██▓▒░░جحا كاشت بالبعيثه░░▒▓██

مرة من المرارير..
كانو العيال كاشتين..
اشعب وعلي بابا واخذين معهم جحا..
طبعا علاقة اشعب بجحا مره رسميه..
لان جحا كان ساكن بالنفود..
وتوهم شادين هو واهله ونازلين الديره..
واشعب ولد نعمه وابوه معروف بالديره..
عندهم محطة بنزين ومطنطخين هو وعايلته..
طبعا الكلام هذا ايام غلا البنزين.. قبل لايرخصه طويل العمر ابومتعب...
والمستوى المعيشي مختلف بين اشعب وجحا...
المهم هم كانوا رايحين للبعيثه..
في ذيك الايام ان كان تذكرون.. ايام الربيع..
ايام حتى الي ماكان يدري وش معنى كشته كشت..
ايام وانت نازل من عنده قبه ورايح للبعيثه..
تحلف بالله انك ماسك طريق خريص ومتجه لكبري الخليج..
المهم نرجع لقصتنا..
طبعا العيال وهم جايين من ديرتهم..
مروا على سوق الغنم اللي بخصيبه واخذوا لهم ذبيحه..
فلوس الذبيحه كان سارقهن على بابا من احد الشيبان عند صرافة بنك الراجحي اللي بالعين..
الشايب مايعرف يستخدم الصراف واستعان بعلي بابا ..
وعلى بابا ماصدق خبر زرفله خمسمية ريال...
المهم واصل العيال الرحله..
وصولو البعيثه لقوا الزحمة والجيوب والتطعيس..
ضاق صدره اشعب .. سيارته اللي معه هيلكس 90 غماره والشطرطون مسلوب..
اللي يسوق علي بابا بحكم العلاقه القويه اللي تربطهم ببعض..
وهو المستشار حق اشعب والراس المدبر..
اشعب يجلس على الباب وحاطين جحا بالنص.. وذابحهم بريحة صنانه..
اخر مره تروش جحا من شهر طاب بالشعيب ايام المطر..
اقترح علي بابا على اشعب اقتراح فقال:
يااشعب يااخ العرب لماذا لانتعدى الى شعيب الحسكي..
لقد سمعت من اصحاب القوافل المارة من هناك ان فيها من الخضره مايطيب للناضر التأمل فيه..
ومن الاشجار الضليلة مانأنس بالجلوس تحتها اذا طقتنا القايله..
قال جحا: ايه ايه
قال علي بابا: انت انطق ماسألتك..
وافق علي بابا وذهبوا..
وصولو هناك ونزلو عزبتهم .. كل العزبه جحا هو اللي منزلها...
وحقين الرياض اشعب وعلي بابا جالسين مايسوون شي..
ياي تتمخش ايديهم.. ناعمين حقين العلياء والتخصصي.. ياهوووووه
جحا المسكين حليل ويستحي وغبي بنفس الوقت...
يوم نزل العزبه قالوله يالله اذبح الذبيحه واصلخها...
لان اشعب وعلي بابا مايعرفون متعودين على اكل الفاست فود ماقد كشتوا قبل..
ولو بيصلخون محتاجين كتلوووج عشان يصلخوون....
صلخ جحا الذبيحه وجلس يطبخ لهم..
جاء وقت الاكل...
اهاااا اهاااا اشعب مايكفيه ذبيحه كامله..
كيف والحين معه اثنين بعد بياكلون معه...
جاء وقتك ياعلي بابا يابو الافكار..
وهم جالسين يغرفون الاكل ارسل اشعب رساله على جوال علي بابا..
مكتوب فيها: دبرني حاول انك تصرف جحا عشان ماياكل معنا.
فهم السالفه علي بابا..
وقال علي بابا بصوت عالي عشان يسمع جحا:
هل تعلم يااشعب ان جحا لا يأكل اللحم..
اجابه اشعب: ولماذا ياهذا؟؟
قال علي بابا: لان جحا مشترك في نادي صحي ومسوي رجيم..
قال اشعب: وماهو الريجيم؟؟
قال: ان تخفف من الاكل ويكون لك برنامج غذائي وتقلل من اللحوم وتحاول تكون نباتي..
استطرد علي بابا قائلا: وهذا مايفعله الطبقه المتحضره والمتطوره في المجتمع..
قال اشعب : هل هذا صحيح ياجحا..
قال جحا: ايه ايه
قال اشعب : ماشالله عليك ياجحا .. ياحظك ليتني مثلك..
غرفوا العشاء وتعشوا...
جلس جحا المسكين بلا عشاء...
من بكره بعد سوى لهم الغداء وتغدوا وهو جالس ياكل بسباس مدري حميض..
مسوي نباتي الغبي...
رجعوا للديره وهو قالبن اخضر من كثر ما اكل من الاعشاب..
الضاهر حتى القشع مر عليه...
طلع ماهو جحا ذا .. طلع ضفدع بشري..
تشوفونه تقولون منهو هذا؟ لايكون الرجل الاخضر...
اشعب رجع منتفخ بطنه.. تحلفون بالله ان في بطنه بقره..
صابته الام ذيك الليله ماقدر ينام من بطنه..
دق على خويه علي بابا وجاء ووداه للمستشفى...
وهو بالطريق ماقدر اشعب يتحمل الالم..
وفاضت روحه وهم بالطريق لمستشفى العين..
مات الله يرحمه عند دوار السد...
يوم وصلوا المستشفى كشف عليه الدكتور..
وقال :لقد مات بالتخمه...
قعد يبكي علي بابا ويصيح والدكنور يقول عين خير ...
كلنا على هالطريق..
وعلي بابا يصيييييييح صياح وجالس يفتش في مخابي اشعب..
مايترك حركاته ... الحرامي حرامي

