كلمات صادقة واقعية رغم السنين التي مضت

كلمات صادقة واقعية رغم السنين التي مضت

مجموعة ابيات بالحكمة والنصائح


اعتذر على الاطالة



الناس تفنى والمباني والاملاك 00000000والقول يبقى والخبر للتوالي

الشعر معنى حكمته بعد الادراك00000000وما كل يلمع على النور غالي

والشعر صور شاعر فيه تلقاك00000000اما لبس لك جوخ ولا سمالي



*•~-.¸¸,.-~*×خالد الفيصل *•~-.¸¸,.-~*×


احفظ دبشك اللي عن الناس يغنيك00000000 لو هو شوي ما حصل لك دبش ذاك


رفيقك اللي بالعطايا يمنيك00000000 انصه بمقضاه الغرض قبل ينصاك


اما تجود بواحد جايد فيك00000000والا بما سوى تجازيه لا جاك


واجعل دروب المرجلة من معانيك00000000واحذر تمايل عن درجها بمرقاك


ولا تنسدح عنها وتبغيني اعطيك00000000جميع ما يكفيك ما حصله ذاك


واحذر تضيع كل من هو ذخر فيك00000000جازه بمعروفه وزد له بحسناك



*•~-.¸¸,.-~*× بركات الشريف*•~-.¸¸,.-~*×



ربعك الى بان الخلل فيك عافوك00000000اقرب قريب لك من الناس يشناك


ان كثر مالك اصدقولك وطاعوك00000000وان قل ما بيدك شانت حلاياك


لو تطلب الماء عندهم كان ما اسقوك00000000ابعد مزارك عن وطنهم ومرباك


وان طاب حظك اصدقولك وحبوك00000000وان بار كل ما يبي غير فرقاك


وهراجة المجلس الى جيت وروك00000000منازل تطرب نظريك بدنياك


والى قضوا منك اللوازم وخلوك00000000تفرقوا وانت احتمل لحل ما جاك


كنك سراج البيت للنور شبوك00000000واللي انقضى اللازام حد الربع طفاك


الى ان قال:



واصحى لخلان الرخا لو تغالوك00000000اعرف ترى اطيبهم الى احتجت يجفاك


كنك خوي مقيط دهووك واغووك00000000وحقك عطاك رشاك واقفى وخلاك


واحذر عن العيلة ترى الحق مدروك00000000مثل العمل يدركك ما منه فكاك


وان كان عدوانك على الضيق حدوك00000000فاخصم طلابتهم بعجفاك وقداك


وان كان هم لمشرف الحق ما شوك00000000ناظر مطاليع الفرج قبل مبداك


واحلم على الجاهل ترى الحلم مبروك00000000وقم للضعيف اللي من الضيم ينخاك


وادمح خطا جيران بيتك الى اوذوك00000000ترى القصير وحرمة الجار بحماك


وقم للضيوف اللي لفولك وضافوك00000000اغلا كرامتهم حجاجك وبشراك




*•~-.¸¸,.-~*× سليمان بن شريم*•~-.¸¸,.-~*×



ساس الردي لابد مبناه ينهال00000000ولد الردي صاحبي تحطه بطانه


تلقاه وقت الضيق لاضحكك الجال00000000الصفر لا يغريك زين لمعانه


ترى الذهب من صافي جنيه واريال00000000ما يختلف يا ذيب طيلة زمانه


بستان غيرك لوبه الوان واشكال00000000ما تنتفع من خوخه وبردقانه


ما ينفعك ما فيه لو بالثمر مال00000000لاصار بالغدراء جداره مخانه


ويقول ايضا:

