مساجله شعريه بين العوما والطهيمي

تشرفت هذا لاسبوع بأن زارني ابن العم

/ عبدالله بن سمير بن عويضه العوما الميسوي الفريدي ( ابو فايز )

وهو صقار و شاعرٍ مبدع يغلب على قصائده الوصف وقد استأنست بزيارته

وسمّعنا عدد من قصائده كتبت بعضاً منها ووعدني بإن يحضر لي مجموعة

منها وسوف أقوم بتنزيلها تباعاً بإذن الله تعالى .

وقد ذكر لي مساجلة بينه وبين الشاعر الكبير المبدع دائما

/ علي بن عبدالله الطهيمي الذي يعد من افضل شعراء الفرده بالقصيم .


يقول أبو فايز أرسل لي الشاعر الطهيمي هذه القصيده وهي تعبر عن نفسها يقول :

القلب يا ابن سمير مابه مناعه=حاولت ابصبر يا ابو فايز ومليت
مليت لوني بوسط الجماعه=نعمٍ بربعي عزوتي لا تعزويت
قلب الشقى مالي عليه استطاعه=بس اتمنى البر لصبحت وامسيت
ويا ماحلى ممشى حديث الصناعه=فكس آر لمنك ركبته تهقويت
صنع الحكيم اللي نجح باختراعه=وعلى جهاز الكمبيوتر ما قنيت
صوت المكينه لاشتغل دق ساعه=ويفصل اليا منك دبلته وخفيت
قلت اركبوا يا أهل الكرم والشجاعه=أغراضنا كد شلتها يوم صليت
قبل طلوع الشمس يبدي شعاعه=والجيب جاهز فاحصٍ ماه والزيت
وزان القصيد وزان حتى استماعه=وترتاح لاسولفت والا توحيت
وعلى الكناود تقل ترتيب إذاعه=ماقطعوا على النشاما سرابيت
اهوايتي واحبها من قناعه=مرتاح لو اني تعبت وتعنيت

وقد جاوبه شاعرنا العوما بهذه الابيات :-

أهلاً وسهلاً عد بث الاذاعه=وعد الحجيج اللي يلبون بالبيت
برسالةٍ جتني بفن وبراعه=من الطهيمي طيب الفعل والصيت
زبن ضعيفٍ جور الايام لاعه=علي عبدالله مابها قول ياليت
يامنادي ابن سمير سمعٍ وطاعه=انته شريك اللي بالأبيات ناديت
أركب على الباب الايمن وساعه=وأختر من الأصحاب من هو توريت
كانه كبير السن قدر وراعه=خلك وسط في صحبتك ماترديت
الجمس دفرنسين ونعم البضاعه=تلحق مساريحٍ مشوا عقب ما اضحيت
يعجبك صدره بالطمان ورفاعه=كنك على البنق المسمى تساويت
قبل الفجر فجران ما احلى شعاعه=والصبح للحد المحرم تعديت (1)
بيتن لبن نفجان قو اندفاعه=شاعر مخضرم عاصر الحي والميت
وياماحلى بالبر طقت شراعه=وجمع الحطب وللبن الأشقر تقهويت
بزحول ربعٍ كل ابوهم جماعه=رايٍ موفق يوم ربعك تنقيت
وكبشٍ من المصلاح راعيه باعه=وقام يتبلج يوم للنقد عديت
ومعنا اشقرٍ طلاع سبق وقطاعه=لاصرت في راس الطويله تعليت
ثم ساوقت له في مطير ارتفاعه=راحت قوام ولا على الله تعليت
وهذي حلات العمر قبل الوداعه=وقبل تقول اني على فلان صليت

( 1 ) الشاعر لافي بن نفجان الحربي يقول ك-

فيها تضيع اعلوم خطو الهبادي *** اليا قوس العقم المحرم تقل سيف

يمسي بها الميلاف ماهو جوادي *** اليا غربت شمسه رجع صاعه نصيف


وعلى المحبه نلتقي مع شعراء اولاد راشد

نعم دومآ نلتقي بالمحبة

وصح لسان الشاعرين / عبدالله بن سمير العوما والشاعر / علي عبدالله الطهيمي

وتسلم من كل شر يامنصور على هذا الإبداع لهذا القسم اللذي يتمنى طلتك دوم وليس يوم



أركب على البـاب الايمـن وساعـه = وأختر من الأصحاب من هو توريـت


فعلا الإصحاب هم الإهم والطيبين الإخيار بمن هم مثلك يامنصور بوقت المكاشيت

صح لسان الشاعر / علي الطهيمي



وصح لسان/ عبدالله بن سمير بن العوما الميسوي

وشكرا منصور الوسوس


نبي المزيد


ولك كل الشكر

مشكور يبن منيديل وصح بدنك يبن العم

خوت مثلك شرف وقد حصلت لنا من خلال بيتنا الكبير المجالس

مشعل الجضعان مشكور على مرورك وان شاء الله يصير قريبا

وياماحلـى بالبـر طقـت شراعـه
وجمع الحطب وللبن الأشقر تقهويت
بزحول ربـعٍ كـل ابوهـم جماعـه
رايٍ موفـق يـوم ربعـك تنقـيـت


مساجلة رائعة من شعراء معروفين ومشكور ابو محمد دائم تستمر من تميز الى تميز عسانا مانعدمك ياوجه السعد

مشكور على مرورك يبو مالك صح بدنك

قلت اركبوا ياأهل الكرم والشجاعه ** اغراضنا كد شلتها يوم صليت
******
يامنادي ابن سمير سمع وطاعه ** انته شريك اللي بالابيات ناديت

هذا يذكرني بكلام البعض (ازهمني واجيك مجنون ) هذه هي قومات النشاما
ماهو خطو العيه اللي ليا نهمته قام يتثاوب

شكرا للشاعرين الكبيرين على هذه الدرر الجميله

والشكر موصول لناقلها عاشق الشعر ومحبه الاخ منصور الوسوس المتجدد دائما

انا اعتبر من يعشق الشعر شاعر ** وانا تراي اليوم توجت منصور

(( وانا تراي اليوم توجت منصور ))

لك مني اجمل تحية يالفريد عظم العرب كلامك درر وتشجيعك يقوي العزائم

تشرفت بوسامك وتتويجك واتمنى ان تشرفنا بجديدك فمجالس الشعر تحتاج

اطلالتك الرائعة بابياتك الراقية ايه المبدع دائما .

صح لسان الشارعين الطهيمي والعوما ونطمع باالمزيد يابومحمد