22-05-07, 11:51 PM
|
المشاركة رقم: 1 |
| المعلومات | | الكاتب: | | | اللقب: | ::عضو جديد::
| | البيانات | | التسجيل: | May 2007 | | العضوية: | 353 | | المواضيع: | 3 | | الردود: | 1 | | جميع المشاركات: | 4 [+] | | بمعدل : | 0.00 يوميا | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس فضاء الشعر  قصيده شمري يمدح مشايخ حرب
هذه قصيده للشاعر-فرج بن خربوش الشمري يمدح بها شيوخ قبيلة حرب
ياراكب من فوق زين المشاديد
متحدر من روس عالي جباله
ممشاه من سلمى عطاها الرواعيد
الاجنبي ياجاه يعطي جماله
من جاه في سلم العرب بالشرف زيد
ومن جاه في حرب تعزز لحاله
من راس ابن خربوش ماهيب تقليد
من دار ذربين اللغى والجزالة
والنضو ركابه على كيف ماريد
لابن معيتق زاعجين الرساله
يهلي براع النضو قبل التناشيد
ريف الركاب اللي توامى حباله
ويقلط العاني بزين المقاعيد
ويسيح عند منفذ البن باله
جيشك تعدانا وياخذ تصاديد
دليل جيشك فوته من هباله
شرقي جبل سلمى قرايا المساعيد
ملافظ الشريان ترهم شماله
بدو تنفذ غالي البن تنفيذ
بدلال وارفاف طويل ظلاله
حب اللقيي ميرهم مع نمي الغيد
وفنجال بـــــن مونسه مع كماله
على النعي مثل المحوص المواريد
يحيون باللي فاض مع راس جاله
ذولا محادير وذولا مسانيد
يهلون بالرجلي وراع الزماله
ورك بوجه الهجن لاجن مصاعيد
قدامهن الوافين في كل حاله
حرب من القبله الى ادنى تخاديد
ياما بحرب من رجال الشكاله
وياما بحرب من كرام صناديد
وياما بهم من مدركين الجماله
وياما بهم من مشبعين المراديد
شيوخ تنفد مالها دون حاله
كل العرب فيها ختوش ملابيد
شخوص العرب ماتندمر من حثاله
معنا صداقتهم سنين سراميد
ورعى الثنا ماينجزي بالفساله
ابن نحيت ينفد الملح تنفيد
من كون بقعا عندنا له جماله
مع شمر ورد على الموت توريد
ارخى على حوض المنايا حباله
ويوم المليدا شدد الحرب تشديد
مرقب غضي نشده وش جرى له
ربعه بني سالم مشوا والجمل قيد
يوم ابو ضيف الله براي عباله
وضيف الله شوق اللي نهوده مقاعيد
رخيص ماباليد ثقيل بحاله
الين من الماهود مابه عواقيد
حلال قالات تلولس حباله
واخوان حسنا للمجوخ صياييد
بالسيف ردوا عند تالي ثقاله
في درب ابو جلال تلقى المفاريد
تشدى دراويش عن الدرب عاله
وجلال شوق اللي طماحه تصاديد
مربوعه حشو المنقش جماله
ورد لجام السيف بالراس توريد
بيوم به الخفرات ترمي شياله
بني علي ربعه على كيف مايريد
ترعى بهم وضح على الحمض ماله
واخوان نوره تكرم الضيف وتزيد
تورثوا باس المهادي وباله
يرعن بهم الزرفات فيض وتسنيد
مع حجرف سيف وراي برى له
وناهس صليب الشور عقب صناديد
عقب شيوخ تفرح اللي عنى له
غالب ابن مقحم ذرى كل رعديد
زبن الحصان اللي توطا حثاله
الى تعلوا طايعات المقاويد
كم من طموح قلدوها حباله
وفيحان يثني دون شقح مواليد
وان ضيعت عقب الضبابه عياله
يامال طوبى ماجد عندهن صيد
وجحيش والعبد المطرف برى له
وكم سندت خيل المضايين تسنيد
ومن ذل فنجان الشرف مامشى له
كل نخبره بالثنا والمحاميد
ابن صميعر فرحة اللي عنا له
من دون ضيفه ورد النفس توريد
فكه من الحكام وارخص حلاله
عقيد عيرات تبوج البراريد
دار العدو لازم يدوج بجاله
نزه الشوارب عن جميع العواقيد
الله يحل الشايب اللي غدا له
ونافل ابن غميض يشريه ويزيد
راعي الخروف يربحه لاعنى له
وخلف ابن ناحل مضيفه تقل عيد
اللي عطى الزمال من حر ماله
والنعم بالناقي الى جا جويريد
تلقى الشرف ببيوتهم والشكاله
نفوسهم للضيف مابه عواقيد
اهل المليحا يوم جود عقاله
وزيدان بن مطلق الى جن عراجيد
ذيب النعجه اللي تعرم حياله
ان مالقى ضان كرم بالمعاويد
المرجلة مسوا مثاني حباله
والماكر الطيب لربعه مقاعيد
ومن جث من خو تبين قباله
الطيب ان جيته يزودك تزويد
والحنظلي مايقبلونه عياله
|
| |
العرض العادي
