قصيدة أثرية مكتوبةعام750هجري

هذه القصيدة عثر عليها أخيرا
وشاعرها اسمه ابن عفرين كما ورد في النص
من قبيلة الثبته(اللصة)
من قرية لغب بني سعد
بتحدث عن ربعه الثبته وأكثر الاسماء التي ذكرها الشاعر
القبائل والعوائل متواجدين الآن والبعض غير موجود
واعتذر لو أحد نزّل القصيدة قبلي لعدم متابعتي الدائمه

يالله ياللي تنبت النبـت مـن عـدم

يـا عـالـم بالـسـر و البـيـان

يامن خلقت الخلق من حيّـز العـدم

بأمـرك اذا قـدرت شــي كــان

نطلبك في الجنه وفي صالـح العمـل

يـارب يـا معبـود يــا مـنـان

تعـزنـا ياربـنـا فــي ديـارنـا

وحنـا عبيـدك ياعظيـم الـشـان

نطلبـك يامعبـود تسقـى بـلادنـا

غيث يجـي مـن صـادق الامـزان

يقوله ولد عفرين من نسـل قسـور

يحـد ابـا الحـارث عـن العتبـان

والجد ثابت والنسـل نسـل قسـور

مـا نعطـي القصـره لأي كــان

نثنّي العاصـي ولـو كـان قاسـي

بالسيف الأملـح كائـن مـن كـان

عاداتنا مـا ننـدرق عـن حريبـا

ولا هي لنـا عـاده مـع العربـان

من طبعنافالحـرب مانافـر الخصـم

قـول صحيـح مايـبـي بـرهـان

هـذي مذاهبنـا وهـذي طباعـنـا

اهل الوفـاء مـن طيلـة الأزمـان

وديارنـا تعـرف سـراة عتيـبـه

مرسـى قبايلنـا عـلـى الـحـدان

ومنزالنا وادي لغب في شفا الحـدب

بمقـر اوايلـنـا مــن الـجـدان

وانا برد المـدح فـي جـال ربعنـا

ونـعـم بالـفـرزان والشـقـران

اقـول قـول يعرفـه كـل واحــد

أهـل الوفـاء العـردان والحمـران

ولاني بناسي من هل المدح والثنـاء

الجمـلاء والحيصـان والحبصـان

واولاد السنيدي هم هل العز والوفاء

ذوي فـرج وطلحـه وبـن رمثـان

والجاهمـي منـا وبيـت الدبـاسـا

والحبلـصـي باقيـهـم العلـجـان

واولاد منصور اهـل قالـه مديمـة

أهـل كـرم وفـي اللقـاء شجعـان

وابن هرمسه واولاد عواد في الرحاء

مـا مثلهـم للضيـف والجـيـران

والمحرثـي دايـم عزومـه قويـة

ومحتمـي غـارب مـع الفـيـدان

وعامر ولد قسـور شقيقـه عطيـه

ومـروح وظافـر وناجـم ودهمـان

وشعيري ودراجي وشرطي وحافـي

وشتيوي وثعبانـي وبـن ضبعـان

ومخلد هل الطالات في اللين والقسى

والشربـي والـبـراق والـغـدران

واولاد الكريزي والجوازي هل الفعل

ولانـي بناسـي عزوتـي وقـدان

واولاد مروح في اللقـاء لا نخيتهـم

يجـون فزعـه كنـهـم عقـبـان

وربعي ثبيت أهل الوفاء مع بني سعد

صريري ولصي مـن بنـي عدنـان

والقسـوري يـرد زيـن المثـايـل

مثايـل مــن لـولـو ومـرجـان

ونحكم بشرع الله اذا جـاء طلابـه

ولا نذهـب لثقـبـه ولا عـجـلان

وابو نمي حكمـه علـى حـد مكـة

ماياصـل الزيـمـه ولا الريـعـان

قلته ولانـي فـي القصيـد مبالـغ

مـدح يشرفـنـا مــع العتـبـان

يالله تحفظهـم وتعـلـي مقامـهـم

يـا مـن بامـره كـل شـي كـان

في عام سبعميـة وخمسيـن قلتـه

مـن هجـرة السيـد ولـد عدنـان

وصلواعلـى خيـر الرسـل محمـد

آخـر رسـول بـقـدرة المـنـان

مشكور يا مرسى السفينه وهل هم من عتيبه أم لا
مع العلم أنّ اللي من عتيبه يسمون الثبتان !

مشكووووووور
بدون تنظيـــــــــــــــــــــ تم ليش؟؟؟