إسعافات وارشادات مهمة جدا لاصحاب الرحالات البرية

هذه بعض النصائح والارشادات الهامة لاصحاب الرحالات البرية

1- اهم شي ضبط النفس عند وقوع حادث وعدم الارتباك هو صدق شي صعب بس لازم نذكر الله ونؤمن بقدره ونحاول الاخذ بالاسباب ومانعتمد عليها
2-لاتطالع للمصاب ولايهمك صراخه او حالته السئيه واعتبره ميت وانت بس تحاول
3-التركيز مطلوب ومهم ركز بالاسعاف ولايهمك حجم الاصابه
الحين باعرض لكم حلااااااااااااااااااااات اصابه شائعه
أ-اذا حصل حادث سياره والمصاب ينزف من الاطراف(الاقدام او اليدين)
حاول تحدد مكان الجرح بدقه بعدين تطلع فوق الجرح بمسافة ربع متر (ثلاث اشبار) بعد ان تزيل ملابسه في موضع الاصابه وتربطه وتشد الربط يكون محكم عشان مايروح دمه وتنقله لااقرب مستشفى.
ب-اذاكانت بالبطن او الصدر اذاكان فتحت الجرح صغيره تقريبا" بحجم دائره قطره 2سم تاخذ قطعة قماش واذا معاك مسمار (قرنفل-عويدي) وتضعه على الجرح وتظغط بالقماش عالجرح.
ج-اذا اكبر تكتفي بقطعة القماش فقط
د-اذا الاصابه بالراس قطعة قماش وتشده مثل العصبه عالراس تربطها بقوه
هـ-اذا باشرت حادث لاتعطي اي مصاب مااااء نهائي خاصه اذا كان ينزف دم لاانه مضر ويمكن يسبب وفاه يكفي ترش الماء على جسمه وتبلل شفايفه
لااصحاااااااااااااااااب الرحلات
أ- قرصة الداب(الثعبان) او العقرب اذا في الاطراف تطلع ثلاث اشبار وتربطه بقماش او شماغ او حبل بعد ان تزيل ملابسه في موضع الاصابه وتربطه وتشد الربط يكون محكم عشان السم مايسري في الدم بعدين تشرط مكان الاصابه بمشرط او سكين حاده وتستخدم الكلونيا(العطر) بحيث ترش كميه منه عليها وتولع فيها بالنار ويصدر لها لهب بسيط هذا الطريقه للتعقيم عشان مايتجرثم الجرح بعدين تضع فمك على الجرح وتحاول سحب الدم والسم وتكبه (موتبلعه ههههههههه) وتنقله لااقرب مستشفى ويستحسن انك تكون قاتل الداب اوالعقرب وماخذها للمستشفى عشان يحددون المصل المضاد للسم (طبعا" العقرب اخطر خاصه ذات اللون الاسود)
ب-اذا صادفت شخص او مجموعة اشخاص ضايعين في البر(الصحراء) خاصه اذا لهم يوم او اكثر وماشرب ماااااااء طبعا" التصرف الطبيعي بتعطيه ماء الخدمه هذي بتكون قاتله لاانه خلال دقائق بيفارق الحياه ويموت طيب تتسال شنو الحل الحل اذا كان معك تمر(مكنوز) تحطه في قدر او كوب كبير وحاول تكثر كمية التمر او الرطب اذا مامعك تمر وتخلطه بالماء بحيث يكون مريس وتجببره يشرب طبعا" هو مجهد ماراح يقاومك اذا مامعك لاتمر ولارطب تاخذ بيالة سكر(شكر)وتحطها بكوب ماء وكل ماتكثر السكر يكون افضل لاانه محتاج للسكريات بعد كذا ترش على جسمه الماء حتى يبرد الجسم ويجب نقله لأقرب مستشفى عشان يفحص بواسطة اهل الخبره ويتاكدون من سلامته.
نصائح عامه
