اجود ماقيل هنا ... مساجلات

الشاعر / علي بن عبدالله الطهيمي

يارشيد لاقالو هل القول منعـوت=عز الصديق وذاك يارشيد موتـه
ياشاعرن شعرك جواهر وياقـوت=تقطف ثمر جزل المثل من انبوته
لويقتبس معناك غيرك يروح اوت=كورة قدم كلـن يشوتـه أبوتـه
مايستو ي مال الغني عند شحتوت=هاذي تجي دونه وهاذي تفوتـه
خل المثل من بينناشبـه مكبـوت=وباقي تفاصيل المجـال مغموتـه
اشوفلي ناسن مكاضيم وسكـوت=لاتنشدالساكـت يلجـك ابصوتـه
مافيه كود اسكـود والا بتريـوت=كل الذخايـر بالدفـاع محتوتـه

الشاعر / رشيد الفريدي

الشعر له ميزان والعقل له صوت=ولاكل رجل يشغل البال صوته
ارسلت لي ياصاحبي سبعة بيوت=من شاعر تطرب مزاجي بيوته
وانا بشعرك ياابيض الوجه مبخوت=ومثلك ذكي..ماكل معنى يفوته
لو كان في صدري مثل عين جالوت=واغصان روحي من ورقها محتوته
احاول اسلا بين طلعه وبالوت=والحزن ينسج ياعلي عنكبوته
اشوف لي ناس لها اسلوب ممقوت=وبعض الأوادم غايته جمع قوته
وقت تسيطربه حرامي وعكروت=وان جيته بلازم تقل جسم حوته
والشعر مبلي في رغاوي وسربوت=لو نحصي القاضين نحتاج نوته
وان شفت زين ازوال ياعلي وبشوت=الخبل ينطق لايغرك سكوته
الآدمي حاجز على رحلة الموت=حجزه موكد..رحلته ماتفوته
والوقت سيفه..فرّق عقاب عن نوت=وكم حاكم ذلّه ..وهدّم بيوته
واقبل تحيه صادقه طعمها توت=الله يكافيك العيون النحوته

الشاعر / سعد بن هذيل

حي الجزيل اللي على الصلب منحوت=مثل الذهب صح الضمير وسكوته
من ربعنا الشعار لو فاتنا الفوت=تقاسمو جزل الكلام وقنوته
ياقوم يا المنكوس في وقت بخوت=عن ساحة المسحوب ولت ثبوته
شلف المعاني حطته وسط تابوت=وان مرها الشعار ظني تشوته
لا شك يالشعار كان باقي حتوت=فكري يجاريكم على قدر صوته
كان المكظم علته داخل الكوت=خل المريض وعلته وسط كوته
كفيله الايام وبليس ريموت=يغوي مصيره لين يقلب سبوته
وراع القذايف ضدكم حقه البوت=على العلابي يطرقونه ببوته
والصقر ماينزل على شان كتكوت=في راس عيطا منزله مايفوته
واختامها تمر الحساء تقل بسكوت=مع دلة الرسلان والهيل قوته

الشاعر / حمود بن الدعيس

يامن جباروته علـى كـل جبـروت=رحمتك فـي يـوم عسيـرن ثبوتـه
فيـه البشريّـه ذليليـن وصمـوت=المـلـك لله والعـبـاد مخبـوتـه
يالله يافارج ليونـس مـن الحـوت=تقبل مـن المسلـم دعـاه وقنوتـه
ابـن دخيـل الله ندبلـي بريمـوت=ورسا علـى بحرالعـرب جيلبوتـه
مثايـل ماصاغهـا كــل فتـفـوت=فيها مـن اللولـو صفـاه ونعوتـه
ماهو ركيك (ن) بالقنـوات مفتـوت=قـول هزيـل ومفـردات معفـوتـه
هذا زمن به صاحب العقل مشمـوت=الله يكافيـنـا تـوالـي اوقـوتـه
يمسي ويصبح من قسا الوقت مبهوت=وراع المراجـل ضايعـات كروتـه
شان الزمان وشاخ به كـل هتهـوت=والبوم غنـا يـوم قامـت ابخوتـه
واستذيب الحصني على كل عنتـوت=دنيا على عكس الصحيـح معموتـه
دنيا العنا لاتت خيـار البشـر لـوت=فيها كثيـر النـاس ضيّـع سموتـه
حبل الرجا عن قاصر الشبر مبتـوت=مانـي رفيـق الخايبيـن الفتـوتـه
ارفع مقام النفس عن كـل ختخـوت=(كـلاب الولايم)بايعيـن البخـوتـه
واقدر الوافيـن شيمـات وسمـوت=ماني ضعيف نظرتـه تحـت فوتـه
ماني سفيـه مـن دنايـاه مسبـوت=جحّاه من كثـر الطقـوق مهتوتـه
ورشيد سيـف للمهمـات موقـوت=والاّ الـردي حبـل رديّـه بتـوتـه

