)))) وتشوف فيه الـــ جامع الفقع جماع ((((

مجارات الشاعر / عبيد نهار الفريدي على قصيدة الشاعر / عبدالله بن سمير العوماء الفريدي

كما وعدناكم

ياناظم القيفان في فن الأبداع = أصغيت لبداعك بكل إقتناعي

قناعة ماهزها شك زعزاع = عنها قطعت حبال شك النزاعي

قافٍ له السماع يصغي وينصاع = يصغي له السامع بزود أستماعي

يعطيك صوره عن هويات وأطباع = ومسير رغبه مبعدين المساعي

أومالهم في صنع الأبيات صناع = يقنب مع الهاجس قنيب السباعي

وتجاوبوا صوت به تلج الأضلاع = ذيبٍ مجيع وجاوبنه أجياعي

ونجم السهاءأسم استعاره وبه شاع = عبر الجهاز وادي الرمز شاعي

رمزين والثالث سميه بالأشماع = مشمع دايم جديد الصناعي

وانا جذبني يمهم كل مرماع = مرماع طيب بنازلين الرفاعي

وأنا على أهل الطيب حرصٍ وطماع = أحبهم بالله حبٍ جماعي

أحب من حبه هوا كل ذعذاع = في بر نجد وشاسعات الوساعي

شمت ذعاذيعٍ يداون الأوجاع = ممشي الخلا يبعد اعماس الصداعي

يالله بنو بارقه له تلماع = زلزال رعاده يثير أرتياعي

يضفي على أرض المملكه ضفوة أشراع = خيرٍ بلاشرعميم النفاعي

من غب سيله كنه زروع زراع = خضار عشبه تقل محور زراعي

مشاجرن كاسن جبلها مع القاع = نفودها وسهولهاوالتلاعي

فيه أم سالم صوتها له تلعلاع = وترافع غوانيها بصوتن ايقاعي

وتشوف فيه ال جامع الفقع جماع = وصيد الحباري له مع الكل داعي

هذا يقولون أمس صاد أربع بساع = وذاك هد اليوم طيره وضاعي

اقفي وراجولن تمزع تمزاع = مثل الطخاف اللي به الريح زاعي

راعيه بدورته تلوع تلواع = ولقاه عقب أيس منه عند راعي

وهذاك صاد وناون اليوم مرجاع = يشيل تالي عزبته والمتاعي

عقب نه أشبع غاية الرغبه أشباع = رغبة شرف رغبة بياض النصاعي

ماهي رغبة من تهزع تهزاع = يرقص وله في كل بار انهزاعي

يشرب وفي مشيه وهرجه تنتاع = ماله على المشي الصحيح أستطاعي

ممابراسه ياطويلين الأبواع = يحسب حساب الشبر مثل الذراعي

وصلاة ربي عدملاح لماع = على النبي اللي للأسلام داعي

الشاعر / عبيد نهار الفريدي

صح لسان الشاعر عبيد بن نهار بن مزرم الفريدي

وصح بدنك وعمرك يا ابو عمر

وما تجيب غير الجزلات

صح لسان الشاعر عبيد نهار الفريدي

واشكرك اخي ابو عمر على نقل هذه القصيدة

ونحن بانتظار القصائد الجميلة من عيال راشد

علي الجضعان بيض الله وجهـــــــــــك على أختيار الجميل
وصح السان شاعر القصيده عبيد الفريدي

صح لسان الشاعر الرائع عبيد بن نهار الفريدي

وسلمت اناملك وفكرك الراقي ابو عمر على هذا الاختيار

شكرا لك مراقبنا ودمت بخير وعافية

صح السان الشاعر// عبيد بن نهار

وسلمت يمينك يابو عمر

اتحفتنايابو عمر بهذه الرائعه الشعريه والله لايهينك

وتحياتي لك.

صح لسان الشاعر عبيد نهار
ولاهنت يابوعمر على النقل

اقتباس:
المشاركة الأصلية كتبت بواسطة ذيبان

صح لسان الشاعر عبيد بن نهار بن مزرم الفريدي

وصح بدنك وعمرك يا ابو عمر

وما تجيب غير الجزلات


مرورك أكبر تشجيع لنا وياهلابك

متذوق لشعر الجزل لانك جزل

اباراكان