انتهت القصه..
ماذا نستفيد من القصه:
<-- وش فيك كنك مسوي ذاك اللي بالزير سالم اللي يقول : والتقى الجمعان وغاصت الخيول ...
ذاك اللي يلقى القصه في مسلسل الزير ... عرفتووه ؟؟ خلاص مايحتاج!

انا احس ان اهم شي في الموضوع هو مسألة الريجيم..
ومسالة البرنامج الغذائي اللي لازم كل واحد فينا يلتزم فيه..
والرياضه اللي هي اهم شي بالموضوع..
تأتي كمكمل للبرنامج وهي من تضع النقاط على الحروف..
وكما نعلم اخواني تفشي امراض القلب والشرايين والجلطات..
كل يوم نسمع واحد طاقته سكته قلبيه..
فلان بالمستشفى.. وش فيه؟؟ سوو له عملية قسدره..
فلان مات .. وش منه؟؟ سكته قلبيه
احوول انا لله وانا اليه راجعون...
اخواني الموضوع ماهو معقد...
نخفف من الاغذيه المحتويه على نسبة كليستروول..
نقلل من عدد الوجبات...
ونحاول دايم نعرف كمية السعرات الحراريه المجوده في اكلنا..
واذا اكلنا لانشبع..
كما ورد في الأثر عن علي بن أبي طالب رضي الله عنه( نحن قوم لاناكل حتى نجوع واذا اكلنا لانشبع)
نحاول ان نمشي باليوم فقط مدة ساعه...
الليل نحاول ان ناكل اكل خفيف...
عشان نقدر ننام مرتاحين...
النتيجه ايش يااخوان:
صحه..
رشاقه..
راحه نفسيه..
جسم رياضي ممشوق.. ههههههههههههههه
يعني كشخه..

هذي معلومات بسيطه..
وللاطلاع عن هذا الموضوع بتفاصيل اكثر..
ابحثوا بالنت فالمواقع الي تتحدث عن الريجيم والبرامج الغذائيه والرياضه كثيره..

اتمنى ان اكون ماطولت عليكم وانكم استمتعتم بقصة جحا وربعه...
وان نعتبر من ماحدث لاشعب هههههههههههههههه

وابغاكم تشاركون بالموضوع وابغى اقرا تعليقاتكم.

