(((( عنبر تنااازل مانشف دمع الاعيااان ))))

عنبر الرويشد هذا الرجل اللذي ضرب للعالم اكمل الموقف الرجولي والبطولي واللذي تنازل عن قاتل ابنه باول يوم بعد دفن ابنه رحمه الله رحمتا واسعه طالبا جزاها من الله
بحفر الباطن وقد زاره اميرنا الفرم حفظه الله وشكره واهداه سياره والهديه قبلها الرسول صلى الله عليه وسلم
وقبيلة حرب سوف تقوم بالواااجب باذن الله تعااالى تجاه هذا الرجل الطيب وفعله اللذي لم يسبقه احد
واحب انشر قصيده ابو بدر بهذه المناااسبه وعسى الله يطول بعمره وهو سباق للعلوم الطايله تجاااه قبيلته

بديت باسم اللي فرض خـــــمس الاركــان ؟؟ اللي بســـــط سبعا وسبعا بناااها
اللي رفــع عرشه على غير عمـــــــدان ؟؟ سبحان علام الصدور وخـفاهــــا
وبديت طـــــــاروقن عليه المثل زاااان ؟؟ قصة شـرف يطرب لها من قراها
بشـــــــــرتني بالطــــــــيبه يابو ريــــان ؟؟ ياطيب حظ الطيب اللي خـــذاهــا
فزيت وانا فــــــي حلى النوم غرقاااان ؟؟ ومن الفرح عافت عيوني كــــراها
عنبر تنازل مانشــــف دمع الاعيااااان ؟؟ ماقال ابيع جنازتي مـــن شـراااها
شال المصيبه يوم شاف القدر كــــــان ؟؟ لو ثقيله صار في مســـــتواهـــا
الله يعوضك يالسنافــــي بســـــــــلمان ؟؟ وامه كذلك يجبر الله عـــزاهــــا
الله يجازي فاعل الخير باحســــــــــان ؟؟ في جاه مخرج ليلها من ضحاها
ياحرب تبقى الطيبه شانها شــــــــــان ؟؟ ياعزوتي تحتاج منكم جزاهــــا
هذا ندا لاسماعكم ســــر واعــــــلان ؟؟ باسم القبيله كلها وخبــراهــــــــا
وانتم هل الوقفات من ماض الازمان ؟؟ ماتخطي الوقفات وانتم وراهـــــا
وين الصويتي وين عــــزوة صنيتان ؟؟ يجلا عن الكبد العليله صداهــــــا
من غير ناقص بالقبيله وحقــــــران ؟؟ بشيوخها وافرادها واومراهــــــا
انا رفعت الصوت من قلب ولســــان ؟؟ ومن يهتوي راس الطويله رقاها
والطيبه على اسمها مالها اثمان ؟؟ وراع الرديه حاجته ماقضاهـــــــــا

الشاعر عضيب بن هليل
وبشركم القبيله ماقصرت جازت الاحسان بحسان شروا له بيت بالمحمديه بالحفر بحوالي 600 ألف وعطوه حوالي 500ألف والفرم عطاه جيب
ويستاهل والله يعوض ابنه بالجنه ان شاء الله والا الدنيا ولا شي
=======================
تقبلوا تحياااتي واحتراااامي

الرائع جدا هابس العلوي

شكرا لك على هذا الحضور الرائع والمشاركة الجميلة

هكذا عوائد ابناء قبيلة حرب يرفعون الراس

صح لسان شاعر حرب عضيب العلوي

دمت لنا مبدعا وتقبل اجمل تحية

هابس الله يعطيك العافيه على الجهود الرائعه وفعلا قصه رائعه وهذا الرجل ولاب مضرب للمثل الله يعوضه خيرا منه ويجعل الميت بالجنه وبيض الله وجهه الشيخ / محمد الفرم وهذا ولد محسن ماهو مستغرب العلم الغانم عليه وصح السان الشاعر / عضيب الحربي والف شكر على النقل

صح السان الشاعر عضيب بن هليل العلوي
وصح بدنك على أختيارك الجميل والرائع
والاهو مستغرب على ابناء قبيلة حرب وشيخوها
شكراً جزيلاً لك أخي هابس

بيض الله وجهك اخوي المبدع والمتميز هابس على المتابعه والنقل..

ورحم الله الميت واسكنه فسيح جناته ومافعله من التنازل ان دل فانما يددل على صبره وايمانه وان العوض من الله .. واقول عزالله ان رجال قل ماتجده في هالزمان..

ولاهي غريبه على حرب هالمواقف دايم يقابلون الطيب بالطيب وبيض الله وجه الامير/ الفرم ولاهي غريبه عليه بيض الله وجه..

اما الشاعر عضيب العلوي فهو شاعر من شعار الزمان وله بصمات ثابته لن تنسى وكلنا خابرينه جعله يسلم وبيض الله وجه..


بدران 11/11/1430هـــ

الله لايهينكم ربعي اعيال راشد
وقبيلتنا ابشركم ترفع الرااااس ولاهو بقصور بباقي القبائل
كلن دون واجبه وكلن عطاااه الله من هبة الريح ,,,,,,,,,,,
ومنورين متصفحي حفظكم الله جميعا .......