{ ** طــعـــنة عــــــــــذاب ** }

اتمنى ان تنال على رضاء الجميع القصيده للشاعر / فالح الهاجري

عاتبيني / ما بقـى بيننـا غيـر العتـاب = كلمتين وعقبها .. كل حيٍّ فـي طريـق
وان بكيتي واختلط كحلـك بدمعـك وذاب = ما يهوّن صدمة القلب من طعنـة رفيـق
عجّلي باللـي تقوليـن دام الظـن خـاب = و اتركيني انطفي واشتعل بـرد وحريـق
طعنتك ماهي بطعنة غدر / طعنة عـذاب = بدفع لها من سنيني ولو ماكنـت اطيـق
شفتك بعيني معه وانكسر حلـم الشبـاب = والغريق إن خانته قوّتـه مـات الغريـق
وابتعدت هناك بيـن الحقيقـه والسـراب = يا كبر جرح الخيانه على القلـب الرقيـق
ما بكيت ولو جرى دمعّي وبـلّ التـراب = ما شكيت ولو على صيحتي صاح الصديق
لفّني من عقبك الليـل ودروب الضبـاب = لعنبو صدرٍ على مثل هذي مـا يضيـق
كان غيري قصرّوا للهوى طول الرقـاب = واخضعوا للمبسم العذب والعنق الدقيـق
ماخضعت إلاّ لمن له تصاريـف السحـاب = ما سجدت إلاّ لمن حـرّم البيـت العتيـق

صح السانه



وصح اختيارك لاهنت ابن منيديل



والــــــــــــــــــــــــى الامام

بقايا انسان

لاهنت يالغالي على مرورك


تشرفت بطلتك ياالإنسان

كيف لاتنال اعجابنا ورضانا

وهي من اختيارات ابن منيديل

ذلك الاسم المحفور في ذاكرة منتدى الشعر

اختيار رائع دمت لنا يبن العم

وانا تشرفت بالمرور على هذه الرائعه
كيف لا وهي من اختيارك
حتما ستنال اكثر من الاعجاب

تحياتي ابن منيديل

الابداع هو عاداتك والتميز هو اسلوبك

منصور الوسوس

وانت اسمك محفور للطيب والكرم وبياض الوجه


الله لايهينك عالمرور


معلاء العنيزان

اعجابك بها يكفي طال عمرك
ولك الف تحية على مرورك


ابو العز

وانت دائمآ تشرفني بطلتك الجميلة والإبداع منكم واليكم

(( رفـــــــــع فــــــــقــــــــط ))