هذه الابيات قالها الشاعر:::
سايربن موحش الفريدي
عام 1365 هجري
عند ما كان سجين بحائل على وقت
الاميرعبدالعزيز بن مساعد
بقضية.
واذا فيه ناقتآ عليها وسم الهدبان أدخلت بلحوش
لسبب من الاسباب بالقوة وازعجت هل القصر بحنينها
وقال هذه الابيات متاثرأبها:
وا عيني اللي تقل تنهش بناهوش= نامت عيون الناس وزريت لانام
من فاطرا حنت حنينآ ورا الحوش= هجت وحدوها على الحوش خدام
اللي مضى ماداني الرد والنوش = واليوم حدتها القراده على خـــزام
لولا السعود مطوعت كل مدغوش =اللي سلاطينا على نجد حكـــام
لحقوا اهلها مايجفلهم الطوش= يظفون على وجيهـهم ظاف الاكمام
هدبان للعييل شرآ وعابوش =ماهم وقت اليوم عام وراء عـــــــــام
ولحقم هل البلها مدابيس للهوش =ماهم عليميه على الهوش عـــــلام
تلقا محاسها من الدم مرشوش = ومن يقتل عند معجز الذود مايلام
فرحان جلده من القفش منقوش= لعيون ملحا باول الذود مسنام
وعندماوصلت القصيدة للهدبان راحوا لابن مساعد وطلبوا منه
العفوا عن ابن موحش وخراجه من السجن وفعلا عطاهم طلبهم وطلع
سايربن موحش من السجن:
فرحان :: فرحان البحيثي بن هديب والد الشيخ ندى بن هديب(رحمهم الله )
وسم الهدبان : نفس وسم الفرده لكن صغير ويسمى ( الصغيّر)
هل البلها :: نخوة الهدبان
ساير بن موحش :: من الدغاشمة من الفردهـ ( رحمه الله )
ساير بن موحش الفريدي 
العرض العادي
