مسلط على الهسة يبي يحاور

سلامون عليكمو واحد واحد

أخوكم ( مسلط على الهسة ) مثل ما هو واضح من أسمه ، مبتلى طول الله عماركم بالهسة ما يطوفها ألا يفهمها ويحس أن صاحبها رجل يحترم عقله ويحترم عقول اللي يقرون له مو مهايطي ولا بياع كلام ، لا بل رجال يضبط الهرجة .

ودي أتتبع معكم بعض الهسات بحوار هادف ، إذا ما عندكم مانع ، وألا من هاللحين الله لا يهينكم أضف عفشي وأمشي.

يا جماعة لا أحد يقول وش فيه هذا داخل فينا عرض ، صدقوني لو شفتم الهسات اللي شفت لضحكتم قليلاً وبكيتم كثيراً ..

انتظر ردودكم وترحيبكم وموافقتكم قبل نبدأ بأول هسة.

والمسألة كلها خفايف : ( أخطاء بالتعبير ، أخطاء بالإملاء ، كلمة عوجا مالها سنع ، صاروخ يمشي ثلاث الاف ) ومن هالنمونة ، لا تهيبون .

هااااه وش رأيكم ، نقول يا هادي ؟؟

الله يحييك اخوي مسلط
عطنا وش عندك والرجال يحكم عليه من كلامه

نبي الشي المفيد وعلى قولت القايل
الهرج يكفي صامله عن كثيره

هلا بالهسات


شوقتنا

والله يستر على الهسات الي تضحك وتبكي


في انتظارك

ضربولي هسه...


تلفووون؟؟


ضربولي هسه..


ماشاءالله..!


،


،


،


ضربولي هسه...


تلفووون؟؟


ضربولي هسه..


ماشاءالله..!

،


،



،
ضربولي هسه...


تلفووون؟؟


ضربولي هسه..


ماشاءالله..!


،


،


،


ضربولي هسه...


تلفووون؟؟


ضربولي هسه..


ماشاءالله..!

،


،



،

قدام يامسلط على الهسه..

f15 :

أبد ، كل خير ، بس نقد للأخطاء والشطحات والمتخرمات بأسلوب جديد ونبي موافقتكم ، مانبي ننقد أحد وهو مو راضي .


نجم الليــــل :

أووووه ، يا عندنا شي ، وجاري الجمع والإعداد ، بس أنتم عطونا الضوء الأخضر .


نيو لوك :

ترى مو انا الي دقيت عليك ، الدق عليك قدام وترى أسمك وارد بالملف ، لك كم شطحة نبي نفصل فيهم بعدين ، بس بعد أذنك طبعاً .

وأنا راح أعتبر اللي يرد على الموضوع موافق على النقد .

ويلزم بصراحة على الأقل عشرة يوافقون ، مع أني عاتب على الأسماء البارزة في الإدارة ، ليش ما يتفاعلون مع الموضوع ، ياجماعة ترى المسألة ما تخوف ، وانتم أصلاً شغالين حذف على اللي يسوى واللي ما يسوى ، يعني هالموضوع مو صاير أفضل حال من اللي قبله ولا هو ممنوع من الحذف ، أنا أقوله وأنا أدري أن ما أحد مشاورني بحذفه ، لكن علشان أشجعكم على المشاركة والشجاعة في المشاركة ، المسألة طرح وحوار هادف في النهاية ، اللي واثق من نسفه ويملك الشجاعة بمواجهة النقد يتفضل .

لن يكون النقد لشخص الشخص أبد ، لن يكون لسياسة الإدارة ، لن يكون لعلم وعقلية وشخصية العضو ، سيكون على الإملاء وعلى التعبير ومدلول العبارات وعلى طريقة الردود .

هاه ، تطمنتم ، طيب خلو عندكم أريحية وشجاعة وأدعموا موضوعنا هذا بموافقتكم .

ما راح اتعرض لأحد ما يكتب موافقته هنا .

نعطيكم مثال على f15

المشاركة الأصلية كتبت بواسطة f15

ابو عبد العزيز عزيز على الكل وفاقدينه نعم فاقدينه

ومثله فقيدة والامل با الله ثم في قلبه الطيب وحبه

الربعه سوف ياتيبه عاجلاً هذا حساسي
على خبري فيه والله يرده با السلامة
كل الشكر لك يا اخي فهد
على الفته الكريمة

ـــ وحبه الربعه ؟؟؟!!!!!!يحب الربعة ، الكلام هنا معناه تغير صار بدل ما يعبر عن حب الشخص لربعه يعبر عن حبه للربعه والزوايا ،،،،، يصير الحكي هذا بالله عليكم ؟؟؟؟؟

ـــ سوف ياتيبه = ياتيبه هذي ما أدري بأي قاموس ، وواضح أن المقصود : يأتي به.

