الشاعر / محسن بن فالح الدوسري
قصيدة في الشيخ مفلح بن ناصر الفريدي الحربي
على موقفه الطيب مع ابن عمه / سالم بن ضعيان السامود المخلفي الحربي
هيض هجوس الشعـر الفريـدي والحـروب=قبيلتن دايم يهيـض الشعـر عنـد فعولهـا
مفلح ولد ناصر ملك من موقفه كل القلـوب=كل القلوب اللي جذبهـا شوفهـا وعقولهـا
يوم أن بن عمه تضايق من شمال وجنـوب=وبغت عليه تصك بيبـان الحقـوق قفولهـا
دينه ثقيل ونازلٍ فـي وادي سيلـه جـذوب=لولا الولي ثم البتوع اللـي يجيـد حلولهـا
أبو محمد فتّـح البيبـان قدمـه والـدروب=حيثه من رجال تـروس الطايلـه وتطولهـا
لولا الحميه والرجوله كان ماهوب مغصـوب=والنخوه اللي في مواجيبها تغصب زحولهـا
وأبو محمد دايم راسه على العـز معصـوب=وأصبح من ركون العرب فالمملكة وفحولهـا
الله يعـزه عـد ماهبـت ذعاذيـع الهبـوب=حيثه وقف له وقفـتٍ كـل العـرب قرولهـا
له حسبت فالطيب يطمح بها كـل محسـوب=وله غبـت بالمرجلـة ياعرضهـا ياطولهـا
شيخ تلبس من ملابيس الشرف تسعين ثوب=وأقصر شبوله طاول رجالٍ طـوال شبولهـا
أبمدحه مـادام شمسـي ماتدانـت للغـروب=وابرك جمال الشعـر واسواقهـا بحمولهـا
وان قلت له جزل العطابنك الوفاء ماني كذوب=مدات جوده مـن يمينـه وافـرٍ محصولهـا
ماهيب من باب الريا من باب تفريج الكروب=الله يفرج عنـه كربـات الحسـاب وهولهـا
طبعه على روس المعالي والفخر دايم وثوب=ياصل مواصيل كثيـر النـاس ماوصلولهـا
متسلسل من روس ربع تدب الشره الطثـوب=بمشلشلات تشلع الفرسـان فـوق خيولهـا
لاد الفريدي فالجزيرة يوم غالـب ومغلـوب=كم كفكفو من سربت كانـت تـدق طبولهـا
عقّيل في وقت السعة جهيل في وقت الركوب=نزالت الدار المخيف اللـي تسيـل سيولهـا
وانته سلايلهم ومدحك ياولدنا صـر وجـوب=ياللي فعولك يالفريدي مـا تفـوت حلولهـا
الشاعر / سعد بن حمود الحصني الحربي
هذه القصيدة مجاراة لقصيدة الشاعر / محسن بن فالح الدوسري
مبداي باسم الله عظيم الشـان غفـار الذنـوب=ابذكـر الله وأشكـره علـى النعـم لا يزولهـا
إلي انحناله روسنا ونستغفـر إيليـه ونتـوب=على السنتنا كل وقـت مـن الوقـوت نقولهـا
الله جعلنـا كاقبـائـل لتـعـارف وشـعـوب=امـة محمـد كلنـا يـا السامعيـن ادعولهـا
الشعر ديوان العرب معنـا وترتيـب وسلـوب=عكـف الشـوارب ماتعلـى قمتـه مفتولـهـا
أحد كسب من الثنا واحد كسب منـه الذنـوب=وروسٍ سبب في رفعها وروسٍ سبب بنزولهـا
والدوسري معجب بفعل الطيب لا أنه ماهـوب=متعـودٍ علـى علـومٍ ماينـومـس قولـهـا
من لابتٍ شربو فعول الطيب مثل الماء شـروب=أقول كلمـة حـق وحماهـا وانـا ماسولهـا
ارجال في كل المراجل سلمهـم نـارٍ شبـوب=بسلـم ولـلا بالحرايـب سـاريٍ مفعولـهـا
أصحاب هيبة بالجزيرة ولهم حسـاب حسـوب=قبيلـة كـل القبـائـل بالفـعـل حسبولـهـا
أهل الشجاعة والكرم مصحوب بالصدورٍ ارحوب=قولت هلا ينطحبها الضيفـان عنـد وصولهـا
لو نها في سلمهم عن قولـة ارحـب ماتنـوب=الاولـه تفـوق عنهـا الثانـيـة بميولـهـا
ونارٍ تزايد من وقـود السمـر لاهبهـا لهـوب=يبعـد مصاليهـا لهبهـا مايقـرب حولـهـا
ماردهم لايكرمـون ضيوفهـم سعـر الجلـوب=اكبـاش وللاسمـان قعـدان بـروك اقبلولهـا
وحليب ابا كيـر يقـدم قدمهـم تـو محلـوب=مـن مصغـرٍ ماقيـدت بيدينهـا ورجولـهـا
يقدمونه فـي طيـاس املـي مايقـدم بكـوب=تنشاف فوقـه رغوتـه متبينـه مـن طولهـا
هم أهل الابل زينة الأوصاف وكبـار الجنـوب=اذواد سودٍ تعجب أهـل الصنـف لاصاحولهـا
حامينها يوم النهائـب ماطمـع فيهـا نهـوب=ونربعة ديـره بعيـد مـن ارضهـم راحولهـا
مندونها لـو تذهـب الأرواح لحماهـا ذهـوب=ابعد من نجوم الثريـا عـن ثراهـا وصولهـا
وكل القبائل نفتخـر فيهـا ولا فيهـا عيـوب=أهل الجبل بجبالها وأهـل السهـل بسهولهـا
الله جعلنـا كاقبـائـل لتـعـارف وشـعـوب=أمـة محمـد كلنـا ياسامعـيـن ادعولـهـا
القصائد حصريه على هذا المنتدى وديوان حرب
للاخوه الشعار الي يريد مجارات القصائد
يرسل القصيدة واسمه على البريد الالكتروني alhosnan@hotmail.com
وباذن الله انها تصل في يد الدوسري والحصني
وانا اضن عيال راشد فيهم شعار
العرض الشجري
