توك صغيـره وابتديتـي تحبيـن

توك صغيـره وابتديتـي تحبيـن
من علمك ليل السهر ياصغيـره ؟
بدري عليك العشق يابنت هاللحين
حرام هذا القلب وشهو مصيـره ؟
انتي بريئه في الهوا ليه تشقيـن ؟
دروبه طـوال ٍ عليـك وعسيـره
رحتي بدرب ٍ ماله اصلا ً عناويـن
وانتي مشاويرك من اول قصيـر ه
ياطفلة ٍ حبّت وراحت على ويـن ؟
عقب الهنا ذقتي الحيـاه المريـره
وينك ووين الحب والشوق والبين ؟
عنّيتي عيونك وصرتـي سهيـره
امحق تسلّـي كـان ودّك تسلّيـن
الورد لولا اللون وشهو عبيـره ؟
خلّيتي دروسك وصرتـي تحاتيـن
الدرس في ديره وصرتـي بديـره
وصرتي بعد من غير هذا تغاريـن
والمشكله يابنـت منتـي خبيـره
نصيحتي لـك كـان ودّك ترديـن
يـم السعـاده والحيـاه المثيـره
خلّـك بجـو العايلـه لا تعـدّيـن
ماما وبابـا والعجـوز الضريـره
شيبانك اللي مـا يبونـك تعانيـن
من بينهم عشتـي كأنّـك اميـره
الحب قبلك هـز نـاس ٍ كثيريـن
خلاّ القلوب تعيـش هـم ٍ وحيـره
الحب يفضح لا انكشف داخل العين
وانتي بنفسـك ماهقيتـك بصيـره
طيعي كلامي واحذري لا تماديـن
تراجعي لاعل فـي الأمـر خيـره
عيشي الطفوله والبراءه لك سنين
وبعدين حبـي لا غديتـي كبيـره

للشاعر الكبير / حمد بن سعد المسرع

مشكور مشرفنا الغالي على نقل هذه الدرر

بن مطيع الله يعطيك العافيه على الجهود الرائعه

وصح السان الشاعر/ حمد المســـرع

الاخووووه الكرام شرفني مروركم الكريم والثمين لدي
شاكر لكم ومقدر

صح لسان الشاعر

وتسم يابن مطيع على هذا لإختيار

عيشي الطفوله والبراءه لك سنين
وبعدين حبـي لا غديتـي كبيـره
.....
صح لسان الشاعر

سلمت يمينك

نقلت وابدعت

تسلم يمينك على النقل

شكراً من اعماق القلب لكم وياهلا فيكم