاوي
حنا سنايد بعضنا مانوشا=ولاهي لنا بعض الحيل والدعاوي
ولاننقل الهرجه ولانستغشا=بالوجه نعطيها عطا كل قاوي
وان كان عندك بالخفايا محشا=وقت الحصاد اقدم ولاعاد تاوي
ولاخير في رجلٍ الى انخي هشا=الرجل وقفاته لياجا اتداوي
وانا ترا مالي بالالغاز خشا=رجلٍ الى من جيت واضح نقاوي
واختامها صلوا على احسن مبشا=رسولنا اللي اللي بالرساله هداوي

وسلامتكم
,
,
,

صح السانك يامحمد الفريدي شهادتي فيـــــــك مجروحه شاعر كبير في وجودك وفي شعرك الجميل جداً
وصح السان العوفي على الرد الجميل ولنا الفخر اننا نقراء في مجالسنا قصائد لكم
انت وشاعر العوفي
تقبل مروري لك

ابن مطيع

صح بدنك

وكلامك وسام على الصدر يالغالي

وشكرا على المرور لاعدمتك

صح لسانك

وصح لسان الشاعر عيد العوفي
وسلمت يمينك على إنارة المجالس بهذه القصائد

دائم مبدع يابو مها
قصيدة جزله من شاعر جزل

صح لسانك ولسان الشاعر عيد
اتمنى لك التوفيق

صح بدنكم وشكرا لمرورك الكريم يالغالين

شاعرنا الرائع ومبدعنا الفاضل : محمد بن عقيل

ابيات غاية في الجمال ومقطوعتين ادبيتين نقف لهما احتراما ولشاعريهما تقديرا

صح لسانك ولسان بن سمران وبيض الله وجهك على اثراء مجالسنا بهذه المشاركة

حضورك يرفع معنويات متذوقي الشعر

وابداعك يدعونا جميعا الى الفخر

تقبل باقات من الورد والكادي

الشاعر محمد عقيل الفريدي

صح لسانك ولسان عيد بن سمران

ياسلام على الأبداع والتحدي على القافيه الصعبه وهذا دليل

على قو شاعريتكم وصفاء قلوبكم والميانه بينكم

والصداقه المتينه لله دركم أضفتم لنا الجديد الرائع

صح السانكم وعلأشأنكم وياهلاومرحبا

وننتظر جديدكم الف شكر اخوي محمد

صح السانك محمد وصح السان عيد

مقطوعتان ادبيتان يتلألآن شعرا ً وجمالا ً وإحتراما ً


لاهنت ابيض وجه على هذه الاضافه الجميله