في حفل آل نمران ..........

بدعوة كريمة من اخوي الكريمين مشعل بن نمران "ابو طلال" ومقبل بن نمران"ابو ياسر" كان لي شرف
حضور الحفل الكبير الذي اقامه اخي حمود بن علي بن نمران بن حماد احتفاء بتخرج نجله " عبد الرحمن "
من الكلية الحربيه برتبة "ملازم" فكانت هذه المشاركه :

رجلك ليا منّه غدا الدرب دربين=سجها على درب المشاكيل سجها
نهج الفتى واحد ولا فيه نهجين= اما حياة الروح والا سمَجْها
وعن دوني النظرات فل الحجاجين=وعن الدّعه والضيق واسع فججها
كم واحدٍ لو هام نجم السماكين=رجله عن الطولات عادت ادرجها
ودامي نظيف لسان ومنهج وكفين=ما يهمني من لاتكلم علجها
قدري كبيرٍ عند ربعي من سنين=وتقديرهم ليّه يعدّل عوجها
ولي لابةٍ مع الفخر تاجها الدين=كم ارخصت دون المبادي مهجها
روس الرجال مرجّحين الموازين=اللي على طيب الفعايل نهجها
في حال حلوينٍ وفي حال مرين=مثل البحور اللي تخوّف لججها
عيال راشد وان قسا الوقت راسين=شبه الحصون اللي كبارٍ برجها
جسمٍ وله راسٍ تقدّيه عينين=يجمّل بياض الوجه صافي دعجها
والآدمي يمشي على مخ ساقين=وان اشتكت رجلٍ تبيّن عرجها
تدرون ما ينشال حملٍ بلا يدين=ويمنىً بلا يسرى كثيرٍ حرجها
اقولها وحق القبايل على العين=من دونها روسٍ توضّح حججها
وسلام ياجمع الوجيه الميامين=تحيةٍ من قلب وجهٍ لوجها
اليا دعا الواجب ولو كنت بالصين= اجي وفا واترك ضعيفٍ سهجها
جينا محبه والمعازيب غالين=وعلاقة القربى قويٍ وشجها
ولا جابنا ياكود حق العزيزين=ومودة بالقلب حيٍ وهجها
وتسلم يمين اللي مقامه على الزين=اللي فعوله من صفاته نسجها
اللي اخذ طيبه مواريث جدّين=نمران بن حماد قاطع فرجها
عقيد قومٍ يوم خوض الميادين=ياما طرح من شيخ في معتلجها
حمود بن نمران طيبه عناوين=له فرحةٍ مع حب ربعه مزجها
فرحة تخرج ساطيٍ من شياهين=اللي شَهَر يم النجوم وبلجها
مبروك ثم مبروك له بالملايين=دعوة محبْ وكل حاضر لهجها
وصلوا عدد مادام كرّ الجديدين=على حبيبٍ سنّته ننتهجها

...........
وسلامتكم

عوايدك الوفاء

ودروبك الصدق

وحبك لربعك تعدى الحدود

ومن وفائك

ومن صدقك

ومن حبك لربعك .....

جاء قافك!!!!

صح لسانك ابو عبد العزيز

صح لسانك يا الفريدي يا عظم العرب

صح لسانك ابو عبد العزيز

ابو عبد العزيز


صح لسانك

وكعادتك تشريف عيال راشد

ويستاهل المدح حمود بن نمران

وألف مبروك تخرج ابنه الملازم عبد الرحمن

كفو .. كفو ... كفو

صح لسانك يا عندليب المجالس تعودنا حضورك الراقي في مناسبات ربعك

حضورك يختلف يبو عبدالعزيز صح لسانك ودامت ايامك

عطرت مجالسنا بهذه الدرة الثمينة ولانقول الا بيض الله وجهك

ونزف احلى الاماني مقرونة بصادق الدعوات للاخ الفاضل حمود بن نمران

ومثلها لابا مشعل وابا ياسر بمناسبة تخرج نجلهم عبدالرحمن

وقد وصلتني الدعوة ولكن قد يكون لي العذر ونشاركهم بقلوبنا

(( والعذر عند كرام القوم مقبولُ ))

دامت افراحكم

.

صح لسانك ابو عبد العزيز وبيض الله وجهك

ماهي غريبه مواقفك . لا خلا ولا عدم

القدير والأخ / منصور الوسوس

عذرك مقبول لأنه لايخالجنا شك في نقاء سريرتك وطيبك وحموتك
وعسى المانع خير
.

.

وشرف لي ان تأتي هذه الكلمات الاخويه من العلم ابو راكان
اشكرك على المشاعر الكريمه
لاعدمتك

صغير بس خطير

صح بدنك وسلمت لاخيك
شكرا لمرورك

ابو عبيد

شرفك الله بطاعته ومحبته
مرورك تشريف وعادتك الثناء والوفاء
صح بدنك ومعدنك
لاعدمتك

منصور الوسوس

وحتى لو ...
بعدت المسافه
وصعبت الظروف
وكثرت المشاغل
كل هذا لايثني مَن
عزائمه كالصخر
ووفائه كالنهر
ولمساته كالسحر ....

ابا محمد
اشكرك على جميل العباره وكلمات الموده وما حضورنا في محافل عيال راشد الا من باب
الود والتقدير والفخر باهل الطموح من شبابنا المميز تكثيراً وتقديرا .....
لاعدمتك