وقفا قايـد الباشـا وخلـى التـرك محشـوره

08-09-09, 09:09 PM

السلام عليكم ورحمة الله وبركاته

هذي قصيدة حبيت اني انزلها لكم وقد اولقيت

في حفل قبيلة الاحامده الاول بالديرة العنيق
وتتحدث القصيده عن حرب مع حربها مع الاتراك

للشاعر/محمد بن حجيج الاحمدي الحربي حفظه الله

هلا يامرحبا ترحيبتن مـن حاضـرن موجـود=نيابه عن هـل المحفـل لكـل النـاس منثـوره
اسل مـن القوافـي مايجينـي بالثمـر والفـود=ومن لاكان في شعره ثمـر مايغنـي حضـوره
تهلل خاطري وارتاح يومـن الحضـور وفـود=على راس الحضور شيوخ لهم في قلوبنا صوره
تجمعنا على طيب وفـاء فـي مجلسـن للعـود=عسـى الله لايفرقنـا وتبقـى عـاده مذخـوره
انا من حرب وخيرة حرب ربعي ماعليهـم زود=لهم ماضي ولهم حاضر فعول رجـال مذكـوره
ابن عساف وبن سلطان رسـو للحـدود حـدود=و بـن مطلـق حبـاه الله بالحكمـه وبالشـوره
ثلاث شيوخ من ربعي لهم فالمعضـلات ورود=اذا ماصاح صايحنـا لهـم رايـات منصـوره
من الفقرة الى طاشا الـى نزلـة ذوي محمـود=ديارا تمـن الخايـف مابيـن النـاس مخبـوره
اذا ماجيتهـا فالصيـف ولا فالليالـي الـسـود=تبي تسلم بحفظ الله مـن وقتـك ومـن جـوره
اعد السالفه واروي لكـم قصـه عليهـا شهـود=رجال تثبـت الأقـوال وبيـن الكـل مشهـوره
سقام المعركه قصه لهـا بيـن المـلا مـردود=هجدنا الترك وكن الترك صاروا فارض ممطوره
نهار ان الفضاء ولـع بريـح الملـح والبـارود=وقفا قايـد الباشـا وخلـى التـرك محشـوره
وبعد المعركه صار الحبل فـي يديننـا معقـود=نأمن كل خلـق الله ومـن لـه روح مهـدوره
ومن لايحفـظ التاريـخ مايسلـم مـن المنقـود=سوات اللي يجي فاالبحر علمـه فـوق بابـوره
يقوله من عرف ربعه وله غاية ولـه مقصـود=نزل من عالي الفقرة وضوا فـي رهبـه نـوره
سمعتوا اللي سمعتوا والعذر لو يقصر المجهـود=اوفي ربعي لو فاخر سنيـن العمـر وشهـوره
وذا علمي وسلامتكم ويسلم من وفا بـاالجـود=راعي الحفل وجيرانـه ومـن وفـا لنـا دوره

وسلامتكم

اتمنى ان القصيدة نالت على اعجابكم