إذا اتصلت بصاحبك ثم ما رد

اسعد الله صباحك ومسائكم بكل خير
واهلا وسهلا احبتي
منقووول

إذا اتصلت بصاحبك ثم ما رد :::::::::: ثم اتــصلت وصــد عـــنك وخــلاك

أعرف ترا ناسيك يا خوي من جد ::::::::: وش يــــمنــعه ما رد لو كان يبغاك

رافق عريب الخال والعم والجد::::::::::: الــلي إلــي جــاء يم ديرتـك ينصاك

يحرص على شوفك لحبك يجدد::::::::::: وبالعمر من "حبه" يضحي ويفداك

الصاحب اللي يجزي الود بالود:::::::::: لو غــبت عـن وجــهه ثواني تمناك

اللي على فعل النشاما معوَد::::::::::: لا قــلــت ويــنك قــال ويــك ويــاك

تلقى المراجل والوفا ما لها حد:::::::::::عند الصديق اللي بها لوقت شرواك

اللي كما القصر العظيم المشيد :::::::::: يــنصــاه عــند الضــيق هذا وهذاك

لا ترافق اللي صعر الجيد والخد::::::::::: كــلٍ الــى منــك تكــبرت يــشـناك

ولا ترافق اللي بالملازم تبلد::::::::::الــلي الــى منــك نــخيتــه تناساك

ولا ترافق اللي لا بغيته تنهد:::::::::: ويصد عن لازمك وان غبت خلاك

ولا ترافق اللي عن ضيوفه تصدد::::::::::مــا مــرة قــد قــال للــضيف حياك

ولا ترافق اللي للخطايا تصيد:::::::::::وعن الــمراجل والــمواجيب يــنهاك

ولا ترافق اللي للمشاكل يصعد:::::::::::لو بــان لــه درب الـقدا دوم يعصاك

ولا ترافق الممرور خله ملبد::::::::::::لــو مــرة تــغلــط تــنرفز وجازاك

ولا ترافق اللي للنمايم تعود::::::::::: تــرا يبــي يــرميك لازان مــرماك

ولا ترافق اللي فعل الأول يردد :::::::::: بيــن الــرجال يعــد بومان حاشاك

ولا ترافق اللي قلبه أسود معقد :::::::::: قــله خــذا رفقتك يا مقيط ورشاك

ولا ترافق اللي كان خاوك يرقد ::::::::::: يوذيك بالأسفار لــوزان مــمشاك

ولا ترافق الى لا مشيتوا يعود ::::::::::: بنت الرجال ترجعه عن مخاواك

ولا ترافق اللي للمخابي مجود:::::::::وإلى نزل للسوق يا فلان ناداك

ولا ترافق اللي لو حكى لك يزود ::::::::::: يعجبك بالهرجه وفي زوده أغواك

ولا ترافق اللي للسراير يبدد :::::::::: يــذيع ســرك في قرايبـك وعـداك

ولا ترافق اللي لا أجتمعتوا ينكد :::::::::: تكــره مجــيـه كل يــومٍ إلى جــاك

ولا ترافق الي عن كل شيٍ ينشد :::::::::: لو ما تعرفه يعرف أقصاك وأدناك

ولا ترافق اللي بالمواقف مقيد :::::::::: وفي حاجته ملحاح ويــجيـك يبــلاك

هذا وصاياً من ضمير توقد :::::::::: فيها التجارب يا فتى الجود وشـفاك

أبي بها عني كلامٍ يجــود :::::::::: يدري بها أهل العرف ذولا وذولاك

واصله كلامٍ بالمجالس يردد ::::::::::: وأنا جمعــته جعــل الأنـــذال تفــداك

منهو يطبقها مع الناس يسعد :::::::::: خــذهــا فــديــتك والمنــايا تعــداك