احرص عن الزلات في كل الاحوال00000000لا تنخدع باللي يعلج اللبانه


ما يفتري ويشين الناس رجال00000000راع الحكي بالناس خله وشانه


عليك باللي بالمهمات سردال00000000ليث مثل من حط قوسه رهانه


انت وانا نبعد عن القيل والقال00000000كم واحدٍ يا ذيب ضره لسانه



*•~-.¸¸,.-~*× عبدالله بن صقيه التميمي*•~-.¸¸,.-~*×


الرفـقه اللي مــالها ساس ووصــول00000000اتلى تليــاها تروح بســـهوله


مثل الذرور اللي على راس غرمول00000000اول مهب يعترض له يزوله


والفعل ما يطلع على مستوى القول 00000000يقول قول ما يطبق فعوله


والفرق في الافعال ماهوب في الزول00000000والا ترى اطيب مامن الثور زوله


لو غرّهم زوله,, وحطوه مسئول00000000صاروا مثل راع الغنم ومخيوله


ثوب على جسم على شبه مخيول00000000ودايعه يفرسهن الذيب حوله



*•~-.¸¸,.-~*× غازي بن دخيل الله بن عون *•~-.¸¸,.-~*×



بعض البشر مثل النجوم المراهيش00000000انوارهم تزهي بالافراح بشه


افكارهم ري العقول المعاطيش00000000في الدين والدنيا للاخيار هشه


وبعض البشر عقله من التبن والخيش00000000لوزان شكله داخل الراس عشه



*•~-.¸¸,.-~*× عبدالعزيز الحسن*•~-.¸¸,.-~*×



الشور ما ينفع قلوب المهابيل00000000كالزند وان حرك تطاير شراره


لو تأمره بالعدل يعرض على الميل00000000يبتل على رايه بربح وخساره


والطبع ما ينزال غيره بتبديل00000000مثل الجدي مرساه ليله نهاره


والحنظله لوهي على شاطي النيل00000000زادت مرارتها القديمه مرارة



*•~-.¸¸,.-~*× عبدالله اللويحان التميمي*•~-.¸¸,.-~*×



تكلفك بامر ما يخصك جهالة00000000وتبعدك عما كان يلزمك له قافي


ولا تصافي كود حيد صميدع00000000غيور على الصاحب نصوح وميلافي


ولا تلوم النفس في جاري القضا00000000مالك عن المقسوم يالعبد مكافي


يا شرهل المعروف منك بتواضع00000000وهل الشر باشرهم بشر وتستافي



*•~-.¸¸,.-~*× محمد عبدالله القاضي *•~-.¸¸,.-~*×



ما طار وقع من مطيره ولو حام00000000والزود مثل النقص ينقص ولو زاد


دنيا تغر الناس في طول الاحلام00000000ولابد تاصل شرها بين الاجواد


ياماشي بالدرب مسرى ومجهام00000000لابد من عقب المراويح معواد


احد قضى زامه واحد يمسك الزام00000000واللي صدر منها يجي غيره اوراد



*•~-.¸¸,.-~*× غازي بن مهنا الشيباني*•~-.¸¸,.-~*×



من رابع الخايب سكن دوم واياه00000000لبس الدناسه عقب لبس الجدادي


ومن طاوع الشيطان في دينه اغواه00000000يصبح غريق بين الامواج غادي


ومن عاشر الطيب ترى الطيب شرواه00000000وبالطيب يرقى نايفات المبادي


خلك مع الطيب وممشاك ممشاه00000000ورافق على الربع القروم العوادي


عز الفتى دينه وسلمه ومرباه00000000وربعه عضوده عند قدح الزنادي


تاقف معه وبقدر الامكان تحماه00000000لا صار باطراف الحبال انعقادي




*•~-.¸¸,.-~*× محمد بن عايض بن هادي الحباني*•~-.¸¸,.-~*×


اضرب طريق الخير واسلك مسيره00000000ولا تلتفت للناس عوجاه واقداه


ولو طال عمرك عارف وش مصيره00000000ازبن ولي العرش واتعب على رضاه


وأد الفروض الاوله والاخيرة00000000واضف لهن مخافة الله ورجواه



*•~-.¸¸,.-~*× محمد بن عقيل السويلمي*•~-.¸¸,.-~*×



من كثر ماله ساروا الناس برضاه00000000ولو كان ناقص قالوا الناس وافي


ومن قل ما بيده ترى الناس تشناه00000000ولو كان يسقيهم عسل قنط صافي


فالمال كم ساس طمان وعلاه00000000والفقر كم حطم روابع سنافي


لاشك ما للعبد عن حكم مولاه00000000من خير ولا شر ولا عوافي


