ماكل دمعه تنمسح بالمناديل

حياكم احبابي الغالين اعجبتني مره واكيد بتعجبكم

طآل الطريق وضآع باب الموآصيل..
وانكسرت الخطوه ومحدن لمحها..
وتكسرت وسط الدروب القناديل..
والبسمه الخجلى عذابي فضحها..
ياغااايب بالله وين المرآسيل..؟
اللي تفرح خافقي لافتحها..
الليل في بعدك أبد ماهو الليل..
سود الليالي محدن قد مدحها..
لاصرت جالس بين هم وغرابيل..
وطيوف حزنن يعتريني شبحها..
وشلون أبفرح وانت أبعد من سهيل..
على عيونن مات فيها فرحها..
ليالي الماضي تحث المقابيل..
وعظام شوقي كل حزنن لفحها..
تبكي عيوني والبكا يقتل الحيل..
وياليت عيني تسمع اللي نصحها..
ماكل دمعه تنمسح بالمناديل..
بعض الدموع تطيح محدن مسحها

للشاعر خالد محمد العتيبي والعهده على الراااوي تقبلو تحياتي واحترامي

قصيده رائعه صح من قال
وتسلم يمناك على النقل

مشكوور ياهابس
نقل مميز ازدنا من جميل اختيارك

لله درك ياهابس على انتقاءهذا النص الجميل و لله در الشاعر/خالدالعتيبي

وتحياتي لك

مساء الخير اخوي هابس يعطيك العافية على الطرح وصح لسان قايلها وناقلها وكاتبها .

صح لسان الشاعر

وسلمت اخي هايس على نقل الابدع والجزل

تقبل اجمل تحية

	ابوعبدالله تسلم على النقل قصيده رائعه وانت رجل شاعر وماتختار الا الطيب سجل شكري وتقديري لشخص العزيز واعجابي بالقصيده وصح السان الشاعر / خالد العتيبي

احباااابي جميعا صحت ابدانكم ونحاول ونحرص على اختيااااار اجمل القصائد لترتقي بمقااام منتدانا الغااالي على قلوبنا والشامخ كشماخة اهله ,,,, وتقبلو تحياااتي واحتراااامي