لاقف على قصرٍ بنينا وأهدّه

يمكن ألملم كل بعضي وأخليك
...................وأترك فراغٍ صعب غيري يسدّه
من أوله شانت عليّه مواريك
...................حتى اتصالي يالغلا ما تردّه
حرام تجرح بالتغلّي مصافيك
.................تراك لدروب القطاعه تحدّه
غريب توجع بالجفا صدر مغليك
.................وإلى بغى قربك تحاول تصدّه
من هو علي قوّاك واخلف مباديك
.................هذي أمورٍ كلها مستجدّه
لصبّي عينك لا تطاول أياديك
.................مثل الذي يعمي عيونه بيدّه
أنا طلبت الصلح وجيت لحراويك
.................ومشاعري يمّك تحث الأشدّه
صحيح أحبك وأعشقك حيل وأغليك
.................وقلبي معك صعبٍ عليّ أستردّه
بس ان تجاوزت الحدود بتغليك
.................لاقف على قصرٍ بنينا وأهدّه
محمد الخربوش

صح لسان الشاعر

وسلمت اناملك يبن مطيع على هذا النقل

تقبل وافر المحبة

المشاركة الأصلية كتبت بواسطة علي الجضعان

صح لسان الشاعر

وسلمت اناملك يبن مطيع على هذا النقل

تقبل وافر المحبة

اسعدني تواجدك والمرور الرائع يااين جضعان