1- للشباب عدم المغامره في مجاهل الصحراء ولازم يكون معك وسائل اتصال لاسلكيه الكنود.......الثريا........جلوب ستار...واجهزة ارشاد ماجلان.
2-اذا كانت الرحله للقنص يجب ان تبداء مبكره بعد الفجر والعصر يتوقف الصيد.
3-الاسلحه الناريه خاصه الشوزن (ام خمس) يجب افراغ السلاح من الذخيره دائما" ومايشحن الا عند روية الصيد .
4- السبطانه(فوهة السلاح) تكون دائم باتجاه الارض للاسفل.
5- عدم المزح بالسلاح نهائي.
6-اذا كان ههناك اسلحه اخرى كالرشاش(كلاشنكوف) لمجرد التدريب عالرمايه واللهو اهم شي تكون الشاره(النيشان) بعيده لايقل عن 30 متر
7- ميدان الرمايه يكون محظور على جميع افراد الرحله..
8-يكون الميدان جهه مستويه قدر الامكان خاليه من الاشجار والمرتفعات والمنخفضات
9-عدم التوغل في الصحراء خاصه ذات الطبيعه الرمليه(النفود) والاكثار من كميات الاكل المعلبات والمااااااااااااااااااااا ء واستخدام السيارات ذات الدفع الرباعي ووجود ماطور للهواء عشان الكفرات(التواير).
10-التنقل مجموعه وعدم الانفراد مهما كانت الاسباب والظروف حتى لويحصل زعل او اختلاف في وجهات النظر.
بالنسبه للعوائل
1-يتنقلون مجموعات مترابطه وافضل وسيله للاتصال الكنود (لاسلكي يشابه الموجود مع رجال الامن)
2-عدم التوغل في الصحراء نهائي يكتفى بمسافة 6 كيلو عن الطريق العام.
3- منطقة التخييم تكون قريبه من الخدمات(محطة وقود,مطعم,سوبر ماركت,قريه صغيره او مركز امني)
4-مراقبة الاطفال مراقبه تامه.
5-ابعاد وسائل اشعال النار والحطب والفحم والغاز عن الاطفال.
6- اسطوانة الغاز تكون خارج الخيمه.
7- يكون هناك حراسه للمخيم من الشباب من اجل الاطفال وترتيب جدول للحراسه ويجب على طاقم الحراسه النوم اول الليل ويستيقضون قبل نوم الباقين بساعه عالاقل.
8-في حالة وجود اسلحه يجب ان لايراها الاطفال والمراهقين وان تكون مفرغه من الذخيره.
8- توفير كميات كافيه من المعلبات والمااااااااااااااااء وحقيبة اسعاف اوليه.
9- عدم التحرش بالحيوانات الزاحفه(مثل الضب, الورل -هذا خطير وموذي ,والسحالي) نهائي.
10- الكلاب والقطط البريه اللتي تصدر حركات غريبه يجب قتلها فورا" لاان اغلبها تكون مغلوثه طبعا تقتل بالدهس او الرمي بالسلاح.
11-العوائل يجب ان تخرج مجموعات وتتنقل مجموعات ولا تفترق ابد.
12-وجود طفاية حريق والخيام تكون من النوع المضاد للنار.
13- اطفاء الحطب او الفحم عند الذهاب للنوم.
14-قبل كل ماذكر للشباب و العوائل الحرص على الاوراد والذكر الخاصه بنزول مكان جديد واتباع سنة الرسول صلى الله عليه وسلم

شكراً ابو وسيم تسلم على الارشادات النافعة

اشكرك اخي لمرورك الرائع

ولك تحياتي

بااااااارك الله فيك على الكلام الجميل منك نستفيد أخوي مزعل

هلا ابو وسيم

الله يعطيك العافية والصحة

وتسلم يمناك على النصائح

اشكر الجميع علي المرور العطر

ولكم تحياتي