جديد المساجلات بين ذعار بن شلاح وزيد بن علي

المجالس واعضاءها تحية ود . . .

كما وعدناكم سابقاً


قال الشيخ الشاعر /ذعار بن شلاح بن حماد

تعبت اعلم بالبشر مامن مجيب = ومستغرباً وشلون مايفهمولي
واثق بنفسي دون شكاً ولاريب= ماهمني لو هالبشر ماسمعولي
صراحتي ميزه ولاضنتي عيب= شيئاً بقوله وأسمع اليوم قولي
وافيتهم من دون لاأدري عن الغيب= وبانت بوادرهم لو ماحكولي
ردوا علي يافلان مافعلك مصيب= خبرك قديم وفات وقت المثولي
ولَّى زمان الطيب ياراعي الطيب = وأقبل زمان المصلحه والخبولي
محشوم محشوم ياخوي المواجيب = تكرم ويكرم واضحين الفعولي
بالمختصر كل القيم والمحاسيب = بالتجربه زالت وصارت هزولي
هذا ترى شفته من ابعيد وقريب = وحبيت اوثق هرجتي لاتزولي

فــ رد الشيخ الشاعر/ زيد بن علي بن حماد :

يامرحبا بالقاف من واحداً ذيب = رجلاً وللعليا يدينه تطولي
معزته خلف الضلوع المحاديب =وغلاوته بالعين ماله نزولي
ياوقتنا اللي صار كله عواقيب = ومتغيراً في كل وقتاً وحولي
بانت لنا فيك العجب والعذاريب = مع قلبتك تقلب جميع الوصولي
فيك الرحم مقطوع ولايستر العيب= وإلاَّ موازينك بلاها الميولي
ياما صعدت وجيت بإعلى المراقيب= ويامامشيت الين أدمت رجولي
الوقت قاسي والليالي مشاهيب =حتى الرفاقه كلهم ماصفولي
ياذعار بن شلاح وقتك لواهيب = رمضاك رمضى ماتفيد النعولي
احذر من الضحكه تراها كواذيب = كم واحداً يضحك وقلبه غلولي
وفي دنيتك خاوا الرجال المكاسيب = وأترك ردي النفس رجلاً زعولي
وإن حدك الوقت لبعض الصواحيب = مثلك عرفها تنعرف بالفعولي

والى الجديد القادم بإذن الله

لأعلم سر تطنيش هذا الموضوع؟؟؟

القدير ابو تركي الحربي

اشكرك

على نقلك هذه المساجلة الشعرية

بين شاعرين متميزين


ذعار بن شلاح وعلى بن زيد



وننتظر جديدك

تقبل اعجابي وتقديري لهذا الموضوع

الاخ العزيز ابو تركي الحربي


اشكرك على هذا الطرح المتميز

وابنتظار جديدك القادم


وتقبل فائق احترامي وتقديري لك

تسلم يا ابو تركي على نقل هذه المساجله الطيبه

وصح اللسان الشاعرين الجميلين ذعار بن شلاح و زيد بن علي

ولا تبخل علينا بالجديد


تحياتي للجميع

الله الله الله على هالبيتين يعورن ياجماعه
كفو والله ياعيال عمي
اخوكم محمد بن حماد الفريدي "ابو شجون"