النفس مانـي على الهيبـه مضريهـا=تعـودت للعنـاء من كثـر ماعانـت

أتمنى أن تنال أعجاب الجميع

يـوم إنهـا عـاكسـت قمـت أحتفـل فيهـا=بالإتجـاه المعـاكـس لينهـا زانـت
خلـف الكواليـس أبينهـا وأخفيهـا=إن بانـت أخفيتهـا ولا أخفيتهـا بانـت
فهمتهـا صـح لكنـي بمشيهـا=كانـت ولكـن معـي ماكنهـا كانـت
اللـي مـن العـام بيبـت ٍ مواريهـا=لـو قلـت هانـت أبـبطـي عظـم ماهانـت
مـدري أنا أقـول حاميهـا حراميهـا=وإلا أبتسـم في وجيـه القـوم لاشانـت
النفس مانـي على الهيبـه مضريهـا=تعـودت للعنـاء من كثـر ماعانـت
بس الميانـات هـذي كيف نلغيهـا=يـمــوووون ياشيـن بعض النـاس لامانـت

خالد الفريدي

==============================
من يعرف الأخ / خالد صاحب الأبيات ؟؟؟ شاكر لكم ومقدر

صح لسان خالد ابيات حلوه جدا

مشكور يالفريدي احسنت الاختيار كعادتك

واعجبني هذا البيت

والله فعلا مشكلة بعض الناس لاصار يمون

بس الميانـات هـذي كيف نلغيهـا=يـمــوووون ياشيـن بعض النـاس لامانـت

السلام عليكم ورحمة الله وبركاته

هذه ايضا رائعه للأخ الشاعر / نواف بن هلال بن عوض ابن نومان الفريدي

والقصيده كلاتي

يوم انها عاكست قمت احتفل فيها=بالاتجاه المعاكس لين انها زانت
خلف الكواليس اخربها واسويها=أن بانت اخفيتها ولا أخفيتها بانت
فهمتها صح ..! لاكني بمشيها=كانت ولاكن معي ماكنها كانت
واللي من العام بيناتٍ مواريها=أن قلت هانت اببطي عظم ماهانت
مدري انا أقول حاميها حراميها ؟=ولا أبتسم في وجيه الشؤم لاشانت
النفس ماني على الهيبه مضريها=تعودت للعنا من كثر ماعانت
مير الميانات هذي كيف نلغيها..؟=تمون..!! ياشين بعض الناس لامانت

هذا ماأحفظ من القصيده وان شاء الله يكون له ديوان بالقريب

من العجله نسيت اشكرك اخوي الفريدي على انتقاء القصيده

لاكن كيف حصلتها

حصلتها وانا اتجول في المهبول جوجل لكن من خالد ؟؟؟

على كل حال القصيدة رائعة

القصيده فعلا رائعه 000 ويوم اننا عرفنا من قالها 000 نواف بن نومان 000 زاد حلاها 0000

مشكور الفريدي 000 والشكر موصول لبقايا انسان

يعطيك العافية الفريدي
وسلمت يمينك باقايا انسان
وصح السان نواف ابن نومان

مير الميانات هذي كيـف نلغيهـا..؟ = = تمون..!! ياشين بعض الناس لامانت

صح لسانه صدق ياشين بعض الناس لامانت


تسلم يد ناقلها ويد منسقها



يعطيكم الف عافية

جاز لك هالبيت يابن منديل شكلك غاثك واحداً يمون هههههههههه

تشرفت صفحتي بمروركم الرائع

رفع لشدة جمال القصيدة

تسلم يد الناقل

وصح لسان الشاعر

والف شكر لمتعب