حكمة : غنام بن متلع

من قصائد والدي رحمه الله


(((قلبي دليلي)))

	البارحة بالقلب هم وولوال=افكار تشعل بالضماير شعيلي دنياي اقايسها على كل الأحوال=بالعرف والتفكير واشيل شيلي والنفس أنزلها على كل منزال=أخفي مساويها وأقول الجميلي من خوف تبدي خلتي بين الأنذال=واللي قسم لي عند ربي يجيلي ولا اعاتب اللي صد عني اليا مال=ليا كان شفته مقفي مستزيلي بالك تسايل واحد عنك ما سال=ومن لا يودك لا تحطه خليلي إن كان ما جاراك خله على الفال=وأترك كثير الهذر مابه حصيلي القى بدل من حط من دوني أبدال=عرفي مقنعني وقلبي دليلي وأطلب عوض من صد عني بالأقبال=من واحد من مد جوده جزيلي ولا ننكر المعروف اليا حالت الحال=نجزى هله بالطيب لو هو قليلي وأعرف ترى بالناس ماكر ودجال=خذ الحذر كل الحذر لا تميلي اليا شفت ما عيفك حطه على البال=وتحمله لو كان مر وثقيلي وعليك بأهل الجود وأكرام الأسبال=ما يذكر إن العوشزة به مقيلي ولا شك عز النفس بالمنزل العال=يبعدك عن منة خطاة البخيلي والمال يرقي صاحبه روس الأقذال=يمتاز لو هو بالمجالس طفيلي قدامنا قالوه حاوين الأمثال=يحيي العظام الباليات النحيلي ومن قل ماله صاربه بعض الأحوال=لو هو صعيب الراي يصبح ذليلي ودنياك هذي بين الأقفاء والأقبال=الله مصرفها على كل جيلي محصي جميع الخلق من كل الأشكال=متصرف بأرزاق خلقه كفيلي يالله تغفر زلتي يوم الأهوال=ياعالم في دقها والجليلي وصلوا على المختار ما هل همال=شفيعنا يوم الحساب المهيلي

وانا أضع القصيدة بناء على طلب أخي بدر بن علي المجربع
مع أزكى تحياتي إليه وأسمى تقدير

بالك تسايل واحد عنـك مـا سـال ***** ومن لا يـودك لا تحطـه خليلـي

إن كان ما جاراك خله على الفـال ******وأترك كثير الهذر مابـه حصيلـي
أبيات ولا أروع اسأل الله أن يرحم والدك وان يجعله من أهل الفردوس الأعلى

أخي / عبدالله أنت رائع وجهودك مميزة بارك الله فيك

مشكور يابوعزام
والشكر موصول لاخي ابوعمر


ابوسامي الفريدي

المشاركة الأصلية كتبت بواسطة عبدالله غنام

من قصائد والدي رحمه الله

البارحة بالقلب هم وولوال=أفكار تشعل بالضماير شعيلي
دنياي أقايسها على كل الأحوال=بالعرف والتفكير وأشيل شيلي
والنفس أنزلها على كل منزال=أخفي مساويها وأقول الجميلي
من خوف تبدي خلتي بين الأنذال=واللي قسم لي عند ربي يجيلي
ولا أعاتب اللي صد عني اليا مال=ليا كان شفته مقفي مستزيلي
بالك تسايل واحد عنك ما سال=ومن لا يودك لا تحطه خليلي
إن كان ما جاراك خله على الفال=وأترك كثير الهذر مابه حصيلي
القى بدل من حط من دوني أبدال=عرفي مقنعني وقلبي دليلي
وأطلب عوض من صد عني بالأقبال=من واحد من مد جوده جزيلي
ولا ننكر المعروف اليا حالت الحال=نجزى هله بالطيب لو هو قليلي
وأعرف ترى بالناس ماكر ودجال=خذ الحذر كل الحذر لا تميلي
اليا شفت ما عيفك حطه على البال=وتحمله لو كان مر وثقيلي
وعليك بأهل الجود وأكرام الأسبال=ما يذكر إن العوشزة به مقيلي
ولا شك عز النفس بالمنزل العال=يبعدك منة خطاة البخيلي
والمال يرقي صاحبه روس الأقذال=يمتاز لو هو بالمجالس طفيلي
قدامنا قالوه حاوين الأمثال=يحيي العظام الباليات النحيلي
ومن قل ماله صاربه بعض الأحوال=لو هو صعيب الراي يصبح ذليلي
ودنياك هذي بين الأقفاء والأقبال=الله مصرفها على جيلي
محصي جميع الخلق من كل الأشكال=متصرف بأرزاق خلقه كفيلي
يالله تغفر زلتي يوم الأهوال=ياعالم في دقها والجليلي
وصلوا على المختار ما هل همال=شفيعنا يوم الحساب المهيلي

وانا أضع القصيدة بناء على طلب أخي بدر بن علي المجربع
مع أزكى تحياتي إليه وأسمى تقدير

اخوي عبد الله غنام
صح لسانك وعلا شأنك

قصيده جزله وتحمل بطياتها معاني ساميه

يالله تغفـر زلتـي يـوم الأهـوال **** ياعالـم فـي دقـهـا والجليـلـي
وصلوا على المختار ما هل همـال *** شفيعنـا يـوم الحسـاب المهيلـي

آمين آمين آمين

رحم الله غنام 000 قرأت هذه الابيات قبل ثلاث شهور اواكثر عن طريق ابومازن وتاثرت بها كثيراً
والله اني اذا تذكرت غنام ارتسمت في مخيلتي عظماء وفرسان الفردة
والله انه فقيدة بابوعزام

اخوك ابوعمر بدر الفريدي

وعليك بأهل الجود وأكرام الأسبـال *** ما يذكر إن العوشـزة بـه مقيلـي





أبيات رائعة أسأل الله أن يغفر لوالديك ووالدينا وجميع المسلمين.

أشكر كلا بأسمه على المرور الكريم والتنويه الجميل

وأخص أخي أبو عمر بشكر في شهادة وشكر في غيب

رحم الله ابا يوسف واسكنه فسيح جناته

يعطيك العافيه ابو عزام

ولاهنت على النقل

قصيده رائعه تعجز فيها عن اقتباس ابيات واغفال اخرى

لانها كلها رائعه وتحمل في طياتها معاني كبيره وجميله

اشكرك اخي عبد الله على طرحها ننتظر منك المزيد