دايم نصفّق للسكب وانتباها

اتصلت بالأخ / بدر بن عبدالله الظاهري وكان متضايقاً بعض الشيء فأرسلت له هذه الأبيات:

ما تحمل الدنيا هـمــوم وغــرابيل=حتى نكبّرها ونــركض وراهــا
جبت الحطب ياحسام هات المعـاميـل=وعطني من اللي زوّدوا مشتراهـا
الفكر راحنبه كبــار المحـابـيـل=وشيٍ من الهوجاس جـا في ذراها
إزهم بدر قـلِّه ترى نجمة سهـــيل=غابت وابـوي أيضاً قعد واحتراها
وين أنت ياللي بالــدّهر تنحر الحيـل=وسـيرة حياتك حيـّرت من قراها
هاذي هي الدنيا قـفـاها مقـابـيـل=تبرى كثير وغيـرنا مـا بـراها
دايم نشوف مسابق الهجن والخيل= ودايـم نصفِّق للسكب وانتباهـــا

نواف فارع

جبت الحطب ياحسام هات المعـاميـل=وعطني من اللي زوّدوا مشتراهـا

صح لسانك شاعرنا المبدع نوّاف فارع

عطنا <<<< بانتظار جديدك

ارحب يانواف بن فارع وصح لسانك ولاهنت وبيض الله وجهك ياكحيلان بيوت جزله من رجال جزل وقصيده كل بيت يعني قصيده..

امتعتنا بالبيوت الجميله جعلك تسلم..


بدران8/11/1430هــ 39*10مـــ

نواف فارع أو قل ان شئت عنوان الابداع في مجالس الفردة

صح لسانك مليون على هذا الابداع الجميل والاحاسيس الرائعة

صور غاية في الجمال ازدانت بها لوحة الشرف في مجلس الشعر الخاص

دمت لنا محلقا في سماء الابداع لتروي عطشى متذوقي الشعر هنا

تقبل اجمل تحية لشخصك الكريم

صح بدنك ياابو راكان وأشكرك على هذا الإطراء الجميل والعزيز على قلبي ومن منّا لا يحب الإطراء ومن من ... من هذا الهـــــامه أحمد بن مطر وإن كان هناك إبداع فاآآآآآ نستمده منكم أطال الله في عمرك على طاعته وأشكرك أيضاَ على موضوعك الوافي عن قبيلة الفردة على موقع أنساب أون لاين ...

بيض الله وجهك يانواف ماتجيب الى الجزله
الأنك شاعر متمكن ومن العيار الثقيل

الأخ / بدران أهلا هلا ويكفينا منك بس إضافة صورة شيخنا أبو محمد إلى هذا الموضوع
والشي بالشي يذكر حضر أبو محمد في حفلنا في مدينة بريدة وأمتعنا بفرائده الجميله التي غنى بها خارج السرب ,,, وقد رحّب فيه أحد ربعنا وهو صنهات بن حمد بن طليحان قائلا :

يامرحبا يا امير من قلب ولسان يانسل شيخان العرب والقـبـيـله

الأخ / منصور الوسوس ماعليك زود وصح بدنك وإن دلّ ذلك على شيء فإنه يدل على أنّك أخ شريف المنصب , طيب الأعراق , زكي المغرس , من معدن كرم , وسلالة شرف , وأنت فرع من أيكة الجود , وغصن من سرحة المجد , ومن لايوافقني على ذلك ؟

الأخ / ابن مطيع العين ماتعلى على الحاجب

نواف فارع
شــــــــــكـــــراا
على هـذا الـــذوق الــــرفـــيــع

اخـــــتـيار رائـــــــــع
و
قـصـيـدة جــــمـيلة

يـعـطـيك الــعـافـيـة اخـــوي


تـحـيـاتي