بيني وبين فايز موسى

فـكـرت بالدنـيـا وفيـهـا الفـكـر حـــار بـالـلــي يـعـيــش بـبـرهــا وبـحـارهــا

مــن دقــق التفـكـيـر بالـدنـيـا يـحــار يصعب على أهل الفكر كشف أسرارها

تمشـي بحكمـة مــن خلقـهـا باقـتـدار  متـجـددة والـنــاس تـفـنـى أعـمـارهـا

أحــد يـعـيـش بغفـلـتـه لـيــل ونـهــار حـتـى يــزول مـــن الـحـيـاة ودارهـــا

وأحـد يـطـول بــه الأمــل والأنتـظـار  ويــغــادر الـدنـيــا مـاكـنــه زارهـــــا

وأحــد يــزور ولايـطـول بــه الـمــزار مـــاذاق مـنـهــا حـلـوهــا وأمــرارهــا

والـكـل وده مــن طويلـيـيـن الـعـمـار والله يــقــدر لـلـنـفــوس أعـمــارهــا

دنـيـا عجيـبـة وأمـرهـا فـيــه اعـتـبـار يـاالـلـي تـشــوف اقبـالـهـا وادبـارهــا

تعريفـهـا يـاأهـل المعـرفـة باختـصـار  التـفـرقـة بــيــن الـعـبــاد شـعـارهــا

أحــد تـزيـن لـــه وتعـطـيـه الـقــرار  تـضـحـك مـعــه وتـنـاولــه جـمـارهــا

مــن حلـوهـا تعطـيـه مــاذاق الـمـرار وترخـص لـه اللـي غالـيـات أسعـارهـا

وأحــد بـهـا مغـبـون وهمـومـه كـبــار الـلـي يــذوق مــن الحـيـاة اعصـارهـا

واحــد بـهـا يـلـقـى مـذلــة واحـتـقـار وتــلاوعــه بـهـمـومـهـا واعـســارهــا

والكـل منـهـم لــه محـطـة واختـبـار  فــي مـوقـف تظـهـر جمـيـع اخبـارهـا

الخلـق كلـه مـن صـغـار ومــن كـبـار لـلـخـالـق الــديــان كــــل أبـصـارهــا

وكــــل بهـالـدنـيـا لهـالـدنـيـا مــعــار يـاخــذ بـهــا فـتــرة ويـخـلـي دارهـــا

ولا أخطا الطريق اللي يشير ويستشـار بعـض الرجـال يصيـب بعـض أشوارهـا

وأنـا حسـب علمـي بعـد شفـت الآثـار عـــن الـبـشــر وأخـبـارهــا وآثــارهــا

إن الــكــلام إلــيــا بــــدا بـالانـتـشـار سـارت بــه الركـبـان فــي مسيـارهـا

والمخـتـفـي لابـــد مايـظـهـر جــهــار والـنـاس مختلـفـة بـطــول أشـبـارهـا

وكــل يعـيـش بـحـال عــزة وافتـخـار والمـايـلـة نفـسـهـا تـحــب إنـكـارهــا

أحــد عــن الميـلـة يـعــدل بالـمـسـار وأحــــد يخـلـيـهـا عــلــى مـعـبـارهــا

وأنـا مشيـت ودجـت فـي كـل الـديـار وكـل البضايـع كــد عـرفـت أسعـارهـا

وكد دجت في وسط الربيـع وبالخضـار وكد شفت من مـس الحيـاة أضرارهـا

وكد عشت بالرغبة وعشت بـلا اختيـار وعـاصـرت نــاس تخـتـلـف بفـكـارهـا

أحــد لقـيـتـه خـيّــر صـاحــب وقـــار يقضـي علـى الفتـنـه لــو أنــه جـارهـا

وأحـد حلـيـم وهــو عـلـى ديـنـه يـغـار عقـيـدتـه تـلـقـى ضــمــن أنـصـارهــا

وأحــد كـريـم شـهـم ولغـيـره سـتــار تـعـتــز فــيــه كـبـارهــا وصـغــارهــا

وأحــد حيـاتـه كـلـهـا نـقــص ودمـــار نـوعـه ذكــره ومحـرمـه هــو عـارهــا

وأحـــد جـعـلـه الله لـلإســلام عـــار  تـضـحـك عـلـيـه بـسـيـرتـه كـفـارهــا

وأحــد حيـاتـه كلـهـا ســـب وشـجــار ويــثــوّر الـبـنــدق بـغــيــر عـيــارهــا

وأحـد يحسـب الطايلـة رفــع الشـعـار لـكــن مقايـيـسـه خــطــأ مـقـدارهــا

عــن واجـبـه والـحـق يـلـجـأ لـلـفـرار ويـــوزع الـفـتـنـه ويـشـعــل نــارهــا

وأحـد سديـد الــراي يمـضـي بانتـصـار حــلالــهـــا كــســارهـــا جــبــارهـــا

إليـا قـال هـذا يصيـر مهمـا كـان صـار وإلــيــا نــــوى دار بـعـيــده زارهـــــا

وبعض الرجال رجال في صنـع القـرار ويـعــدل أهــــل الـفـتــن وشــرارهــا

بـيـن الأوادم فـيـه طـلـعـه وانـحــدار  مـتـبـايـنـه بـأفـكــارهــا وأنــظــارهــا

