ياناس خلـو كـل وادي ومجـراه=قلتـو كثيـر وقولكـم مـا لقيتـه
السلام عليكم ورحمة الله وبركاته
من القصايد الخالدة في تاريخ الشعر الشعبي للشاعر .... عبدالله بن سبيل
ياالله يااللي تسجد النـاس لرضـاه=ياوامر ٍ خلقـه علـى حـج بيتـه
تفرج لمن سده على الناس ما ابداه=راضي على مقسومك اللي عطيتـه
من شي يسل الحال والجسم يبـراه=والناس مايشفونـه ان مـا شفيتـه
قلت آه واجرحـاه مـن علتـي آه=وان حملوني حمـل غـي ٍ قويتـه
قالو سفا بالحال ويش اللي اغـواه=قلت آه ويش المنكر اللـي وطيتـه
قالو جهلت وبـان علمـك لمنهـاه=قلـت اه علمـي يامـلا ماكميتـه
قالو طلبنـا لـك مـن الله معافـاه=قلت آه وحدتـه وعفـوه رجيتـه
قالو هله واحباب عينـه نصحنـاه=قلـت آه هــذا واردٍ مابغيـتـه
قالو ندور لك من البيـض حليـاه=قلت آه لو غيـره بكفـي رميتـه
قالو نشاش العُـود مالـك بلامـاه=قلت آه عُود المـوز بيـدي لويتـه
قالو تـزوج كـود تدلـه وتنسـاه=قلت آه لو خذت اربـع ٍ مانسيتـه
قالو من اقصى الناس وين انت وياه=قلت آه ما انسى يوم جاني وجيتـه
قالـو نشوفـه عنـد هـذا وهـذاه=قلت آه عمره ماعقب حـج بيتـه
قالـو عليـل وناقـل ٍ داه بـرداه=قلت آه باقرابـي وروحـي فديتـه
قالـو نشيـر ولا نفـع ماحكينـاه=قلت آه هـراّج النمايـم عصيتـه
قالو كثـر شيبـك وقلبـك بعميـاه=قلـت آه لوقلبـي غريـر ٍ نهيتـه
مطـاوع ٍ قلبـي بعجفـاه وقـداه=والى عطى منهاج درب ٍ عطيتـه
ياناس خلـو كـل وادي ومجـراه=قلتـو كثيـر وقولكـم مـا لقيتـه
قلتـو كثيـر وقولكـم مـا لقيتـه 
العرض العادي