انتهى،،،
بقلم : بندر النغيمش

موضوع جيد ومهم ويستحق الوقوف أمامه طويلاً

لا هنت بند على الطرح المتميز الهادف

ولي عودة

طرح متميز والموضوع يجذبك للإطلاع على مادته

لي عودة بأذن الله اكرر شكري لك وتقديري

بندر نغيمش تحيه طيبه

اولا / شكرا لك على تاليف هذه القصه التي تحمل بطياتها موضوع هام جدا وهو موضوع السمنه

ثانيا / من المعلوم ان للرياضه اثر في حياتنا اليوميه وقليل من الناس غير متقيد بهذه الرياضيه وهي

لاتتطلب منك جهد او وقت كثير بل يكفيك ساعه او نصف ساعه اذا رتبت لك برنامج يومي



كما نثني بالشكر الجزيل للاخ بندر على هذه القصه الفكاهيه الرائعه

دمت لنا مميزا

انا اخر واحد يتكلم عن السمنه

وكان بودي لو اطلع عليها البعض هنا
وانت عارف من اقصد

اياك اعني واسمعي يا جاره
ولا يهون المتبطحين على الكورنيش

.
ودمتم سالمين

بس الاخ الكاتب العزيز
لم يذكر اي دفن جحا
وهذا خط مهم يوصلنا الى قبر المجني عليه
<<< كونان

أخينا الأديب الأريب الظريف

بندر النغيمش

أسعدنا وأمتعنا هذا المساء العاطر

فدغف من مذكرات حمورابي العتيقة

وجلس أمامنا في تله ليتبوء مقعد

الحكواتي و يطربنا بالحكايا الرائعة

وبين علي بابا و أشعب

وجحا المغلوب على أمره

دارت رحى حكاية

تعد خطيئة لأشعب و على بابا

وفاز بها الرجل الأخضر

جحا
واللي دايم مصفي النية

على فكرة ياليت ياجماعة ترتبون لنا كشته لأننا ملينا

من زحمت الرياض

الفوائد جمة من هذه القصة ومنها :

المحافظة على البيئة ..!!

فرش أسنانك قبل النوم ..!!

عاير زيت الموتر يافلان ..!!

حافظ على القوام الممشوق ..!!

أسطوانة الغاز خلصت ..!!

أشكرك عزيزي بندر وأقدر لك إتحافنا بما خف وزنه وغلي ثمنه ..

وكل حكايا أبي نغيمش و أنتم بخير

عدنا والعود أحمد

من فوائد هذه القصة

ضرورة الوعي وإيقاظ الحس البصير والإتعاظ مما حدث لأهل الجلطات والقسدرة

ووجوب أن يعي الفرد منا أنه ( ما ملأ ابن آدم وعاء شر من بطنه )

وأن الإنسان ( تكفيه لقيمات يقمن صلبه وإن كان لا محالة فاعل فثلث لطعامه وثلث لشرابه وثلث للنفس)

وأن يعي أن ( المعدة بيت الداء والحمية راس الدواء)

وأن يعي أنه ( يأكل ليعيش لا يعيش ليأكل )


إخوتي :

إن كان هذا الفرد معدوم اللياقة ولا يستطيع الجري ولا الرياضة

فأضعف الإيمان أن يكتفي بوجبة واحدة يومياً


الا يرى العاقبة الوخيمة لتراكم الشحوم ؟؟؟

كما قلت سابقاً موضوع جيد ونصيحة نحن بحاجة لها وتوجيه للأمثل

فبورك مسعاك يا بندر الخير

من بكره بعد سوى لهم الغداء وتغدوا وهو جالس ياكل بسباس مدري حميض..
مسوي نباتي الغبي...
رجعوا للديره وهو قالبن اخضر من كثر ما اكل من الاعشاب..
الضاهر حتى القشع مر عليه...
طلع ماهو جحا ذا .. طلع ضفدع بشري..

