:::.... يمشي على وجهين بـلسان مكّار = علم(ن) ينقص به والآخر يزيده ....:::

قصيدة اتمنى ان تنال اعجابكم ابياتها الرائعة للشاعر/مبارك فايز المحمدي

بعض العرب لامن هرج هرجه اكبار = وليا تكلـم قلـت وش ذا الوليـده
وليا بخصته لينه أنجس من الفـار = الحقد فـي قلبـه ونفسـه زهيـده
يمشي على وجهين بلسـان مكّـار = علم(ن) ينقص به والآخـر يزيـده
عنده علوم اطوال ويدينـه اقصـار = ويفرح ليا من حصّل اللـي يريـده
ويصور اللي باقي(ن) مابعد صـار = وكثر التَمدّح مالي(ن) به رصيـده
الطِيّب راح يمين وهو دربه ايسـار = متسلـح(ن) بعقـال ولّا جـريـده
وليا كذب له كذبة(ن) مالهـا عيـار = قام ايتخطف مخـرج(ن) يستفيـده
وسط المجالس عنده لسـان ثرثـار = يالله عسى الثعبان الأسود يصيـده
الطِيب ماله عنـد الأنـذال مقـدار = وأهـل القلـوب الميتـات البليـده
يالله عسى الأنذال بقصف الأعمـار = وأهل النمامـه والعلـوم النكيـده
من شان مايحصل على العالم أضرار = اللـي قريِّـب دارهـم والبعـيـده
والله يساعد كاسب الطِيـب والكـار = وأهل النوايـا الطيّبـات الحميـده
اللي تعز الضيـف وتقـدر الجـار = وقت المعانـد بالمواقـف عنيـده
اللي يطبون الخطر وقـت الأخطـار = أهـل العلـوم الطيبـات المجيـده
ترا الردي غـدار والوقـت غـدار = وتـرا الليالـي لينـات وشـديـده
الله يسترنـا مـن الفقـر والعـار = وأجعل لنا يالله حيـاة(ن) سعيـده
وأستر علينا ياولـي وأنـت ستَّـار = وأجعل وفاة النفس عندك شهيـده
والناس صارت تالي الوقت شعَّـار = والفرق يطلع في معانـي القصيـده
وصلاة ربي عـدّ همَّـال الأمطـار = على نبـي(ن) نعتقـد بـه عقيـده

سلمت يمناك ابن منيديل


وصح السان الشاعر

سلمت يبن منيديل

رائع جدا ومبدع دائما

اختيار جميل صح لسان الشاعر

سلمت يمناك ابن منيديل

اشهد انك ماقصرت
وسلمت يمينك ياطيب الفال
وصح السان المحمدي

صح لسان الشاعر وشكرآ أبن منديل على النقل الجميل

بقايا انسان

منصور الوسوس

ذيبان


معلاء العنيزان


حمدان الجضعان



مروركم شرف لي وتاج على رأسي
عطرتوا موضوعي ولاهنتم




الف شكر للجمـــــيــــــــع

ابن منيديل

لاهنت وصح اختيارك وبيض الله وجهك وصح لسان المحمدي

قصيده جميله وفيه نماذج تواجهم في الحياه كانه يصفهم

وسط المجالس عنده لسان ثرثار
++++++++++يالله عسى الثعبان الأسود يصيده

ابو ريم

الف شكر لمرورك وهذا هو مطلبي ان تنال اعجابكم واعجاب ذائقتكم

وان تفيدكم لتروا الوجوه المقنعه بالسماحه والطيبه
وهي للإسف تخبيء اشياء عكس ذلك

(( رفــع فـــقـــط لانها تستحق الــرفـــع ))