للشعر ميقافٍ مثل واجـب الضيـف

للشعر ميقافٍ مثـل واجـب الضيـفولاعاش راسٍٍ صد عـن وجـه ضيفـه

والشعر له فاقه مثل مِضرم الكيـفمـاهــو كـــلام ولامـجــرد وظـيـفـه

سـلام يامحـمـد صــدوق المواقـيـفياسيفنـا وقـت الـظـروف المخيـفـه

ياللي ورثت المجد عظم وغضاريـفلا .. ماورثـت المجـد تــاج وقطيـفـه

ياقاهـر الارهــاب بالفـكـر والسـيـفالامـن يفـخـر فـيـك عـدلـه وسيـفـه

راع الغـدر ضاقـت عليـه المحاريـفوحقده تحـول جـوف جسمـه قذيفـه

اهــل الخيـانـه ماعليـهـم تحاسـيـفوالمنتـحـر يـمـنـاه مـاهــي نظـيـفـه

نــال لـجـزاه وراح جسـمـه تناتـيـفلانــه نــوى نـيــه ولاهـــي شـريـفـه

وان كـان للارهـاب معنـى وتعـريـفاخـطـر تـجـاره بالعـقـول الضعيـفـه

المملكه فرحت من السيف للسيـفمادمـت سـالـم فالخسـايـر خفيـفـه

الله يجيـرك مـن جمـيـع الصـواديـفوتبقـى جبـل بيـن الجـبـال المنيـفـه

رمـز الشمـوخ ولاتـهـزك عواصـيـفخـالـقـك ربـــي لـلأمــور الكـلـيـفـه

وبيت القصيد اللي مافي صحته زيفبيـتٍ لكـم ياأهـل السيـوف الرهيفـه

حنـا ورثنـا المجـد عظـم وغظاريـفلا .. ماورثنـا المـجـد تــاج وقطيـفـه

الشاعر : رشيد الفريدي

صح لسان شاعرنا المبدع
وسلمت يمينك يابا محمد

صح لسان الشاعر الغالي ابو عبدالاله


وتسلم يمينك على النقل يابويارا

صح لسان الشاعر ابو عبدالاله المبدع

وسلمت يدين اخي ابو محمد المميز

ولك تحياتي

صـــح الســان الشــاعر رشـــيد الــفــريـدي
قصـــيده جــزله من شــاعر جزل ..شاعر ويستحق أن يكون في مقدمة من يحملون لواء الشعر الجزل
إستمتعت بهذه القصيده
والتي تحمل في ثناياها كل الروعه وكل الحبكه الشعريه من شاعرنا الجميل

تسلم يميـــنك اخوي ابو محمد
ودائما مــبدع في طرحك الرااقي والمميز ..

داام ابدااعــك وتألقك ياغالي ..

تقبل مـــرووري وتـــقديري