شعـــــــــور مـــــــــــــــــــواطن

مرحبا باللي فرحنا مـن حضـورة =والزعل ما صابنا الا مـن غيابـة
مرحبا بأعـداد مهـي بمحصـورة=مـا يحددهـا كـلام ولا كتـابـة
مرحبا واهلا وسهلا بأخـو نـورة=عن جميع أبنـاء وطنـا بالنيابـة
كلبونا أخـوان والـدار معمـورة=ولا اتفقنـا فالمواقـف لا غرابـة
المواطن والوطـن هـذا شعـورة=بينهم في حب أبـو خالـد تشابـة
سيدي في عهدنـا يـا كبـر دورة=وغيبتـة ينتابنـا منهـا كـأبـة
ندعي الله يرجع بكامـل سـرورة=ونحمد الله يوم رب البيـت جابـة
كل بيـتً عـج بالفرحـة بخـورة=مرحبا بأبـو اليتامـا مرحبـا بـة
خطر أهل الخير بالخيـر مغمـورة=سيدي كـل المكـارم فـي جنابـة
ما يجيك الباس يا نمـر النمـورة=جعل حـب أبنـاك يأميـر تهنابـة
تحت ظل اللـي تنومسنـا شبـورة=خـادم البيتيـن أمـد الله شبابـة
أبو متعب جعلها تبطـي عصـورة=عن جميع أبناء الوطن ما صك بابة
يسر ظروفاً على الشعب معسـورة=سد حاجـات المواطـن واعتنابـة
والأمن نايف ورى تسهيل أمـورة=عشت يا رجل الأمن رمز المهابـة
وسيدي سلمان فعلة خير صـورة=للوفـاء بيـن الأحبـة والقرابـة
وعد ما روضاً عصر لجت طيـورة=نحمد الله عد مـا يمطـر سحابـة
كلبونا أخـوان والـدار معمـورة=ولا اتفقنـا فالمحبـة لا غـرابـة
المواطن والوطـن هـذا شعـورة=بينهم في حب أبـو خالـد تشابـة

الشاعر/ راشد الرياحي

مشكور على القصيده الوطنية

صح السانك والسان الشاعر راشد
وبيض الله وجهك ياابن راكب