ـــ هذا حساسي : لا تعليق

ـــ أما عاد (( الفته الكريمة )) هذي والله رووووعة وخصوصاً إذا صارت فتة حمص بالعيش ، لا تفوتكم طعمها جنان
المقصود : اللفتة الكريمة.

ولا تزعل علينا يا f15 خليناك الأول علشان نعطيهم مثال على طريقة الموضوع

أما المثال على المتخرمات لنفس العضو والشطحات خوذوا هالمثال :

المشاركة الأصلية كتبت بواسطة ذيبان

ابو راكان انا قلت حياك يارماد الورد

وحياك تقال للمذكر والمونث مالكم مدخل اخخخ على f15

هذي في الأصل مشاركة لذيبان ، وواضح أن f15 معدل عليها ، يعني أضاف على مشاركة رفيقه ، يبي يوضح موقفه فراح يعدل مشاركة رفيقه ، والمشاركة فيها اقتباس ، وأتحدى أي أحد يدري وين كلام ذيبان في المشاركة ووين كلام f15 يعني بالعربي :

1) ما عمري شفت أحد يرد على أحد بتعديل على نفس مشاركته .

2) ولا عمري شفت أحد يستهون تعديل مشاركة عضو ، فضلاً عن مشرف .

3) ولا تستاهل المسألة أصلاً مثل الشطحة الغريبة بالقمز على على مشاركة العضو وتعديلها .

لكن وش نقول ؟؟؟؟ متخرمات ،، وياما فالجراب يا حاوي

سلملم

جايك يالمسلط ..

خذ عندك

المشاركة الأصلية كتبت بواسطة مسلط على الهسة

:

ويلزم بصراحة على الأقل عشرة يوافقون ،

يلزم عشره يوافقون / الجمله طبيعيه مافيها اي شي << جمله زغنطوطه حليوه مزيونه ياربي عليها
بس الهسه مو باملاءها ولا بتعبيرها ..
الهسه الكبيره في تطبيقها، لانك انت هسهست قبل مايوافق أحد، واذا اعتبرنا ان الذين ردوا يعتبرون موافقين فما اعتقد انهم تجوازوا العشره ...
مع اني انا مو ضد الموضوع بل بالعكس انا معك ومع الهسهسه ..

1 - صفر اوكي

المشاركة الأصلية كتبت بواسطة مسلط على الهسة

:

اللي واثق من نسفه

وينسفه نسفة قويه اردته ارضاً .. يا الله مش معقول.. وش الي قاعد اشوفه <<< هذا معلق مصارعه بالقناه الثانيه السعوديه الساعه 11 ليلا بعد الأخبار

اهم شي انتبه من النسفات او النسافات حقات السياره الخمس وثمانين الي منزله سستها وكفرات خط وعلى باب الحوض من ورى شعار اوربت وقدام عند القزازه لزقه بيضاء يعني ان السياره توني مطلعها من الوكاله
وبالحوض شنطه عزبه ومركب توانك يعني اني مقطع الشمال والبر وقاطع الدهنا خمس وعشرين مره ولا عمري غرزت والهواء 30 ، وآخرتها العزبه الي بالشنطه كلها ابريق متفحم من آثر تسليطه المستمر لنار حطبها أثل ، لا والأثل هذا مجيوب في ساعات متأخره من الليل من شعيب خصيبه الي وأنت نازل من عند مزرعة عيسى ذيك الي تحت..

2 - صفر


شاو

على طاري نسفة يمدحون المنسف

ياعمي هذي واضح أنها غلطة مطبعية من سرع الكتابة ما شاء الله حولي .

لكن سالفة البداية أنا ما بديت أنا أعطيت مثال بس ، باقي تونا ما بدينا.

انا قاعد أنتظر الزقرت اللي يقرون وخايفين ما ودهم يشاركون ..

وأشكرك حقيقة على التشجيع والمشاركة وما نستغني ، يا الله خلك معي ونكمل الموضوع.



وأحتفظ بالنتيجة واحد صفر لصالحك ، وبكرة إذا تكلمنا عن هساتك نعدلها

شاو منشان شو

مسلط اخوي حنا نكتب في اللهجة
العامية اما لونكتب في الفصحى فقط اقول معاك حق
لالا دور غيرها
ها الشكل كل المواضيع فيها غلط وهسات
انت كذا تشتغل مصحح املائي اخخخخ