ثقيـل كنـه طويـق لامـن تكلّـم

قصيده قمه للشـــاعر المميـــّز : ضيدان بن قضعان
وفيها إبــــداع لامحدود في دقة الوصف
ويتطرق الشاعر فيها إلى وصف الجمس من الصدام للصدام...!!
أتركم مع هذه الرائعه , وعسى أن تنال اعجابكم..!!

قــم يانديـبـي فــوق جـمـسٍ مـصـمـم= بالكـمـبـيـوتـر مـاتـجـيـبـه وكـــالـــه
تصمـيـم عــام ألفـيـن للـحـيـن مـاتــم= لـكــن هـــذا عـيّـنـه جــــاء لـحـالــه
أهــــدوه لكـلـنـتـن وقـــــام يـتـبـســم= وقـال أرسـلـوه لــدار نــور العـدالـه
وجـابــوه هـديــه للمـلـيـك المـعـظـم=فهـد زعيـم العُـرب وافــي الجمـالـه
وجانـي خبـره وجيـت عجـلٍ ومهتـم=لقصـر مـن كـل العـرب فـي ظلالـه
جـيـت الـوزيـر وقـلـت له لـــو تـكــرّم=ودي أشوف الجمس وأوصف جماله
قـال العفـو نستـاذن اللـي لــه العـلـم=يـرجـع وشــوره دايـمـاً فــي دلالــه
عبدالعزيـز بــن الفـهـد جـالـي الـهـم=المستـشـار الـلـي يـشــرف مـجـالـه
ودخلت أنـا وايـا الوزيـر المخضـرم=فـي مجلـسٍ رحــبٍ تخـالـف دلالــه
جيتـه وهــو جـالـس ووقــف وسـلّـم=ورحــب وأذن لــي أجـلــس قـبـالـه
وأبديـت لـه سـرٍ علـى الـنـاس يكـتـم=وقــال الــذي تبـغـيـه سـهــلٍ مـنـالـه
ودعا الوزير وفي أذن أبا الخيل تمتم=وفـيـنـي ركـــز نـظـرتـه بالـعـمـالـه
وفهمـت وشهـو قـال لـه جعـل يسلـم=عـطـانــي الــلــي مـايـعـيّـن بــدالــه
يعطـي العطـاء مــن للمعـالـي بسـلّـم=يـرقـى سـنـود وعـزتـه راس مـالــه
وأقفيـت باللـي مــن نـظـر لــه تـألـم=حتـى هـل المـرسـدس عــدوه عـالـه
ولحق بشـرّه مـن كشـخ فـوق بـي أم=صابـه جفـال وعـاف غـالـي حـلالـه
وتعالـمـوا بــه كــل كـافــر ومـسـلـم=وكـلٍ شغـل بالجـمـس فـكـره وبـالـه
وجاني الجميح وقال لي بس قـل كـم=ملـيـون كــاش ومثلـهـا لــك حـوالـه
قلـت الذهـب هـذا علـى البيـع حِــرم=وبهديـه لـلـي يمـدحـه مــن عـنـا لــه
ونـاديـت مــن ربـعـي غـــلامٍ تـعـلّـم=علـى عـبـور الـحـد وقــت الجهـالـه
ثــم قـلـت ياصـبـي الصمـايـل تـولّـم=عـلـى الــذي مـاجـاء لـنـا بالسـهـالـه
جمـسٍ يهـوم المـدح ويحـارب الــذم=مهـجـنٍ يـحـيـي الـقـلـوب اشتـغـالـه
أمـــه ترايـسـتـار وأبــــوه جــــي أم=وأكثـر طبوعـه مــن طبـايـع خـوالـه
مصممـيـنـه للـفـضـاء قـبــل يـفـطــم=ويـوم فطمـوه فقالـت القـاع أنــا لــه
كــن حــس سلـفـه لاغمـزتـه ورنّــم=ضحكـة صغيـرٍ يـدّرج وسـط صالـه
ونــة سـيـوره صــوت عــودٍ تهـشّـم=يـوم أقفـوا الغـازيـن بأغـلـى حـلالـه
وإيلا أشتغل كن فـي قـزوزه مترجـم=يحكي فرنسي عـن ظـروف البطالـه
لـكـن شكامـيـنـه إيـــلا مـــن تـــرزّم=ايـديـن سـبّـاح هـــوى مـــن سـقـالـه
مكـيـنـتـه كـنــهــا إبــريـــقٍ مـلــغّــم=فـوقـيـه أحـمــر والـبــلاء فالحـثـالـه
لـجـة لـحـي الـغــوج لامـنــه لـجّــم=فـي حــس كبـوتـه إلـيـا غــط جـالـه
شبكـه يشـادي رشـرشٍ فـوق محـزم=علـى كمـا التفـاح مــن تـحـت شـالـه
لـكـن مرايـاتـه إيــلا أقـفــى مـوشّــم=أذنــيــن ريـــــم ذيــرتـــه الـثـعـالــه
شنـابـر جنـوطـه حـجــولٍ بمـعـصـم=ســوداء تهـيـض بالطـبـل كــل دالــه
رفـارفــه كـنـهـا ركــــون الـمـقـطّـم=وكـن القـزاز البـرق لاأنشـت خيالـه
ومساحتـيـنـه حــجــة الــلــي تـلـثــم=خشفٍ على العاشـق عسيـرٍ وصالـه
سيتـه يضـم اللـي علـى طارتـه ضـمأمٍ= تــضــم ولـيـدهــا مــــن دلالـــــه
كنهـا احتوتـه بحضنـهـا هـنـد رسـتـم=أو بـنـت صـدقـي قـمـة الـفـن هـالـه
وكـنـه مــع الـقـاع العـتـش لاتهـنـدم=هـرشٍ مـع الغـفـران تـومـي حبـالـه
مُقدمـه لمـا أقفـى يـخـم الشـمـع خــم=عـجـزت بالتوصـيـف ألـقـى مـثـالـه
يـشـدي لسـكـران يـلاغــي ويـحـشـم=ولا لـــعـــودٍ مـزعـلـيـنــه عــيــالــه
سـعــة تـشـوفــه تحـسـبـنـك تـحـلّــم=لاأبـو الـذي صممـه ماأوسـع خيـالـه
عليـه ياالمنـدوب فـي اللـيـل الأظـلـم=أسـر وعسـى التوفيـق للـذيـب فـالـه
لـذ مـن وراء مطلـول غــربٍ ويـمم= غرب جنوب ومن صدفـ لاتسالـه
تلقـى محمـد كـنـه البـحـر أبــو جــم=مــا الله خلـقـه إلا لــدرب الشـكـالـه
ثـقـيـل كـنــه طـويــق لامـــن تـكـلّـم=تـشـفـق لاقـاطــع هـرجـتـه بالبـيـالـه
لاجيت أبـو عليـاء ورحـب فقـل سـم=عطـه السويـك وماأحتوتـه الرسـالـه

محمد المذكور في القصيده هو : الشيخ محمد الدامر من شيوخ قبيلة العجمان
وســــــلامتكم

الاخ المراقب العام ابو يارا
صح الله بدنك وصح الله السان الشاعر
مثل ماجاد الشاعر الوصف فأنت من أجاد الاختيار الجميل والذوق الشعري
تقبل شكري لك