عميد المجالس

في مجلس المشرفين الخاص يوجد موضوع كتبه نجم المجالس
( ذيبان ) عميد المجالس محتوى الرسالة او الموضوع يوصي بالاهتمام بالمجالس
عموما وخصوصاً مجلسه الذي هو المشرف عليه تاريخ القبيلة وعليه
ردود جميلة من الإخوة المشرفين والمراقبين لأن الجميع يعمل هنا
كأسرة واحدة والحمد لله . لكن هناك رد استوقفني جداً بل جعلني
أحب أن يطلع عليه الجميع لكونه وفاء لرجل من رجالات الفردة
المعاصرين الذين بذلوا جميع الجهود من اجل رفعة اسم القبيلة
وفي جميع الميادين وان كان النت أكثرها وهو الوالد الكريم :
أحمد بن مطر العود أبو راكان الذي لاتخفى على الجميع جهوده .
وهذا الرد هو عبارة عن قصيدة لشاعر الرومانسية في مجالسنا
الشاعر : علي الجضعان الذي اعتبر ماكتبه هو وفاء لايستغرب
من ابو عمر فهو عنوان الوفاء الصادق أترككم بعد هذه المقدمة
مع قصيدة الشاعر الرومنسي ومراقب بيت القصيد : علي بن جضعان

شوفوا يوصينا وهـي عشـرة أيـام= لوهـو شهـر بالله وشّـي وصاتـه
من دون ربعه صاير(ن) درع وحزام= في غيرتـه محـدٍ يسـوي سواتـه
العوُد نظراتـه علـى طـول قـدام= مايلتفـت ياكـود بآخـر صـلاتـه
يبي يباهـي بإسمنـا بيـن الإعـلام= دايم على الـزلات يظفـي عباتـه
شوفوه شعله دائمـآ بيـن الأقسـام= وحكمه مـع التوجيـه بمشاركاتـه
مايهتنـي بالنـوم لـو وده يـنـام= هذا حلايا الذيـب وأغلـب صفاتـه
لو كلنا مثله علـى طـول بأسهـام= حرام مابه شخـص يلقـى شماتـه
خطه مميـز دائمـآ بيـن الأقـلام= في كل شي ٍضـاع يجمـع شتاتـه
نبـي نقـدم لـه شهـادات ووسـام= تقدير مـن ربعـه علـى مميزاتـه

هذا الموضوع اعتقد مكرر

وارجو ان تسمحو لي بعرضه من جديد وجدته في ذاكرة الجهاز

الله لايهينك ابايارا وشكر على الأطراء وتسلم على النقل



وابوراكان مهما كتبنا لن نوفي هذا الرجل حقه ومهما لقبناه

اباراكان أكبر من جميع اللقاب مانبذله قليل بحقه قليل

عسى الله يطول بعمر

وأحمد بن مطر العود مهما بذل لن ياصل لما بذله

الشيخ/مطر العود رحمه الله تعالى لربعه الفرده

هذا الرجل الأسطوره وأكرر شكر لبو يارا على حميته

الربعه وحبه للعلم الغانم وهو أهل لذلك

العوُد نظراتـه علـى طـول قـدام
مايلتفـت ياكـود بآخـر صلاتـه
يبي يباهي بإسمنـا بيـن الإعـلام
دايم على الـزلات يظفـي عباتـه
شوفوه شعله دائمآ بيـن الأقسـام
وحكمه مـع التوجيـه بمشاركاتـه
مايهتنـي بالنـوم لـو وده ينـام
هذا حلايا الذيب وأغلـب صفاتـه
لو كلنا مثله على طـول بأسهـام
حرام مابه شخص يلقـى شماتـه
خطه مميـز دائمـآ بيـن الأقـلام
في كل شي ٍضـاع يجمـع شتاتـه
نبي نقـدم لـه شهـادات ووسـام
تقدير من ربعـه علـى مميزاتـه


صح السانك ابو عمر وابو راكان يستاهل
كفيت وفيت وما يهون ابو يارا

شكراً لك منصور من الأعماق
صدقني عندما ارا اسم ذيبان ابتسم تقديري لهذ الشخص
ماهو غريب الطيب من منبع الطيب
بيض الله وجهه في دنيا والاخره ,,,,تعجز الكلمات وتجف الاقلام عن شكر ذيبان
كذلك أضيف الشكر لمن قدم هذه القصيدة لتبقى في الذاكره شكراَ لك ياعلي

يستاهل المدح عميد المجالس

وصح لسانك شاعرنا علي الجضعان الفريدي

والف تحية الى المراقب منصور الفريدي على نقل القصيدة

يستأهل ابوراكان هذا المدح

ولاهي غريبه رجل بمعنى الكلمة

وصح لسان ابو عمر شاعرنا المبدع

واشكر أخينا ابو يارا لهذا النقل المميز

صح السان الرومنسي وابو راكان وافي وتقديره يفوق تسطير الاحرف



لاهنت ابو يارا مع جزيل الشكر إنتقاء دائما ً جميل لاهنت لاهنت

يا ستاهل ابو راكان كل خير
هذا الرجل له وقفات لا يقفها اغلب الرجال
وصح لسان ابا عمر

وسلمت يمينك يا ابا محمد



والمعذره على التقصير
لقلت المشاركات والاتصالات

(((( مهمه للجنوب ))))


والوضع بخير