وإن ثــار بـركـان الجـبـل فالانـفـجـار  يــعــم وديــــان الـبــلــد وأنـهــارهــا

وإن جــا نـهـار فـيــه يـخـتـل الـعـيـار تـظـهـر رجــــال فـاهـمــه بــأدورهــا

وبعـض الرجـال تصيبهـم حمـى قـفـار إلــيــا اخـتـلــط دخـانـهــا وغـبــارهــا

وإن طاح سقف البيـت وأختـل الجـدار تـهـتـز بـيــوت محـكـمـات أســوارهــا

والـنـار مصـدرهـا لـيـا شـبـت شــرار لـكــن تــطــول الغـافـلـيـن بـنـارهــا

والحـر يـعـرف موقـعـه بـنـي الـحـرار وأهــل الـديـار أبـخـص بعـلـم ديـارهــا

يلـي سبحتـم فــي محيـطـات البـحـار ليـن وضعـت كــل الـحـروب أوزارهــا

يـوم الفـلـك غـيـر مسـيـره واسـتـدار  كـــل الـطـيـور مبـرقـعـه بـأوكـارهــا

واستقبـل الموضـوع مسئـول القـطـار عـــدل مسيـرتـهـا وبـحـسـن أدارهـــا

استعـدلـت مـابــه ضـــرر ولا ضـــرار إزمـامـهــا بــيـــد كـبــيــر خـيــارهــا

سـارت علـى ميـزان وبحكـمـة تــدار  وتمـيـزت فــي خيـرهـا عــن جـارهــا

الـيـوم مانسـمـع كــلام الـلــي يـغــار نـــاس خـطـاهـا مخـتـلـط بـأعـذارهـا

الـلـي مطامعـهـم عـلـى كــل اعتـبـار يـحـرق ورقـهـا الـلـي ربـيـب أثمـارهـا

حـنـا بـعـون الله لـهـا عـــز وسـتــار  نـغـرس شـجـرهـا رافـعـيـن جـدارهــا

نعـالـج الأوضــاع فــي صـبـر وحـــوار لــكــن نـفـجـرهـا عــلــى فـجــارهــا

القاعـدة مـاهـي عـلـى ســاس هـيـار على الصخـر قامـت وصلـب احجارهـا

وصلوا على سيد البشر حسـن الجـوار عــد الـبـروق وعــد وبـــل أمـطـارهـا

وهذا تعليق الإستاذ الأديب والباحث / فايز بن موسى البدراني على القصيدة السابقة

بسم الـذي يطـوي مـع الليـل النهـار خـالـق خلايـقـهـا عـلـيـم أسـرارهــا

اللي على العرش استوى بحكم قرار أمـره بكـاف ونــون لـمـح أبصـارهـا

اللـي بنـى كونـه علـى عـلـم ومـنـار وأنـشـا مخاليـقـه وســن أعـمـارهـا

اللـي رفــع سـبـع لـنـا فيـهـا قــرار زيـــن كواكـبـهـا ونــــور أقـمـارهــا

الـلـي لسلطـانـه يخضـعـون الكـبـار المـعـتـنـي بـصـغـارهــا وكـبــارهــا

اللـي بـه التفكيـر فـي وصفـه يحـار  جـلـت صفـاتـه مـانـصـل مـقـدارهـا

بـسـم بـديـت القـيـل والــدولاب دار دولاب فـكــري دار مــــع دوّارهــــا

ومــن فـكـر بدنـيـاه تفكـيـر اعتـبـار شاف العجب مـن وردهـا واصدارهـا

والآدمـي منشـاه مـن طيـن الفـخـار تـلـقـى معـادنـهـا بـنــوع أحـجـارهــا

والطيـنـه الطيـنـه عــزى والا هـيـار تبـقـى عناصـرهـا حـسـب معيـارهـا

وإبـن آدم مسيـر علـى غيـر اختـيـار رحــلـــة يـنـفــذهــا ولا يـخـتــارهــا

اربـع محـطـات عـلـى ذاك المـسـار إمـــا ربـــح والا يـشـيــل أوزارهــــا

وأخـطـر مراحلـهـا مـحـل الانـتـظـار الـلــي يـحــدد نفـعـهـا وأضــرارهــا

محـطـة يـاخـذ بـهـا الـعـبـد اخـتـبـار والناس فيها أجناس حسب أفكارهـا

أحـد بهـا فــي عــز وأحــد بانكـسـار هـــذا براخـيـهـا وهــــذا بـعـسـارهـا

فيها الحكيم يعيش فـي حـذر وحـذار وإلا البـلـيـد يـسـيـر مــــع تـيـارهــا

مـن غرّتـه ياخـذ بهـا وقـت ازدهــار  إحـلـوم لـيــل وتنـجـلـي بأسـفـارهـا

لــو سـاعـفـت لابـــد تالـيـهـا بـــوار مـن ذاق طلعتـهـا شـكـى محـدارهـا

عقـب الحـلا لابـد مـن طعـم المـرار مــن ذاق حاليـهـا يـــذوق أمـرارهــا