*•~-.¸¸,.-~*× حمد بن هادي المسردي*•~-.¸¸,.-~*×



قوموا بدين الله ورزوا شعاره00000000واخشوا نهار فيه تخطيف الابصار


دنياك مرجعها الفنا والقشاره00000000لا تامن الدنيا ترى الوقت غدار


لابد من قبر وحيش جداره00000000من مات ياالمسكين خلي على الدار



*•~-.¸¸,.-~*× محسن بن ناصر المري*•~-.¸¸,.-~*×


لولا الردي ما صار للطيب سمعه00000000لاشك لهذا ضد ذاك يصير


والناس مثل الماء غدير ومالح00000000هذا ملاح وذا زلال غدير


والاجواد قربتهم تبيض وجودهم00000000تنفع ولا من قربهم تأثير


والاشرار نفعتهم مكافاة شرهم00000000والا ترى قرب اللئيم خطير


الرجل عقل ومرجله وديانه00000000بلاشك راعي ها الثلاث ظهير


*•~-.¸¸,.-~*× مرشد بن سعد البذال*•~-.¸¸,.-~*×



من طاول الدمعه تكدر شرابه00000000والغت مرارة دمعته كل حالي


وافنى عنا دنياه زهرة شبابه00000000لو كان من بين الخلايق مثالي


واللي يبي ياقف لوقته يجابه00000000ينهد حيله,, والزمن ما يبالي


*•~-.¸¸,.-~*× على المفضي يقول *•~-.¸¸,.-~*×




تخير اذا رافقت من الناس عارف00000000رجل اذا شان الزمان يطيب


رفيق على عسر الليالي ويسرها00000000كما الزرع,, في وقت الدهور خصيب


امين يحفظ السر عن ساير الملا00000000حفيظ على ما في الضمير قطيب



*•~-.¸¸,.-~*× حامد بن مايقه الحبابي*•~-.¸¸,.-~*×



*•~-.¸¸,.-~*× ونختتم رحلتنا هذه مع أبيات للشاعر محمد بن احمد بن محمد السديري*•~-.¸¸,.-~*×



قصر يذلك لا تقابل مبانيه00000000خله عسى شامخ طويله هدامي


خله عسى ما صاب اغادير يفنيه00000000يودع منازله الطويله رجامي


لو زان مدخاله وطالت حواميه00000000شيد على الخيبه قليل الرحامي


وحي يوريك المذله وتغليه00000000انا اشهد انك ميت القلب عامي


من لا يودك لا توده وترجيه00000000ارفع مقامك يا عزيز المقامي


ارفع مقامك عن عدوك وتوذيه00000000ويلحقك من تركة رفيقك ملامي


حق الرفيق وواجبه لا تخليه00000000يلزمك مثل الوالدين الحشامي


اختر عزيز الجار والحق يعطيه00000000شبل على هرج يقوله يحامي








وسلامتكم

الله يسلمك من كل شر

واشكرك , , , , , , اشكـــــــــرك على هذه الروائع الجميلة والمفيدة اللتي تحمل
الحكم والنصح

مرة اخرى اشكرك وهذا انت يأبو العز دومآ تتحفنا بكل ماهو جميل




من كثر ماله ساروا الناس برضاه00000000ولو كان ناقص قالوا الناس وافي


ومن قل ما بيده ترى الناس تشناه00000000ولو كان يسقيهم عسل قنط صافي


فالمال كم ساس طمان وعلاه00000000والفقر كم حطم روابع سنافي


لاشك ما للعبد عن حكم مولاه00000000من خير ولا شر ولا عوافي

من طاول الدمعه تكدر شرابه00000000والغت مرارة دمعته كل حالي


وافنى عنا دنياه زهرة شبابه00000000لو كان من بين الخلايق مثالي


واللي يبي ياقف لوقته يجابه00000000ينهد حيله,, والزمن ما يبالي


*•~-.¸¸,.-~*× على المفضي يقول *•~-.¸¸,.-~*×



صح لسان الشاعر علي المفضي السالمي الحربي


مبدع دائما يا ابالعز لاهنت اختيارات راقية جدا كماهي عادتك يبن العم



سلمت ودمت

*•~-.¸¸,.-~*× محمد بن عايض بن هادي الحباني*•~-.¸¸,.-~*×


اضرب طريق الخير واسلك مسيره00000000ولا تلتفت للناس عوجاه واقداه


ولو طال عمرك عارف وش مصيره00000000ازبن ولي العرش واتعب على رضاه


وأد الفروض الاوله والاخيرة00000000واضف لهن مخافة الله ورجواه


سلمت يمناك ابو العز


وبارك الله في المجهود اللي تبذله لرقي بالمجلس

والـــــــــــــــــى الأمام