من باب الدلاخـــــــة للعلم والأفادة فقط

بسم الله الرحمن الرحيم
السلام عليكم ورحمة الله وبركاته
فيه نوعية من الناس الله ابتلاهم بالدلاخة ( الغباء ) وهم ما يدرون انهم دلوخ وأصحابهم ما علموهم مراعاة لشعورهم
ولكني قعدت 3 شهور ادرس علامات الأستدلاخ ومواصفاتها لكي تعرف بأن هذا الحبيب أو ذاك الكابتن دلخ وبجدارة ومن علاماتها اجارنا الله وياكم كا التالي

1/ إذا شفت واحد وقف سيارته تالي الليل جنب بابهم وفتح باب السيارة بسرعة واخذ كم حجر معه عشان يطارد له بس ( قط ) كان واقف قدام بابهم فأبصم بالعشرة ان المذكور من المتداولين في سوق الأسهم السعودية (( وعلى فكرة كل قطط الحارة تكرهني وموزعة صورتي على اني ارهابي من كثر ما اطاردهم كل ليلة )) هبلوا فينا الهوامير الله لا يوفقهم
وعلاجة كم تفلة من مطوع الحارة وبعدها ان شاء الله انة يتحسن
2/ إذا شفت واحد من ها السلاتيح في السوق منشئ الشماغ وقاعد يلاحق وحدة تسحب وراها 3 أو 4 من عيالها وعلى كتفها شايلة بعد طفل والحبيب وراها من محل الى محل يبغى الحبيب يرقم ( ونسي ان عندة في البيت حريم ) فهذا والعياذ بالله دلخ مستدلخ مع الأصرار والترصد وهذا النوع خطير جداً على الحياة الفطرية

3/ إذا شقت واحد من ها الشباب الي يتابع أرقام خط الصداقة الدولي وانتم عارفين قدي ويقعد يتصل عليهم وبعد من دلاختة حتى الأنقليزي ما يعرف منة ألا كم كلمة ويتميلح بالساعات عشان الخواجيات يضحكون على دقن الي جابه وأخر الشهر إذا جات الفاتورة يلاقي ذاك المبلغ المحترم صاكينة شركتنا العزيزة للاتصالات بعدها الحبيب يسوي جمعية ( قطة ) مع زملائه عشان يسدد فاتورة الدلاخة وهذا النوع دلاختة مؤقتة تزول بمجرد الزواج

4/ إذا كفلت واحد كفالة غرم واداء لدى شركة تويوتا لواحد من الأصحاب مطلع ليكزس قيمته فوق 300 ألف ريال وراتبه 4000 ريال وراتبك ماهو ببعيد عنة كله عشان يتمقلط ويكشخ على جماعته وعيال عمة واصحابة ويتميلح في الأسواق على حسابك طبعاً ويحط رجلة ما يسدد ويجيك مندوب الشركة بورقة إلقاء قبض أما التسديد وآلا ابو زعبل وقتها وقف قدام المراية وتف مثل تفلة البنقالية ( الله يقرفهم شعب ابو تفلة ) وقول بكل فخر دلـــلخ وهذا ما جنتة دلاختي وغني ( يا وارد الماء واسقني شربيت والي سقاني ما يخاف الله )

5/ إذا شفت واحد في ها المنتديات ويا كثرها سارق توصية او تحليل فني لمسار السوق ورسم بياني وحركتات ويتفاجاء بأن الموضوع الأصلي لعضو معروف بالتحليل والتوصية في نفس المنتدى وكعادتنا يطيح فية بقية الأعضاء الي يعطية بوكس والي شلوت والي يعضة والي يسرق جوالة يعني يشمرون وجهة فيظطر صاحبنا الى ان يأخذ حذيانة تحت باطة ويحط رجلة كم اسبوع ويرجع لنا بأسم ثاني وسرقة اخرى اكبر من الي قبلها ( بس سبحان الله ينعرف من ريحتة )
وعلاج المذكور يكمن في انني نلغي عملية النسخ واللصق من جهازة ونعطية دواء كحة بجرعات عالية عساة ينخمد بدري وينام ويفكنا من شرة

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههه
ابي اضحك ابي اضحك لو تقول عني وش فك حنوك ذا الدلخ اليوم

هههههههههههههههههههههههههههههههههههههههههههههههههه هههههههههههههههههههههههههههه
الله يرجك ابوالعز
وشقلت وش خليت
لا وتبينا ناقش بعد
خل نخلص ضحك
واذا استفقنا
بعد سنه ان شاء الله
نقدر نرد على روائعك والدلوخ اللي انت مجرجر اهلهم في المجلس هنا
<<<<<<<<<<<<<<< يضحك وهو يتخيلك جايب كم دلخ ومربطهم بحبل وساحبهم للمجلس الجاد
هههههههههههههههههههههههههههههههههههههههههههههههههه هههههههههههههههههههههههههههههههههه



الله يجازيك قل امين
نبي وجبه اسبوعيه مماثله على اقل تقدير
ويفضل كل اربعاء مساء بعد العاشرة ليلا
يعني بعد نهاية التداول بكم ساعه
يكون الواحد يقدر يستوعب
ويضحك وينسى التسحيب اللي جراله من صبح الله.
شكرا يالارهابي