كان ودك بالفراق .. ابشر عسى عمرك طويل

	من بغى الفرقا لقى له عذر واسباب ودليل ,,,,,,,,,,,,,,,,,,,,,,,خل عنك العذر والاسباب دام الحب ضاع كان ودك بالفراق .. ابشر عسى عمرك طويل ,,,,,,,,,,,,,,,,,,,,,,,لاتردد وانت لك كلمه ولك امر مطاع لي عليك انك تبت بكلمة تشفي الغليل ,,,,,,,,,,,,,,,,,,,,,,,ولك علي اني لأوقف وقفة الرجل الشجاع لاتجاملني مخافة ( قال ) مدري خوف ( قيل ) ,,,,,,,,,,,,,,,,,,,,,,,عمر ( هرج الناس ) مايسمن ولايغني جياع كان قصدك ( سر حبك ) .. اوعدك لأصبح بخيل ,,,,,,,,,,,,,,,,,,,,,,,احمل اسرارك معي للموووت قدر المستطاع بس قلها ... قل ما احبك ... وابشر بصبر جميل ,,,,,,,,,,,,,,,,,,,,,,,لاتحسب اني مثل من طبعهم لوي الذراع ! صاحبك ماهو كذا ياصاحب القدر النحيل ,,,,,,,,,,,,,,,,,,,,,,,صاحبك طبعه غريب وغربته غربة طباع في الهوى مايقبل الحل الوسط ولا القليل ,,,,,,,,,,,,,,,,,,,,,,,مثل ماهو لاشرى يشري .. ليامن باع باع ثابت لو هي تميل الارض حدره ... مايميل ,,,,,,,,,,,,,,,,,,,,,,,يدري ان الفقر ماهو عيب والدنيا متاع ماعشق لذة حياته كثر عشق المستحيل ,,,,,,,,,,,,,,,,,,,,,,,ولا كره حتى مماته كثر كره الانصياع كم تعلم من شديد البدو وش معنى الرحيل ,,,,,,,,,,,,,,,,,,,,,,,وكم تعلم من غروب الشمس وش معنى الوداع وكم تعلم من سحاب الصيف وش معنى الحصيل ,,,,,,,,,,,,,,,,,,,,,,,وكم تعلم من ليال البرد وش معنى الضياع ايه انا هذا طريقي ( موحش .. وصعب .. وطويل ) ,,,,,,,,,,,,,,,,,,,,,,,وانت لامنك تعبت .. العالم فجوجه وساع اعتبرني في بداية سكتك عابر سبيل ,,,,,,,,,,,,,,,,,,,,,,,ورح وانا قلبي معك من وين وجهت الشراع يكفي اني لاانذكرت في سالفة عشاق .. قيل ,,,,,,,,,,,,,,,,,,,,,,,عاشر احبابه شجاع .. وفارق احبابه شجاع ان شاءالله يعجبكم نقلتلهاااااا لعيونكم

صــــــــــــــــــــ لســــــــــــــــــــانـ ـــــــــــــــــــــــــ ـكـــــــــــــــــــــــ ح



مشكور على النقل ابن مطيع,,,,,,,,

صح لسان الشاعر وقصيدة رائعة وتسلم على النقل الجميل والانتقاء الاجمل

نقل جميل

.....

مشكور

صح لسان الشاعر

يعطيك العافية على النقل

اشكرررررررر الأخووووان الكرام على المرووور الكريم