لو كل خلق الله على الحق يمشون

هذه القصيدة للشاعر مرشد بن سعد بن بذال المرشدي،

قالوا حكو بـــك قلــت وش هـــم يقــولون =وش قيــــل فيــنــــا يالوجيــــه الفليــــحه

شوفوا مــــرد الهـــرج وش هـــم يطرون=حتى نعرف مـــــزوره من صحيــــحــــــه

كـــــــان الكـــلام من المعـادي على هون=بعض المسبـــه بالمجـــــالس مديحــــــــــه

تجيــــه عربـــــان من اللـــــه يخــــافــون=عن الظليـــــمه ينصحونــــــه نصيحـــــه

لو كـان خلق اللــــه على الحـــق يمشون=كـــــان القلـــوب من الخطــــا مستريحه

كـــم واحـــد بعروض الأجــــواد مفتــــون=وهو سلومـــه يفضحنّــــه فضيــــحــــــه

وكـــم واحــــد يطعـــــن وهو فيه طعـــون=يذم ريــــح النــــاس والشيــــن ريحـــــه

بعض كلام النــــاس تهمــــــات وظنــــون=قــــول تنميــــه الوجيـــــــه الوقيـــــحـه

والظلـــم لو فــــازوا هلــــه مايدومـــــون=راع الظليمـــــه لا تبـــــاطا مطيحـــــــه

والنــاس ذى النـاس من عصـر ذا النون=كل (ن) على دربـــه ركـــــابه مشيحـــــه

مقـــرود يامــن بــــدّل اللــــون باللـــــون=بعض الكـــــلام يحرفــــه عـــن صحيحه

والصــدق هـو والكـذب ماهــوب مقرون=كـــان إنهــــا تـــدرس بلهجـــــه فصيحـه

مـــايمـــدح الرجـــال بالشكــــل واللـــون=ابحــــث معـــه لينــك تعـــرف القريحــــه

تـــراك تعرف عنــــه وانتم تهرجـــــون=يبين لك من كـــــل جــــود نضــيحـــــــــــه

المستريــــح اللي من الشـــك مـــــأمون=مع كــل خلـــق اللــه علومـه مليحـــــــه

حــــي عليــــه النــــاس بالشكـــر يثنون=وإلا توفـــــى خــــلـــــه (اللـــه يبيحــــــه)

وكــم واحد(ن) لـو هـو بالالحاد مدفون=ذكراه عنــــد النــــاس بيضـــــاء صفيحــه

وكــم واحد(ن) يجمــــع ملاييـن وخزون=مــــال تنميــــــه الأيــديـــن الشحيــــــحه

لاتشكـــره رمـــلاء ولافـــك مديــــــون=ولا حـــــل مشكلـــــة النطيــــح بنطيـــــحه

ولاله علــى جــــاره من الفضــل مـاعون=لو أن جيـــرانـــه تشـــــوف الذبيحـــــه

وكــم واحد(ن) جيران بيتـــه يحمــــــدون =للجــــــار ريـــف وللجمــــاعه منيحــه

وكــم واحد(ن) منــه العــــوادي يخــافون=زبــن المخيـــف الي كثيــــر فحيـــــحه

ربعــــه نهــــار الضيـــق فيــــه يتـــذرون=لاجــــا نهـــــار فيــــه لجــــــه وصيحــه

وبعــــض الرجــال بهــم شريفون وعفون=كل(ن) علــــى مــــاقـــال يرجـع لكيحـه

وبعـــض الرجــــال بضحكهـــــم يستغلون=يجيبهـــــا من نـــــوع زلقـــــة بطيحـــه

هــــذاك بين لـــه من الهـــرج مدفــــــون=خلـــــه الى شــــافــــك يزين سميحــــه

الهـــــرج لـــه نقــــاض والرد للشـــــون=مــــزح الجــــزع يأثر بكبـــــدك جريحــه

هـــذا وأنــــا مـــاني من النـــاس ملسـون=لاشــــك أنــــا أرفـض من تزايـد جميحه

قلتــــه وكــــل النـــــاس غيــــري يقولون=راعــــي الظليمـــــه لاتبــــاطا مطيحـــه

تحياااتي للجميع ..

صح السااااانك وعلا شانك ولاهنت على الجزلا

ابياااات في قمة الروووووووعه

وصف دقيق...........
قصيدة فعلاً رائعه وافيه من جميع النواحي

واختيارك يدل على ذوق راقي ورفيع

الله يعطيك العافية

الف شكر يابويارا وتسلم يمناك على الاختيار الرائع

ابن مطيع

عايض المقطع

صالح النغيمش


شكرا لكم على مروركم العاطر وكلماتكم الرقيقة

الله يرحم الشاعر مرشد البذال

وتسلم يابو يارا على النقل المميز والجزل


تحياتي

كم واحد بعروض الأجـواد مفتـونوهـو سلـومـه يفضحـنّـه فضيـحـه
وكم واحد يطعن وهـو فيـه طعـونيـذم ريـح النـاس والشيـن ريحـه

وكم واحد(ن) جيران بيته يحمـدونللجـار ريــف وللجمـاعـه منيـحـه
وكم واحد(ن) منه العوادي يخافونزبـن المخيـف الـي كثيـر فحيحـه
ربعه نهـار الضيـق فيـه يتـذرونلاجـا نهـار فـيـه لـجـه وصيـحـه

للكلام أبواب كثيرة من جهة الإبداع وإكمال الغرض المطلوب ومن هذه الأبواب الحذف مع ترك مايدل على المحذوف ومن تأمّل هذه الأبيات تبيّن له ذلك
والقصيده ككل مليئة بهذا الإبداع ...
ولإمام البلاغيين عبدالقاهر الجرجاني كلمة رائعة بهذا الخصوص أو هذا المجال يقول : (( إنه باب دقيق المسلك , لطيف المأخذ ، عجيب الأمر , شبيه بالسحر , فإنك ترى به ترك الذكر أفصح من الذكر , والصمت عن الإفادة أزيد للإفادة , وتجدك أنطق ماتكون إذا لم تنطق ، وأتمّ ماتكون بياناً إذا لم تُبِن ))

كم واحد بعروض الأجـواد مفتـون وهـو سلـومـه يفضحـنّـه فضيـحـه

قال سلومه ولم يعدد ويذكر من أُمور الفضيحة ماتكرم عنه ذائقة السامع أو الرائي ،

تحياتي لمن نقل لنا مثل هذه الدرر والتي أفادت من جهة اللفظ والمعنى , من أخلاق وعادات ودلائل .

وكنت ألتمس هذه الذائقه وأقرؤها في ثنايا كلام منصور الوسوس قبل أن يمتعنا بهذه القصيدة , وهي إن دلّت فإنما تدل على موافقتها لهذه الذائقة البليغه

ابا يارا غسلت كبدي تقل عليها مر!! لين قريت قصيدة مرشد البذال المرشدي الله يرحمه
هذا القصيد اللي تستاهل التمعن والحفظ وتسلم على النقل الرائع والله يرحم مرشــــــــــد البذال المرشدي

والف شكر على جهودك