مواقف طريفة حصلت لي شارك فالعدد محدود

الكل منا قد حصل له موقف طريف أو موقف محرج أو موقف لا ينسى في هذه الصفحة نرجو أن نأتي بالمستور ونذكر كل ذلك بكل سرور

أدري ستقولون أنت الأول لأنك صاحب الموضوع

يا الله يعين ربي لكن لا أحد يضحك ممنوع الضحك هههههههههه ياخوفي من واحد خابره

الموقف الأول لا أحسد عليه

كنت في بريده وكان عندي شغل ضروري في القوارة وصليت في أحد المساجد فلما انتهيت من الصلاة خرجت بسرعة غريبه وتخطيب الرقاب وذهبت إلى سيارتي وادخلت المفتاح في السيارة وفتحت والحمد لله لكن اللي حصل ان المفتاح مايشغل السيارة كانت سيارتي كابرس المهم محاولات وانزل الدركسون وارفعه ولافيه فائده ......... يا ليل مطولك ماخرب الا في هالوقت ....

واثناء المحاولات اتى شخص واتجه الى سيارتي ووقف عند باب السائق فقلت قد يكون مشبه علي فنزلت وسلمت عليه .

ورأيته ساكت وقلت يعين الله بعد طحت بواحد معتوه هههههههههه وش يبي فيني هذا .. ماهو وقته ..

المهم سكرت الباب وخليت المعتوه عند الباب وكملت المحاولات وقلت لعلي اجد في الدرج مفتاح اخر وحصلت الكارثه ...

الأشرطة والكتب والأشياء ليست لي معقول ؟؟؟؟!!!!!!!!

وأعدت النظر وإلا السيارة ليست سيارتي فرجعت البصر للرجل اللي لازال واقف وعرفت من هو ..

هخههههههههه

فنزلت ولكن وش تتوقعون سويت ......... لم اتكلم مع الرجل ولا حتى اعتذار ركبت سيارتي وكانت خلف سيارته ومشيت وكان يشاهد هذا الموقف ابن العم _ ابوفيصل منصور الطهيمي

فتعال شف عاد الضحك اسمعه وانا عند الاشارة هههههههه وراح للرجال وسلم علي واعتذر عني وقال الرجال انا داري انه ماهو ( حرامي ) ههههه ادري فوجهه يدل على انه براءه ههههههههههههه

لا تقولون لأحد

================================================== =

موقف طريف

اعرف صديق لي ( سوداني ) وكان لديه جهاز حاسب مستعمل مواصفاته رائعة وفيه ابن عم لي يريده هذا الجهاز فحاول في الزول فقال (2000 ريال ) فأرسلني له يريد (1500ريال ) المهم رحت للزول ومحاولات فوافق على (1500 ريال ) ومباشرة ارسلت رسالة على ابن عمي قلت :

أبشرك الزول قدرت عليه وافق على ( 1500 ريال )

تدرون وش المشكله ::

خخخخخخخخخ

هههه اه ياراسي

المشكلة اني ارسلتها على الزول

هههههههههههههه

وكان معه مكالمه تلفون ثابت والجوال قدامه ولا دريت الا ( ط ط ) الرسالة على جواله وانا خابر عاد لي عاده واشوف الرسائل المرسلله والا هي له ............ههههههههههههه

واللقط الجوال وهو ينادي يازول يازوال المدام قلت مدام بعينك هههههههههه

وامسح الرسالة ههههههههه

وشفتك ولا شفته

==============================

عندي كثير بس اريد منكم ولا احد يقول ماعندي كل واحد يقول وخلك واثق في نفسك وقل كل شي

ضحكتني والله على هالمواقف الي ماتحسد عليها
وانا والحمد لله ماعندي مثل هالمواقف
لكن لي عودة

حقت الزول اقوى 000لان حقت الكابرس قد حصلت معي بس الفرق السياره حقي بيجو بكس واللي غلطت فيها مثلها وصاحبها واحد قصيمي 000وقد اخذ الموضوع بروح رياضيه

وين الشباب ساكتين ما احد ذكر شي اسمعوا ياتذكرون يا اذكر انا تراي جاهز وكل واحد عندي له دفتر ابو ستين مليان مواقف انا حذرتكم يا الله ابدوا

اول واحد معلا هات ماعندك بسرررررررررعه

معلا ابو ريم وينكم يعني ماعندكم مواقف ماهو معقول يا الله شاركوا خلونا نضحك ترى عادي تحصل لكل واحد ... وين البقية

ما شاء الله عليك يا ابى عبدالله مواقفك كثيرة ومن يصاحبك لا يملك فأنت صاحب أبتسامه لا تفارق محياك عرفت ذلك فيك منذ القدم .
من الواقف التي مرت في وهي كثيرة

1[size=5]- كنت أدرس في الثالث إبتدائي يعني توي صغير يوم من الأيام وأنا في الفسحة وامشي في السيب الذي يمر بين الفصول وكما تعرف انت والجميع تصميم المدراس الحكومية فإذا بي أرى أحد الجيران وكان يدرس في الأول متوسط وكان ضخم الجسم واقف في السيب وينظر إلى فناء المدرسة أردت أن افاجئه وأعمل معه مقلب كما يقال فمشيت إليه بهدوء من الخلف وهو لم يعلم بي فضربته ضربه قاسية مؤلمة من بين أكتافه المرتفعة ، أستدار إلي بسرعة فإذا هو لم يكن صاحبي ، المصيبه ليست هنا فحسب المصيبه أنه أحد المدرسين وتعرفون قديماً كم كان للمدرس من هيبة ووقار عند الطلاب لم يكن لدي من حيلة ولا طريقة فقد سقط في يدي فما كان مني إلا أن أجهشت بالبكاء ، مسكين اءاءاءاءاء ابكي هههههها
عرف أني لم أقصده ولكن هيهات ما عاد ينفع البكاء فالفشيله حصلت .[/size]2-

مرة من المرات كنت أقهوي رجل زائر لنا وكان كبير السن وتعرفون بعض كبار السن وفقهم الله إذا تحمس في الكلام ينسى الفنجال الذي معه ، أستمر كذا ثم بعد ربع ساعة تقريباً يمده فأصب له أطال علي وتعبت كثير خاصة إنني كنت صغيراً والدله ثقيلة فعندما مد الفنجال علي في المرة يمكن العاشرة فببالي أنه لم يقل بس فأردت أن أقول له تقهو فقلت له قل بس بصوت مرتفع (قل بس) ضحك منه جميع من كان في المجلس فقال ياوليدي معليش طولت عليك مار (بس) . موقف كان قمة الإحراج لي لن أنساه

.

غيره كثير لكن أنتظر مشاركات الشباب

.

مواقفك رهيبة وباقي عندك واجد هات بس لا تستحي ترى البساط احمدي

وين الشباب يعني كلكم ماشاء الله ماحصل لكم اي موقف