الكلام يقال وردها

مرزوق مبشر المزيني من الاصدقاء القليلين وبيني وبينه
مساجلات كثيره الجاء له لشرح شعوري وهو شديد النباهه
يدرك ماقصد ويجيب
قلت له ذات مرة مايلي:.
ـــــــــــــــــــــــــ ـــــــــــــــــــــــــ ـــــــــــ

الـكـلام يـقـال عـنــد مناسـبـاتـهوالعلـوم تجـاب فـي حـزة طلبهـا

والرجل يسعد ويشقى في حياتـهوالمشاكـل كــل عـاقـل يجتنبـهـا

الرجل ينبيـك هرجـه عـن صفاتـهوالحقيقيـه تقنـع اللـي مـا طلبهـا

مــا نحـسّـب للـكـلام وشايعـاتـهوالمحـابـل شـرهـا لـلـي نصـبـهـا

مـن تعـرض سيرنـا نلـجـم لهـاتـهومـن يشـب النـار نرميـه بلهبـهـا

ندرس اوصاف الرجل ومواصفاتهنقـتـدي فــي سيـرتـه والانعقبـهـا

ياوسيـع المعرفـة ماجـبـت هـاتـهماتجـيـب إلا لجـزيـلـه مارجـبـهـا

عنـدك النطـق الجزيـل وطيبـاتـهوالمـعـانـي ماتـجـيـب إلا ذهـبـهـا

الاسـم مــرزوق مــرزوق بـذاتـهمـن فعـول طيبـات ومــن أدبـهـا

وبعده مبشر والبشرى من سماتهيشتـري كـل النـوادر مـن جلبـهـا

يـاسـديـد الـــراي ودي بالتـفـاتـهللعلـوم اللـي تسلـي مـن قضبهـا

جـدد الموضـوع وأهمـل سابقـاتـهكـل نــار طافـيـه غـيـب حطبـهـا

لـو بنـات أفكـار مخـي حاضراتـهمـن شهـور ماضيـة كـان انتدبـهـا

لـكـن المـوقـع علـيـه مخلـفـاتـهوأثرهن راحن مـع اللـي راح لأبهـا

قمت أحس الوضع وألمـم شتاتـهوالوعـور اللـي تتـعـب مارتكبـهـا

يالفهيم اللي علـى الحكمـه ثباتـهلاتحاسـب مـن حساباتـه حسبـهـا

والعمـى متجـود فـي راس شاتـهمالـنـا بالطـاولـة والـلـي قلـبـهـا

والثمـر مـازال باقـي فــي نبـاتـهوانخلـه مستـور ماحـرك رطبـهـا

جاك علمي وأنـت تفهـم خافياتـهتفهـم القصـة وتفـهـم وشسببـهـا

ويرد مرزوق الحثل ما يلي:.

يــاســلام الله عـلـيـكـم وبـركـاتــهكلمـة تظفـي علـى السامـع هدبـهـا

مختـصـرهـا والـكــلام ومـوجـزاتــهوكل كلمة حسـب فهـم اللـي كتبهـا

وأبـو خالـد يـوم عـبـر مــن جـراتـهومن وفـاه لسيـرة الماضـي طلبهـا

وارداتــه حـطـهـن مـــع صـادراتــهباختـيـاره جـمـع الـعـقـل وقصـبـهـا

يـوم حـسـب عــاد طـبـع مذكـراتـهوعمـر الفـلـه وقــال اخـتـر كنبـهـا

بالبيـوت الـلـي بـهـا صــاغ كلمـاتـهمـاص مـفـراس البـيـوت إذا كتبـهـا

القلـم ترعـف مـن أفـكـاره دواتــهوالمعـانـي لـــو تـمــادى ماسلـبـهـا

ولا تـكـل مــن الـجـزال مـحـاولاتـهوخبـرتـه وأفـكـار عقـلـه ماحجبـهـا

مـن سلـوبـه لاصدقـائـه مجامـلاتـهوالنفـوس البـوس مايـدرى غضبـهـا

لاصـدقـائـه بعـمـلـتـه ومـعـامـلاتـهسـيـرة الـلـي لاتركتـهـا ولا قضبـهـا

والصـراحـة والثـقـة مــن راسيـاتـهوالحمـاقـة لـــو ركـبـهـا ماشعـبـهـا

حـسـب فهـمـي للهدف وملابسـاتـهيـوم مـس أبطانـهـا مــدري حقبـهـا

ساقـهـا ســوق المـعـيـد بمبهـمـاتـهساقهـا مـدري مـع المنحـى سحبهـا

صـاغـهــا بمـخـطـطـه ومـعـادلاتــهوقال جبهـا وأنـت واحـد مـن جنبهـا

والسفيـنـه مبـحـره فــي صافنـاتـهوترجمـة سبـة زعلـهـا مــع طربـهـا

وحملها دفعت على الشاطئ زكاتـهودسرها ثبت على الشاطئ خشبهـا

قـادهـا بحبـلـهـا وأرســـى حـصـاتـهطاوعت مدري علـى الجـود غصبهـا

أعتبـرهـا معـجـزة مــن معـجـزاتـهكـيــف يـذبــح ولا قـطــع عصـبـهـا

والنـعـت توضـيـح عـلـم بمـفـرداتـهوالعـمـى بـيـت القصـيـده ياحـدبـهـا

العـمـى خـــل البـصـيـر وعـابـراتـهوكابـتـن الـحـاره يــدرب منتخـبـهـا

خـــذ عـبــارة يالحـكـيـم بواجـبـاتـهإن خلـت مستـور ماصفـى حسبـهـا

وأبــو خـالـد بـالـرمـوز مسـاجـلاتـهجـاوب الأعـراب فـي لهجـة عربـهـا

وإبتديـت وطـالـب التوضـيـح جـاتـهجمـلـة مضمـونـهـا يـفـتـل شنـبـهـا

شفت مدري شاف في شاشة قناتهوالعـرب تجهـل سببهـا مــع نسبـهـا

والخبـر تحـت الثـرى دفـنـت نـواتـهشافهـا مـدري سـمـع لـكـن نكبـهـا

واحـد شــال الذبيـحـه فــي عبـاتـهراسـهــا مخـفـيـه ومـبـيـن ذنـبـهــا