خلوني اروح اوسع خاطــري برا...........
...........في ديـــرةٍ مابهـــا لجــــه ولاصجــــه
ماطبها غير وبل المزنه الغـــــرا...........
...........اللي لصـــوت الرعــــد بأطرافها لجه
ضارٍ على سجة الأقدام ومضــرا...........
...........ضرتني ضروفي الصعبه على السجه
لقيتنــــي متهم في شـئ ومبــــرا...........
...........اختلفوا الناس فيه وجالـــــهم ضجــه
والبوح للناس عنه معيف ومورا..........
...........ولاعند معظمـهم الا الهـرج والدجــه
صدري عن السالفه مقفول ومغرا..........
...........منشأن محــدٍ علي يصيـــر له حجــه
ماني من البؤس عزة نفسي معرا..........
..........ولا أمشيبها من قدم وخلاف منفجه
يجتاحني هـمٍ أكبر من قرا الحــرا..........
..........عن أقرب الناس لي أفضــل الهجه
اسري بطوعه ماني بطوعي مسرا........
..........مسرا غريبٍ بليل وصـادفه عجـــه
والحمدللــه بالســـرا وبالضــــــرا..........
..........كني بريموت غصبٍ عني موجـــــه
لافي الغيداني
خلوني اروح اوسع خاطــري برا 
العرض العادي
