ياكليب شب النار ياكليب شبه= عليك شبة والحطب لك يجابـي

ياكليب شب النار ياكليب شبهعليك شبة والحطب لك يجابي

اشتهر هذا البيت بوسط البدو والحضر 000 واردت ان اذكر قصته وقائله ومناسبته 0

هذه قصيدة قالها / دغيم الضلماوي الشلاقي الشمري / وقد اشتهر صيته بالكرم وخاصة بالقهوة التي كانت والمه عنده باستمرار وجاهزه وخاصة بالليل واشتهربشـب النار في الساعات المــــــتأخرة من اللــــــــيل
وذلك لتــــــــجذب الضـــــــــيوف كما ورد في قصيدته المشهوره


فسمع الامير/ محمد العبدالله الرشيد بصيت / دغيم الضلماوي الشلاقي الشمري بالكرم وخاصة القهوة وسمع قصيدته التي قال فيها000

ياكليـب شـب النـار ياكليـب شـبـهعليـك شبـة والحطـب لـك يجـابـي

وعـلـي أنــا ياكلـيـب هيـلـه وحـبـهوعلـيـك تقلـيـط الــدلال العـذابـي

وادغث لها ياكليب مـن سمـر جبـهوشبـة الـي منـه غفـى كـل هـابـي

بـاغــي لـيــا شبيـتـهـا ثـــم قـبــةتجـلـب لـنـا ربـعـا ســراة غـيـابـي

بنسـريـةً ياكـلـيـب صـلـفـا مـهـبـهلاهـب نسناسـه تـقـل ســم دابــي

ســراة بـلـيـل وناطـحـيـن مـهـبـهمتكنـفـيـن وشـوقـهـم بـالـعـذابـي

الوالـمـة ياكـلـيـب عـجــل بـصـبـهوالرزق عند اللي ينشـى السحابـي

صـبـة لقـرمـا صرفـتـه ماحـسـبـهيـوم البخيـل مكنهـب الوجـة هابـي

وصـبـة لمنعـوريـن لـيـا جــاة نـبـةيرخص بعمره والدخـل لهـا ضبابـي

وعدة عـن اللـي مايـداري المسبـهالـلـي يـــدور بالقـصـيـر الغـيـابـي

عـن الطيـب عـده نـازلا لـه بغـبـهيضرب علـي درب الخطـا مايهابـي

لا بـاطـن الهلـبـاج خـطـوا الجلـبـةيـا حلـو خبـط عصيـهـم بالركـابـي

أطمـر لهـم وأبـدي سـلام المحـبـهلا جـو علـى هجنـاً يديـهـم خـرابـي

سـلام أخلـى مــن شخالـيـل جـبـهوأحلى من السمن الجديـد العرابـي

مـع كـبـشً مـصـلاح راســه نجـبـهلا أدبـــر الـهـيـن مـتـيـن الـعـلابـي

خطـو الولـد يــوم المـلاقـي نكـبـهيأتـي علينـا مـن حسـاب الزهـابـي

وحتى يش لـو يلبـس وبينـن وجبـهمعـيـرة عـلـى غـضـيـر الشـبـابـي

أنــا لقـيـت الصـبـر يـازيــن غـبــهيرقيك رؤوس مشمرخات الهضابي

من لاصبر ياكليـب فـي حكـم ربـههـذاك يــوم البـعـث مـالـه ثـوابـي

يقولهـا اللـي مـا حـسـب المسـبـهولا عرقـل الاجـواد ببعـض الهلابـي

هــذا هــوى بـالـي وهـــذا مـطـبـهمـن قبـل مايسفـح علينـا التـرابـي

سمع الامير محمد العبدالله الرشيد بكرم الضلماوي واراد ان يختبره في هذا البيت


ا

الوالمـه يـا كليـب عـجـل بصـبـهوالرزق عند اللي ينشى السحابي

وفي احد الليالي قال الامير لبعض خوياه ( ترانا نبي نسير ) ولم يخبرهم اين وجهته حتى وصل الى الضلماوي وقد جاء تالي الليل و نوخو على الضلماوي فقام الضلماوي ورحب بهم 00ويوم دخلو الرقة وشاف الامير محمد الوجار الا و النار حيه والوالمه على النار وصب لهم الضلماوي من الوالمة وقام يحمس الثانية وقبه النار0

وقال الامير محمد بن رشيد: ـ
ما تقولي يالضلماوي وش عندك به يوم انك تقوصد00 ( يا كليب00 يا كليب) .
فعرف الضلماوي ان الامير زعلان فقبل رأسه 000 وقام ومد يده للامير وقاله :-

مده رهـن لـولاك ماقلـت ياكليـبولا قلت شب النار وصر موقدا له

في ليلـة تجـدع سـواة المشاهيـبنـسـريـة تـلـصـق خـلـيـل لـخـلــه

نطعـن بعـزك ياحصـان الاطاليـبعسى الله جمع حزمتـك مـا يفلـه

يالجوهر الناريـز يالمسـك يالطيـبيــا عنـبـرا مــن جـربــه مايـمـلـه

تكفـي محاليـب وتملـى مجالـيـبوكـبــد تيـبـسـهـا وكــبــدا تـبـلــه

ياطير شلوى مالقـي بـك عذاريـبلو تستحتي ما تجمـع الطيـب كلـه

يا بو اليتامى والارامل ومـن عيـبوأبوا لمن صـار العصـى ثالـث لـه

وابو المحرول والاعمي والمحاديبومن ضامته بعقاء تصيـر ولـدا لـه

أن كان هرجي به عليكم عذاريـبسامح عسى اللي عقبك بألف حله

فقال الامير محمد العبدالله:ـ يالضلماوي والله ماتشريه غير ماشريته000 مادام انا حي كل مااحتجت تجي يمي وتاخذ حاجتك0
ويقال انه قال له :ـ يا الظلماوي الحب والهيل من عندي 00 والعمر من عند الله 000