هبت هبوب الشمال و بردها شيــــــــني= ما تدفي النار لو حنا شعلناهـــــــــا

بمناسبة دخول البرد امس واليوم

عديت في مرقب ٍ و الليل ممسينـــــــي= بديار غرب ٍ لعل السيل ما جاها
اضحك مع اللي ضحك و الهم طاويني= طية شنون الطرب لا قطرو ماها
و راك ما تزعجين الدمع ياعينـــــــــــي=على هنوف ٍ جديد اللبس يزهاها
هبت هبوب الشمال و بردها شيــــــــني= ما تدفي النار لو حنا شعلناهـــــــــا
ما يدفي الا حشا مريوشة العيني= و الى ظمينا شربنا من ثناياهـــــــا
ياشبه و ضحى فتاة ٍ دلها زيـــــــــــني=داجت على عقلة ٍ و الورد ما جاهـــــــا
ياعل من شار بالفرقى عمى العيني= والا بشلفا على الفخذين مبراها
جعله حسير ٍ كسير و راكبه ديـــــــني= و اتلى حلاله ذلول ٍ راح يطلاهــــــــا
********

الاخ الكريم ذيبان الف شكر على نقل هذه الهجينيه الرائعه من التراث

بس ليه طلب لازم تجيب شاعرها بدون أسم مايصير

لك ثلاث أيام بحث فقط ههههه

المشاركة الأصلية كتبت بواسطة علي الجضعان

الاخ الكريم ذيبان الف شكر على نقل هذه الهجينيه الرائعه من التراث

بس ليه طلب لازم تجيب شاعرها بدون أسم مايصير

لك ثلاث أيام بحث فقط ههههه

هذه القصيده لدخيل الله الدجيما العضياني العتيبي
وهو من قال ايضآ:::
ياجر قلبي جر لدن الغصوني= وغصون سدر جرها السيل جرا

وهناك اسماء كثيرة لشعراء ذكرت اسمائهم ولكن هذا الراي السائد وانا اساندة

صح السان العضياني وصح بدنك ياابو راكان