عقب الخضار تشوف بالعود الصفـار يـصـبـح هـشـيـم بــالــي بـقـفـارهـا

وعقب العمـار يصيـر عامرهـا دمـار زيـن القصـور تصـيـر ضـمـن أثـارهـا

وعقـب الوجـود يصيـر تاليهـا اندثـار  مـابـاقـي مـنـهـا يــاكــود أخـبـارهــا

معشوقة ً تلعب على العاشـق جهـار الـلــي يـكـافـي شـرهــا وشـرارهــا

لـكـنـهــا لـلـمـتـقــي دار اعــتــبــار يـصـبـر عـلــى عـلاتـهـا واكــدارهــا

ومـن لازرع حسناتهـا وقــت الـبـذار يــنــدم نــهــار يـكــيــل أثـمــارهــا

يوم الوقوف بموقـف صعـب الفـرار والعبـد تـعـرض سيـرتـه بأسطـارهـا

يــوم عسـيـر فـيـه ماتنـفـع إعـــذار يوم الحسـاب ويـوم كشـف ستارهـا

يـوم تغيـب الواسـطـة والمستـشـار يــوم الـمـسـاوي صـعــب انـكـارهـا

عـن وصفهـا وضحـت رايـي بختصـار عــن الحـيـاة وسـيـرهـا وأطـوارهــا

وإن كان أبو زيـد ابتلـش فيهـا وحـار محـتـار بـيــن أشـرارهــا وأبـرارهــا

إذا ابتلـيـت بـقـرب عفنـيـن الـجـوار اصبـر تـرى صبـرك يزيـد احسـارهـا

وإلزم طريق أهل التقى وأهل الوقار أهــل النـفـوس الخـيـره واخـيـارهـا

أهـل الطريـق اللـي مرافقهـم فخـار أهــل العـلـوم الطـايـلـة وأنـصـارهـا

ورد لاديب فايز موسى البدراني / يعتبر مجاراه

صح السانك واعتلا شانك

وصح السان موسى البدراني

ابدااااااااااااااع وتسلم اخوي على الفريدي

اليوم مانسمـع كـلام اللـي يغـار===نـاس خطاهـا مختلـط بأعذارهـا
صح الســــــــانك والسان فايز البدراني
اشكرررررررررك على اضافة الرديه
تقبل خااااااااااااالص تحياتي

بيض الله وجهك ياشاعرنا الرائع علي بن زيد

نعم لقد كتبت فأبدعت وقلت فأجملت كلمات من ذهب

بل مقطوعة أدبية راقية تجعل كل شاعر يتمنى مجاراتها

لأنها كلام شاعر كبير وصاحب خبرة في الحياة

صح لسانك ودامت ايامك وشكرا لك على هذا الابداع

الذي لايستغرب من شاعر بقامتك سلمت لنا متواجدا

ومبدعا في مجالس العز والشموخ ولايفوتني ان اقول

لأديب حرب الشاعر / فايز صح لسانك ودمت فخرا للقبيلة ...

تقبل اجمل تحية

صح لسانك وبيض الله وجهك ياشاعرنا علي بن زيد

هذه معلقة ادبية رائعة وجميلة

وصح لسان الاديب فايز موسى

ودمتم في هذا التالق

الى كل الاحوة الذين تصفحوا واسهبوا في المدح
لكم شكري وتقديري اطرائكم وسام افتخربه

صح السانك يابو خالد شاعر من الوزن الثقيل وتبقي مدرسه لنا

نستفيد منك وكل ماقريت لك قصيده زاد أعجابي

سجل أعجابي وتقديري لشخصك العزيز

الله يمد بالصحه وطول العمر

على طاعته ان شاءالله

وصح السان فايز البدراني

وآسف على تأخير الرد لضروف السفر

ولاتحرم قسم المساجلات من أرشيفك الحافل

القسم يتشرف في وجودك وقديمك وقديدك لبقى لنا مرجع

هذا نوع من المساجلات الفخمه او الفارهه ...
هاتين المساجلتين دروس في الاخلاق وزبدة تجارب كبار الرجال من امثال ابو خالد وابو تركي .....
هذه القطع الادبيه المشعه وهجاً وجمالا تستحق الوقوف امامها طويلا ...
فهل نعذر على تاخر المشاهده والرد .....لا اعلم

عذرا ايها الشاعرين الكبيرين فقد اشغلتنا حواجز الزمن ......

اشكركما على الابداع والامتاع

ولك تحياتي ابا خالد

بيني و بينك هذه القصائد متعوب عليها , وفيها الكثير من الصور والأفكار المكرره ؛
و هي مفيدة جدا كموعظه وتذكير , فقط .