النسيم الشمالي ..............

بسم الله الرحمن الرحيم
ايها الاحبه
قبل ايام ازدان قصر "ذكرى" بطيبة الطيبه بمناسبة كبيره وعزيزه وهي الحفل الفخم الضخم الذي
اقامه الشيخ الكريم/ زيد بن محمد بن حماد بمناسبة زواج ابنه على كريمة الشيخ سعود التمياط
وكان الحضور على مستوى اهميةالحدث ومعزة الداعي ، وقد كانت جهود عيال راشد ملموسة
ومشكورة على مدى ايام قبل ليلةالفرح كما كان هناك حضوراً كبيراً لشعراء القبيلة الافاضل الذين
شاركوا وباركوا وكانت مشاركاتهم مشرفه ، و منهم الشاعر والاعلامي الكبير رشيد الفريدي
وعبد الله بن راشد الفريدي وعبد العزيز بن راشد الفريدي ومحمد بن حمود الفريدي ومرزوق المعاز
الفريدي وسالم بن عبيد الفريدي وعبد الله بن سمير العوما الفريدي
وغيرهم من محبي الشيخ لدرجة ان برنامج الحفل لم يسعف بعضهم لالقاء مشاركته كما تخلل الحفل
فقرات جميلة اخرى ....
وهنا يشرفني ان اضع بين يدي احبابي مشاركتي تلك الليلة البهية البهيجة :

هب النسيم الشمالي وانتشت طيبه=دارٍ رسخ حبها من حب صاحبها
هفهف على حفلٍ ضيوفه معازيبه=والعود الازرق سامكٍ من مطايبها
مده على شيوخٍ تقدّر مواجيبه=روس الطنايا اللي كرامٍ مناسبها
احفاد شيخ الجود نهجه وتدريبه=ودون المبادي دوم تفتل شواربها
ماغاب عنا صوت حاتم وترحيبه=ومهار زيد الخيل حفيَت غواربها
تاريخهم مجدٍ والافعال تومي به=من الجزيره لا جبل طي منجبها
شمر سناعيس الوغى سمعه وهيبه=العزوه اللي مهجة القلب تسلبها
انساب شيخٍ لا تكلمت اماري به=زيد النشاما كل الامجاد كاسبها
شيخٍ يمينه جزيل المد تصخي به=وراع الصيان اللي كبارٍ مقاضبها
اللي بنى مجده بعالي مراقيبه=رغم الظروف القاسيه في تكالبها
حرٍ كسب طيبه من اعلى مجاذيبه=من راس عودٍ منسبه في ذوايبها
ويامرحبا في دار حرب ومحاريبه=قبيلةٍ طيبها من طيب مشربها
حرب الحرايب يوم صالي لواهيبه=يوم القبايل حبل الاطماع يكربها
دون المواجب غالي العمر نفدي به=ودون الخوي والجار نركب صعايبها
نحمي حمانا لختلط صوت ومصيبه=وناطا حما اللي من هقاويه يقربها
وليا دعانا داعي الواجب نجيبه=هدات اسودٍٍ جايحاتٍ صوايبها
امدح ومدحي واصلاتٍ مناديبه=وحق القبايل فوق عيني وحاجبها
شاعر مواقف نوب الافكار تدوي به=لو تعترض له حدب الامواج يركبها
والاّ حاضرنا مانبيعه ونشري به=ناخذ صفا الماضي ونترك شوايبها
خيمة وطنا ثابتاتٍ مناسيبه =هوج العواصف ما قوت يوم تقلبها
في ظل حكمٍ ماشكينا مخاليبه=ديرة هل السنـّه وتوحيد شايبها
بقيادة اللي حبنا مابلغ طيبه=اللي جهوده للوطن من يقاربها
عبد الله الفيصلي والكون يدري به=وعضوده اللي على الصعبات دربها
وصلوا على خير مبعوثٍ سكن طيبه=كل مااشْرقت شمسٍ ومالت لمغربها

صح لسانك وبيض الله وجهك

ولاهية غريبة عليك ابو عبدالعزيز جزل

وماتقول الا الجزل ياراعي الطيب

ومن طول الغيبات جاب الغنايم

فاقيدينك ابو عبدالعزيز وزاعلين عليك لانك طولت الغيبات

لكن الان ارضيتنا بهذه المعلقة الرائعة

سلمت اخي ودمت متالقا

وتقبل تحياتي

أخي الشاعر ؛خلف الفريد
صح لسانك وبيض الله وجهك على القصيده واللــه أنها ترفع راس عيال راشـــد كفـــيــت وفيــت بارك الله فيك
مبدع ومتألق كل العــاده
ونا أشهد أنك قــد هــا يوم تقول

شاعر مواقف نوب الافكار تدوي بـه=لو تعترض له حدب الامـواج يركبهـا

صح ألسانك اخوي خلف وتسلم يمينك وما قصرت كفو والله يستاهلون عيال راشد

الى من كانوا عنوان الوفاء ابداً

مزعل الفريدي
ابن مطيع
عبد الله دخيل الله (اف15)

اشكركم شكر الاخ الممتن على جميل شعوركم وحضوركم في مشاركاتي
ادين لكم بكل حب وعرفان لاعدمتكم ,,,,,
واقوووووووووووووووووووووو وووووول
وداعاً
.......................

اللهم صلي وسلم وبارك على من شرف طيبة الطيبة وآله الطاهرين واصحابه الطيبين


ابو عبدالعزيز
والله وستين نعم وصح لسانك مدد بلا عدد
وكعادتك التألق دائما والتشريف في كل محفي
لاعدمناك

شاعر مواقف نوب الافكار تدوي بـه
لو تعترض له حدب الامـواج يركبهـا

الأخ ابو عبد العزيز شكر ا على هذا الإبداع المميز

ونتطلع للمزيد .. سجل إعجابي بهذا البيت

دون المواجب غالي العمر نفـدي بـه=ودون الخوي والجار نركب صعايبها

صح لسانك يا بوعبدالعزيز
قصيدة جزلة من شاعر جزل
وتقبل مروري

صح لسانك ابو عبد العزيز
والله يبيض وجهك

وهذي عوايدك