مرسى الاحاسيس ابن نمران وقصيدة حائل

الروعة والجمال سمعناها في اذاعة الكويت
حينما سمعنا صوت الشاعر الرائع ( مقبل بن نمران)في برنامج (مرسى الاحاسيس)
وفيها الشيء الكثير من الصدق وجمال الاسلوب
الذي يعكس لنا اخلاق الشاعر وشعره الصادق
وقصيدة في حائل جديدة ورائعة بيض الله وجهك يا ابو ياسر
لقد اسعدنا ذلك اللقاء واسعدنا أكثر ما كان فيه من مشاركات
بالتوفيق يا شاعرنا المحبوب

مهرجان حائل ( صيفنا يحلى بضيفنا )

بالضيف يحلى الصيف ياحي حائل=نبع الشهامه والكرم والبطولات
يوم ان بعض الناس حط البدائل=حطو تاريخ المجد نهج وشعارات
بصدورهم للضيف بيت وجمائل=ووجيههم للطيب صوت وعلامات
كفوفهم عن جرح بقعاء رحائل=وبيوتهم للجود موطن وساحات
بأرواحهم يفدون بيض الفعائل=تاريخ حافل بالوفاء والحضارات
تاريخ حافل بالشيم والدلائل=تاريخ حافل بالقساء والمسرات
تاريخ حافل عز وأهل الأصائل=تاريخ حافل بالعفو والجزيلات
تاريخ حافل في عيون القبائل=تاريخ حافل بالشرف والصقيلات
تاريخ حافل بالزمان وسلائل=حاتم على مر العصور القديمات
ربعن طنايا مابهم شيء مائل=إلا العقال يميل بالراس طنخات
تبري فعائلهم كبودٍ علائل=وتدمي فعائلهم هل الحسد بالذات
شمر هل الطولات والشك زائل=غيث الضعيف اللي به أحزان وآهات
شمر هل الوقفات وأهل الأوائل=والشاهد الله فوق كل العبارات
شمر سناعيس الرجال الهوائل=ماضي وحاضر بالفعول الطويلات
صغيرهم ينشى على كل طائل=وكبيرهم طي المسمى وآبنات
من دون نقصٍ في عيال الحمائل=كل القبائل فيهم الطيب عادات
يثنون دون ديارهم كل عائل=والحق واضح ماتخفى ولامات
حائل بها تنبت بذور الفضائل=ولها على كل المدائن منارات
عروس الشمال اللي تهل الجدائل=غطت على حسن البنات العفيفات
مزيونةٍ تغري بها الزين هائل=يقطع لها العاشق ديار ومسافات
وأميرها المحبوب واف الخصائل=حجز لها فوق الثريا مدارات
وتمم معالمها بكل الوسائل=وصارت نموذج بالجمال وحكايات
وغنت على سلمى بحور المثايل=وجاها أجى يرسم من الشوق زفات
بالضيف يحلى الصيف بربوع حائل=هذا الكرم ماهو مجرد شعارات

.

.