يانجد...رغبتي وأنتهازي.

أضع بين يديكم هذه المشاركة بعد أنقطاع دام لفترة طويله مصافحة لهذا المجلس.
وهي تحكي عن شوقي لديار نجد الذي أجبرتني ضروف العمل للبعد عنها ..
أرجو أن تنال أعجابكم....

للشعر في ميدان صدري طوابير=جيش السرايا مجهزن للمغازي
اليا نوى ياصل ولحتاج تبرير=مع خط سيره مايجيله موازي
المنبع ارضه مايدور لتصدير=العين فاضت ماحفرت ارتوازي
يشوقني شوق أبدوي للمصاغير=بدافع غلاها يوم شارك وفازي
منقيته ماحط منها مظاهير=امكرمه مثل العيال العزازي
عقب البطى لشافها مانوى يسير= لم البلد من حبها تقل جازي
هذا انا يانجد يامنبع الخير=حبك ملك روحي وللقلب حازي
انتي انشراح الصدر مانبغي الغير=لوسكنونا ابدارهم من قزازي
فله وفيها شامخات النوافير=قلبي ملاه الشوق ماهو بعازي
لشوف الرجال اللي تقدم مباهير=لاجيت لمك رغبتي وانتهازي

الشاعر عبدالرحمن سعود العبلان.

المشاركة الأصلية كتبت بواسطة عبدالرحمن سعود العبلان

أضع بين يديكم هذه المشاركة بعد أنقطاع دام لفترة طويله مصافحة لهذا المجلس.
وهي تحكي عن شوقي لديار نجد الذي أجبرتني ضروف العمل للبعد عنها ..
أرجو أن تنال أعجابكم....

للشعر في ميدان صدري طوابير=جيش السرايا مجهزن للمغازي
اليا نوى ياصل ولحتاج تبرير=مع خط سيره مايجيله موازي
المنبع ارضه مايدور لتصدير=العين فاضت ماحفرت ارتوازي
يشوقني شوق أبدوي للمصاغير=بدافع غلاها يوم شارك وفازي
منقيته ماحط منها مظاهير=امكرمه مثل العيال العزازي
عقب البطى لشافها مانوى يسير= لم البلد من حبها تقل جازي
هذا انا يانجد يامنبع الخير=حبك ملك روحي وللقلب حازي
انتي انشراح الصدر مانبغي الغير=لوسكنونا ابدارهم من قزازي
فله وفيها شامخات النوافير=قلبي ملاه الشوق ماهو بعازي
لشوف الرجال اللي تقدم مباهير=لاجيت لمك رغبتي وانتهازي

الشاعر عبدالرحمن سعود العبلان.

ابوسعود صح لسان وعلاء شأنك والله يردك لنجد والليله علينا بروق وتوي جاي من الأسياح عليها

مطر والديره مربعه ولاينقصنا غير وجودك على العموم سجل أعجابي بهذه القصيده الرائعه

وبنتظار جديدك وياهلابك

ونحن نقول الله يردك سالم يامنبع الوفاء وعنوان الابداع

نعم اخي عبدالرحمن نشتاق لشوفت مثلك وشرواك

والمجالس تتعطش على المبدعين امثالك

واذا ابتعدت بالجسم فنرجو التواصل هنا لنستمع بما تخطه اناملك

تقبل وافر المحبة والتقدير والاشتياق لقلمك الزاهي

الاخ العزيز علي الجضعان
صح بدنك ومشكور على المرور الجميل
وشكرك على ها الخبار الي ترد الروح
والله يجعل ها الامطار سقيا خير وبركة
ويعم بها كل شبر من الوطن

الله يبارك بمجالس الفردهـ اللي تجمعنا مع بني عمنا المبدعين

حياك الله يا ابن عبلان ,,,

وش ها الدرر ؟؟؟ انت لاتستاهل صح لسانك !!! تستاهل مليون صح لسانك وقبلة على عيونك ,,,

تسلم ويسلم قلبك وذوقك الرفيع ,,

لاتحرمنا يا عبد الرحمن من شوفة معرفك واسمك وقافك

يشوقني شوق أبدوي للمصاغير=بدافع غلاها يوم شارك وفازي

وحنا ترانا جاءنا الفوز بشوفتك وقصيدتك

الاخ العزيز منصور الوسوس
الله يسلمك ويبقيك ومنك وامثالك
نستمد الوفاء والابداع
ونوعدك وجميع الاعضاء بكل جديد
ومميز لهذا المجلس المميز
ولا تبخلوا علينا بدعواتكم

هذا انا يانجد يامنبع الخير
,,,,,,,,,,,,,,,,,,,,حبك ملك روحي وللقلب حازي
صح السانك يا بن عبلان على الجزله مثل منت مشتاق للوطن نحن مشتاقين للقصائد التي تحمل أسمك
لاتحرمنا من جديدك أو كل مالديك
تقبل شكري وتقديري لك
,,,,,,,,,,,,,,
سلملي على عبد العزيز سعيد ,....ترى ماعاد الشوفه؟؟؟

ذيبان
الله يحييك ويبقيك وترليوووووون صح بدنك وكثر
وفعلن الله يبارك بها المجلس اللي يجمعنا بالطيبين
مثلك وشرواك

صح بدنك ابن مطيع
وبشر بالجديد انشاءلله
والسلام اعتبره وصل

صح الله لسانك يابوسعود وننتظر جديدك والى الامام دائما