ما والله اشفـق للبنـي الغناديـر = قلبي مع فرخن ينومـس طيـاره( مع صور)

الصقر..
يا عاشقين البيض انا رغبتي غيـر =انا تراي اعشق فنـون الصقـاره

ما والله اشفـق للبنـي الغناديـر = قلبي مع فرخن ينومـس طيـاره

ابيض نحر من وافيات المغاتيـر= ولا اشقرن ريشه سواة الشـراره

في مخلبه حد السيوف الشواطيـر= فرخن على شوفه نسوق البشـاره

ماهمنـي لـو يبعـدن المشاويـر= متيممن روضن يونـس خضـاره

روضن به اجوال الحباري مخامير= ونواف تل السبق ثم شـن غـاره

والخرب عقبه صار ريشه دعاثير= وسم على صدر الشمالي حمـاره

له عاتقن ما شفت مثله على طير= وهجرن قصير الساق سم الحباره

جبرن وله تفضيل عند الجماهيـر= ماهوب يحسب من حساب الوكاره

هذاك هو طيري غرام الصقاقيـر= واللي يعرف الصنف صدر قراره

صح السان الشاعر...وشكراً على اضافة الصور الجميله..
رائع جداً شكرلك تقبل مروري