اسعد الله صباحك اخوي بندر والحاضرين
انا حسيت وزني نزل من كثر الضحك على
طيب الذتسر جحا الاخضر
الشباب ماقصرو اثنوعلى القصة والقصيده اقصد المقصد منها
وفاضو واستفاضو بالكلام عن الرجيم والسمنه ومشاكلها على البدن
والصحة والتجارة و التعليم بعد
اشلون
اقولك
بس انت اصبر اشوي
وعط سداح فرصه

اثر السمنه على الصحه

1-الاقلال من مخزون الادوية في مستودعات وزارة الصحة
2- تاثر ميزانية الصحه من كثر التخاتره اللي موظفينهم يعالجون الوجعى اهل الكروش
3-اشغال كل غرف المستشفى (كومبليت)(طلع فندق مو مستشفى )واسرته الواحد يحتاج له سريرين ويالله تكفي .


اثر السمنه على التجارة

1- من كثر المشتريات تخلي كل من هب ودب يسورد لنا من كل بلعه (شيء نعرفه وشي مانعرفه)
الله يذكر ايام علبة السردين الصفرا بالخير ام حبتين فلفل احمر من بقالة ابن مشيط ولا من محطة ابن نغيمش.(اذا وافقوا يسجلون) هههههههههه
2-طمعو التجار الفجار فينا صاروا يوردون لنا شي مغشوش حتى الرز غشو فيه بسبب ربعنا وسمنتهم الواحد ماياكل الا رز في رز .
3-ضيعو دراهمنا على اجهزة التخسيس كل ماشافو عصلا من هالشقر تفرك على جهاز برنامج دعائي انقزو واشترو مثله.
وضاعت فلوسك ياصابر



وش بقي
ايه اثر السمنه على التعليم صح بغيت انساه الله يغربل الشيطان
المهم
1- نتج عن السمنه العديد من البطاريق الصغيره ( اتطالع بالطلاب رايحين المدرسة ماتعرف طول الواحد منهم الله يصلحهم من عرضهم...ماتميز هو ورع ولا بطريق ) بسم الله عليه .
2-علشان تمشي امور المقصف وتلبية لرغبة احبابنا البطاريق الصغيره واتاحة للفرصة لهم تم احداث اكثر من فسحه على حساب التعليم والحصص المقرره.( ويقولون وش بلا الورعان ماتفهم ) مادرو ان المقصف اولى منهم خاصة اذا صار لحساب الوكيل الله يرزقه وقاط فيه المدير معه بنسبة من الارباح بس بدون راس مال.
3-العقل السليم في الجسم السليم . وين يجي معه العقل السليم والجسم جسم بقره والعقل عقل اسخله <<<<<<<<< ياقدمه .

----------------------تمت المداخله -------------------------
ياملحي وانا اقلد اسلوب بندر نغيمش ( اجيب الماغص ومعه الفالج)
--------------------------------------------------------------

عود على بدء
ابي اسئلك عن جحا وين نزلوه الشباب ولا تقولي بالمحطه هههههههههههههههههههه
وجاب معه حميض وبسباس لديره ولا طلع نذل وطنش؟؟؟;)










تحياتي للمبدع بندر

ولكل من استمتع وشارك بهذا الموضوع المذهل وقصته الرائعه













ابوبندر

شكرً يابندر على القصه المميزه



وأنا عتبرها نصيحه

بيض الله وجهك

الله يعطيك العافيه بندر نغيمش

موضوع رائع

وسلمت يمناك ابو بنرد على المداخله الرائعه

ماقصرو ابناء العم بمداخلاتهم اثرو الموضوع


بآت الان السمنه تشكل تهديدا على اصحابها لكثر سلبياتها من امراض وغيره

وتتعدد انواع الريجيم بالبعض يستعمل دواء للتخفيض الوزن واعجباه

وفيه عدة طرق رائعه منها الرياضه وكذالك تنويع الاكل خصوصا قليل الدهون

والسلام خير ختام