الشعر شعري ماخذيته بالاسلاف ...

أولا اشكر كلا من الاخ : منصور الوسوس

والاخ : مرسى السفينه

على نقلهم لبعض قصائدي لكم هنا

ويعلم الله لي الفخر والشرف أنهم نقلوها لمنتدى ربعي وجماعتي

وحبيت اشاركم بهالقصيدة المتواضعه عساها ان تنال إعجابكم

أخوكم

محمد بن عقيل الفريدي

الشعـر بـحـر وجـيـت للبـحـر غــرافمانـي محمـد كــان ماجـبـت صـافـي

من دنيتي مـا طـاف ياصاحبـي طـافنذر ٍلا أجيب الجـزل مـن نظـم قافـي

ماضرني من قـال مـن شعرنـا عـافوالله لا اورده الــــدروب الـعـجـافــي

ماجيت أبكتب لأجل زينـات الأوصـافجيتك وجيـش الشعـر يمشـي خلافـي

شاعر وأعرف الشعر سيف ٍ وسيـافوأنـا مسكـت السيـف بـأول مطـافـي

قطعت رأس اللي كسر داخل القـافوبـارزت مــن وزنــه نـزيـه ٍ وشـافـي

كسبـت نـاس ٍ عرفهـا فـوق الأكتـافأفـخـر بـهـا مفـخـار وافـــي لـوافــي

مقـدام شعـري مـا ضريـنـا للأنـكـافامواصـل المشـوار مــا قـلـت كـافـي

الشعـر شعـري مـا خذيتـه بـالأسـلافإزهـم جـزيـل الشـعـر ويجـيـك لافــي

احسب جزيل الشعر في كـل ميقـافمـا جيـب شـعـر ٍ بالمواقـيـف هـافـي

واحسب حساب اللي لهم نور منشافربعـي هــل الـطـولات نــور ٍ يشـافـي

أفـخـر بـهـم واثــق ولانـــي بـخــوافمــا دام ربـعـي عـزهــا دوم ضـافــي

ولا أحتاج في ربعـي سواليـف عـرافنـور ظـهـر للـكـون مــا هــو بخـافـي

وبعـد القصيـدة ماعلـى قلبـي خــلافولاني بمن يمشي على الشوك حافـي

بيض الله وجهك يامحمد على الدرر ونا شهد انك شاعر متمكن
وقوي الى درجه عاليه وألمس من الابيات قوة المعنه
ولاكن عندي لك طلب نبغى قصايد أخرى فقديمك جديد عندنا

ونحن نفخر بوجودك معنا في مجالس الفرده

واهنئك على الذائقة الشعرية

لك مودتي

صح لسانك وعلاء شانك

يابو مها شاعر مميز

وقصيدة جزلة تستحق

الثناء

وإلى الأمام يابو مها

وفالك التوفيق والصحة

والعافية

ولا تبخل علينا من جديدك

لكي يزود عندي رصيدك




تقبل تحياتي \ أخوك أبو سامر

بيض الله وجهك على هذه القصيدة

وصح لسانك ياشاعرنا المبدع محمد عقيل

اعجبتني قصيدتك وياليت ان لاتبخل علينا من روائعك

وتقبل تحياتي

الشاعر محمد بن عقيل الفريدي

صح لسانك


والله انا سعداء بتواجدك في مجالس العز والشموخ

وبيض الله وجهك على هذه الجزاله

اشاركهم الراي ياحبذا من قصائدك القديمه

كما قال اخي ابن مطيع فقديمك جديد عندنا

اشكرك على هذه القصيده الرائعه

كما ارحب بك بمنتدى ربعك وجماعتك فاهلا وسهلا

اخوك / ابو عبدالرحمن

الشاعر محمد عقيل الفريدي
افتخر بوجودك هنا في صرح الفردة العامر

مجالس العز والشموخ ترفع لك الراية

خفاقة تفاخر وتفتخر بوجودك بين اعضائها

كنت اتوقع ان لك ابداع لم نشاهد منه الا القليل ولكن عذري

انني نقلت هنا ما وجدت والجود من الموجود اما الان وقد شرفتنا

بهذه المقطوعة الادبية فلا اجد لك عذرا عن مواصلة الابداع والتالق

فاصدح لنا بمثل تلك الابيات وشارك نجوم شعراء الفردة شاركهم

التوهج في مجالسهم التي تسعد بوجودهم وبوجودك معهم

تقبل باقات من الورد والكادي لشخصك الكريم وياهلا ومرحبا

صح لسانك ,,,

	صح السانك شاعر جزل ونفخر في وجودك بيننا وهذا منتدى ربعك وننتظر جديدك وياهلابك