الشاعر /خلف الفريد

ياهل البيوت اللي بها سحر هـاروت=الفتنـه اللـي باقيـه رغـم موتـه
حجزت لي مقعد على متن "داكـوت"=لاحوّلـت مثـل الحصـاه محَلـوتـه
اركض وراكم والقدم مالـه سبـوت=ولا بـه حسيـنٍ ينفعنـي سبـوتـه
"علي" زفر كنه على الصدر مزنـوت=لين اختلط نزف المشاعـر بصوتـه
واسند على اللي بالمهمـات زانـوت=شيخ القوافـي مـا يجيـب معَفوتـه
وجاه الجواب اللي مثل جيش طالـوت=بسحر الكـلام اللـي حـلالٍ بيوتـه
ياربعنـا نـور النقـا مالـه خفـوت=والا طراطيـع المحـافـل خفـوتـه
وفي غفلة التاريخ كم ساد طاغـوت=ولا غيّـرت مجـراه نفـسٍ شموتـه
لو "موسوليني" يفتخر كـان هلفـوت=وافعال "هتلر" مـن تعاليـم "جوتـه"
بعض الاوادم لو هو اعجبك "روبوت"=يحركونـه مـن بعيـد "برمـوتـه"
وكم واحـدٍ يملـك ملفـات وكـروت=احـرق ملفاتـه وقـطّـع كـروتـه
وكثر التحرّص ما يحصّن عن الفوت=كـم طبعـةٍ مابيـن غلطـه وفوتـه
وترى السكوت احيان ابلغ من الصوت=كـم واحـدٍ سلامتـه فـي سكوتـه

لــقد أختـــرت وحسنت الأختياااااااااااااار بارك الله فيك على الجـهد الرائـع
وشكـراً لـشعراااااااء لـقد وصــفو فأجـادو وتـرادو فــتحابـو

تسلم اباماجد على الأضافه والمفروض من زمان هناء


والقسم يتشرف بهذه الدرر في رحابه

وننتظر منهم المزيد وياهلا

مشكور يابو ماجد وتسلم يمينك
اخوك سامي خلف الفريدي

أبو ماجد الله يعطيك العافية


على جمع هذة القصائد في موضوع واحد


وبالنسبه لي من أفضل المواضيع الذي


قريتها في هذا اليوم قصائد جميله وشعراء فطاحلة


واضم صوتي الى صوت أبوعمر المفروض من زمان


لقد وجدنا قمت الابداع في كل من



المرسل والمرسل إليه( الراد)

والمجارون للقصيدة



قصائد في قمت الروع والجمال والابداع


وتقبل مروري في صباح هذا اليوم


يوم الخميس


وكل عام وانتم بخير


ودمت لنا مبدع يا ابا ماجد

الله يعطيك العافيه واحسنت الاختيار

المشاركة الأصلية كتبت بواسطة ابـن مـطــيع

لــقد أختـــرت وحسنت الأختياااااااااااااار بارك الله فيك على الجـهد الرائـع
وشكـراً لـشعراااااااء لـقد وصــفو فأجـادو وتـرادو فــتحابـو

مشكور على المرور بارك الله فيك

المشاركة الأصلية كتبت بواسطة علي الجضعان

تسلم اباماجد على الأضافه والمفروض من زمان هناء


والقسم يتشرف بهذه الدرر في رحابه

وننتظر منهم المزيد وياهلا

بارك الله فيك ابو عمر وانا معك ننتظر منهم الميزيد والجديد

المشاركة الأصلية كتبت بواسطة نوااف االدغيشمي

أبو ماجد الله يعطيك العافية


على جمع هذة القصائد في موضوع واحد


وبالنسبه لي من أفضل المواضيع الذي


قريتها في هذا اليوم قصائد جميله وشعراء فطاحلة


واضم صوتي الى صوت أبوعمر المفروض من زمان


لقد وجدنا قمت الابداع في كل من



المرسل والمرسل إليه( الراد)

والمجارون للقصيدة



قصائد في قمت الروع والجمال والابداع


وتقبل مروري في صباح هذا اليوم


يوم الخميس


وكل عام وانتم بخير


ودمت لنا مبدع يا ابا ماجد

مشكور على مرورك العطر وتفاعلك وتفانيك للمجالس رغم ظروف الدراسة وبيض الله وجهك ..

المشاركة الأصلية كتبت بواسطة رفيدان سبيل الفريدي

الله يعطيك العافيه واحسنت الاختيار

الله يعافيك والاختيار لذائقة الاعضاء الجميلة....