لو كل غلطه على الصاحب نسجلها

الشاعر المبدع / شريف الفريدي له قصائد قمة في الحكمة
اخترت لكم هذه القصيدة الجميلة
واتمنى ان تحوز رضى متذوقي جزل الشعر

لو كل غلطة على الصاحب نسجلهـا=فقدت ثلثين من مجموعـة اصحابـي
لكن نطـوف هذيـك وذيـك نجلهـا=ولاقول وش قال زيد اليـوم بغيابـي
اشيـل زلـة رفيـقـي واتحملـهـا=ولا ركض وراء كل فارغة بمشعابـي
اشوف وأصـد واسمـع واتجاهلهـا=واجحد مدى غيظ قلبي واملك اعصابي
وأرجى عسى صاحب السية يبدلهـا=لا شافني عـن طريقـة قافـلاً بابـي
والا تـرى كـل كلمـة لـو تـحللها=تطلع بوجهين من سلبي إلى ايجابـي
واللي يبي المشكلـة دائـم يحصلهـا=يا صعب درب الوفاء يا هون الأنشابي
وسيرة هل الطيب مهونهـا ومسهلهـا=لو انهـا بالعلـوم ومسـح الأشنابـي
لكـن تجـي ساعـةٍ وتبـيّـن اعللها=لا صار وقت اللزوم وحـزم كلابـي
والهرجة أعـرف عواقبهـا وكايلهـا=قدام تخطـي هدفهـا وأنـت بالنابـي
والنفس ما يعزهـا يـا كـود شايلهـا=ولا يطيب للناس من لنفس ماطابـي
وتلقى من الناس مثل اللـي تعاملهـا=وإليا اختلف شي تلقى منك الأسبابـي
وقناعة النفـس رأس العـز يكملهـا=اليا حصـل قوتهـا والستـر بثيابـي
وأرزاق غيـرك لغيـرك لا تخايلهـا=لك ماكتبلك ولي مـا خـط بكتابـي
كم واحداً ما يبيـن لـو هـو آكلهـا=بسدود بعض الرجال اضيع الارقابـي
واعرف ترى الناس ماتجحد جمايلها=وجحاد فعـل الجميـل يقالـه هابـي
واللي مشاعـر دروب الحـق قاتلهـا=منين مـا كـان بيّـا موقـع ارهابـي
وشكواك للي ظروفـك مـا يعدلهـا=صيحة خلاء ما لهـا فـزاع ومنابـي
وقيمتك مـع نـازل القيمـة تنزلهـا=والحر يثر عليه اللـي معـه رابـي
واختر ثيابـك علـى قـدك وفصلهـا=ترى ابليس اخرجه من طوبا الاعجابي
والكلمة اللي انت منها تستحـي قلهـا=ترى اليخطا سنان الرمح مـا صابـي
آخر هديـه لـو الواجـب معجلهـا=ولو فا يدتها لغيري ولّـى أنـا مابـي
معقـلاتٍ ركابـي فـي مساهلـهـا=وعندي خبر ما يفك الوسق مطلابـي
ترى الاصايل معـادن مـن سلايلهـا=نصيحةٍ مـن شريـف لكـل عزابـي
طول القصيـدة بـلا معنـى يـمللها=اثبت ما قلـت مـن بعـد التجرابـي
امشي مع الناس واخـذمـن دلايلهـا=وبضاعتي ما تجي مع كـل جلابـي
والهاملـه طردهـا للـي مهملـهـا=وليّه عن اللي بدون عقـال مجنابـي
ويا رب لطفك بروحي يـوم تسألهـا=عن ما جرى في حياتي وانته أدرابـي
ويالله تعـدل عـن الـزلات مايلـهـا=يا واحداً من لجأ بحمـاك مـا خابـي
ويا رب ستـرك ونفسـي لا تفشلهـا=ليا جاء النهار الصعيب وقدم احسابـي
والنفس فـي طاعـة الرحمـن ذللها=يعزهـا ذلهـا فـي يـوم الاحزابـي
تخـف عنهـا الذنـوب ولا تحملهـا=برحمتك يقرب من أقرب كل الأقرابي
وصلاة ربي عـدد مـا هـل وابلهـا=علـى نبيـاً تجنّـب كـل مرتـابـي

صح السانه

سلمت هالذائقه الشعريه الفذه

ولاهنت اذا عندك من قصايده اتحفنها بها

سلمت يمناك ولاهنت

قصيده رائعه بروعة كاتبها وناقلها
تحياتي لك اخوي منصور

صح لسانه
والله يعطيك العافية
وانتذكر ابيات بركات الشريف
واوصيك زلات الصديق ان عثاء فيك 000 مدام يغطاها الشعر فاحتمل ذاك
راعه ولو ما شفت انة يراعيك 000 عساك تكسب نيتة عن معاداك
وبيت مريبد ابن هنود
ان كان ما هو لي يوم انا ازل حمال 000كم مرتاٌحنا دمحنا زلولة

بقايا انسان وانت سلمت ودمت وصح بدنك

مشكور على مرورك والشاعر مبدع جدا وسوف نبحث

عن قصائده هو شعراء الفردة

لأنني أفضل دائما ان يكون منتدى الشعر يغلب

عليه شعر ربعنا ويستفاد من الشعراءالاخرين

لك مني اجمل تحية

ابن سدحان ماعليك زود ولاهنت يبن العم مشكور على مرورك


لك اجمل تحية

صياف الفرده مرحبا فيك ومنكم نستفيد لك اجمل تحية

اخوي منصور

الله يعطيك الف عافية على النقل الجميل لقصائد شاعر لدية الجزالة والقوة
في الشعر


اشيـل زلــة رفيـقـي واتحملـهـا = ولا اركض ورا كل فارغـةٍ بمشعابـي




ذكرني ببيت للشاعر سبيل بن منيديل الله يرحمه


ياعبيد من قالك قله = واللي لقى فيك تلقابه
شيم رفيقك عن الزلة = والحسحسة مابها ثابه



لاهنت يامنصور

ومن لاهان يبن منيديل


اضافات رائعة لكلام مهم عن ترك زلة الرفيق وعدم تتبع العثرات



مشكور على مرورك واضافتك يبن العم

أخي منصور .. مساءك شعر و عطر

فأنت جار و أبن عم و خال

أشعار رااائعه فيها من خصال الوفاء والنبل الكثير

ويحالفك التوفيق دوما في إختيار النصوص الشعرية المميزة

و أوافق الرأي بأن أشعار الفردة لها الأولوية و الصدارة

كون الموقع للفردة وما تيسر من قصيد حرب فهلا به ..

أصدق السلام والتحايا لك