لا واوجودي على شوفة بحر جده

((الشاعر وليد المشرافي))
.................
ثلاثة شهور ماشفناك يالغالي
ياللي تجيب الخبر لا هنت له وده
مرسول من خاطري كالسكرالحالي
قله صحيبك حزين طول هالمده
انته نسيت الخوي والا يورالي
يابو حمد صاحبك حال الهوى هده
الله يامكبر همومي وغربالي
لا واوجودي على شوفة بحر جده
آذن تصفى هواجيس على بالي
لا واوجودي على اللي ناعم خده
شيهانتن تطرق الأول على التالي
بالزين مقياسها محدن وصل حده
ماهي خرافه ولا هو قول جهالي
بنت الدلع في دلعها ماحدن قده
مدلعه في ذرى من يحتمي التالي
يوم عيني لصوب الحزن ملده
مافيه غيره يخلي خاطري سالي
انا اشهد انه سكن وسط الحشا وده
ياوجد حالي على ماشوفه قبالي
أثر المفارق عذاب لعنبوا جده
وانا كما تايه وسط الخلا الخالي
خضيت بحر الغرام بجزره ومده
واشعلت نار القصايد فشهب اللالي
واخر حروفي سلامي يابحر جده

والله والله ماغيرك برى حالي

شكرا مليون ابن مطيع على النقل الجميل

وصح لسان من قال

قصيده رائعه يامشعل ولو تسمعها صوتي روعه

لاهنت على النقل

اقتباس:
المشاركة الأصلية كتبت بواسطة ذيبان
شكرا مليون ابن مطيع على النقل الجميل

وصح لسان من قال

شكراً لك أخي على الكلام الجميل

اقتباس:
المشاركة الأصلية كتبت بواسطة عايض المقطع
قصيده رائعه يامشعل ولو تسمعها صوتي روعه

لاهنت على النقل

سمعتها أخي عايض وشكراً لك على المرور الجميل