الدوسري يمدح الفريدي ومجارات الحصني عليها

الشاعر / محسن بن فالح الدوسري
قصيدة في الشيخ مفلح بن ناصر الفريدي الحربي
على موقفه الطيب مع ابن عمه / سالم بن ضعيان السامود المخلفي الحربي

هـيـض هـجـوس الشـعـر الفـريـدي والـحـروبقبيلـتـن دايــم يهـيـض الشـعـر عـنـد فعـولـهـا

مفلح ولد ناصر ملك مـن موقفـه كـل القلـوبكـل القـلـوب الـلـي جذبـهـا شوفـهـا وعقولـهـا

يـوم أن بـن عمـه تضايـق مـن شمـال وجنـوبوبغـت علـيـه تـصـك بيـبـان الحـقـوق قفولـهـا

دينـه ثقيـل ونــازلٍ فــي وادي سيـلـه جــذوبلـولا الـولـي ثــم البـتـوع الـلـي يجـيـد حلولـهـا

أبــو محـمـد فـتّـح البيـبـان قـدمـه والـــدروبحيثـه مـن رجــال تــروس الطايـلـه وتطولـهـا

لولا الحميـه والرجولـه كـان ماهـوب مغصـوبوالنخـوه اللـي فـي مواجيبهـا تغـصـب زحولـهـا

وأبـو محمـد دايـم راسـه علـى العـز معـصـوبوأصبح مـن ركـون العـرب فالمملكـة وفحولهـا

الله يـعــزه عـــد مـاهـبـت ذعـاذيــع الـهـبـوبحيثـه وقـف لـه وقفـتٍ كــل الـعـرب قرولـهـا

له حسبـت فالطيـب يطمـح بهـا كـل محسـوبولــه غـبــت بالمـرجـلـة ياعـرضـهـا ياطـولـهـا

شيخ تلبس من ملابيس الشـرف تسعيـن ثـوبوأقصـر شبولـه طـاول رجـالٍ طـوال شبولـهـا

أبمـدحـه مــادام شمـسـي ماتـدانـت للـغـروبوابــرك جـمـال الشـعـر واسـواقـهـا بحمـولـهـا

وان قلت له جزل العطابنك الوفاء ماني كذوبمــدات جــوده مــن يميـنـه وافــرٍ محصـولـهـا

ماهيب من باب الريا من بـاب تفريـج الكـروبالله يـفـرج عـنـه كـربـات الـحـسـاب وهـولـهـا

طبعه على روس المعالي والفخـر دايـم وثـوبيـاصـل مواصـيـل كثـيـر الـنــاس ماوصلـولـهـا

متسلسل من روس ربع تـدب الشـره الطثـوببمشلـشـلات تشـلـع الفـرسـان فــوق خيولـهـا

لاد الفريـدي فالجزيـرة يــوم غـالـب ومغـلـوبكـم كفكفـو مـن سربـت كانـت تــدق طبولـهـا

عقّيل في وقت السعة جهيل في وقت الركوبنزالـت الـدار المخـيـف الـلـي تسـيـل سيولـهـا

وانتـه سلايلهـم ومدحـك ياولدنـا صــر وجــوبياللـي فعـولـك يالفـريـدي مــا تـفـوت حلولـهـا

الشاعر / سعد بن حمود الحصني الحربي
هذه القصيدة مجاراة لقصيدة الشاعر / محسن بن فالح الدوسري

مبداي باسـم الله عظيـم الشـان غفـار الذنـوبابـذكـر الله وأشـكـره عـلـى النـعـم لا يـزولـهـا

إلـي انحنالـه روسـنـا ونستغـفـر إيلـيـه ونـتـوبعلـى السنتنـا كـل وقـت مـن الـوقـوت نقولـهـا

الله جـعـلـنـا كـاقـبـائـل لـتـعــارف وشــعــوبامــة محـمـد كـلـنـا يـــا السامـعـيـن ادعـولـهـا

الشعـر ديـوان العـرب معنـا وترتـيـب وسـلـوبعـكـف الـشـوارب ماتـعـلـى قـمـتـه مفتـولـهـا

أحد كسب من الثنـا واحـد كسـب منـه الذنـوبوروسٍ سبب في رفعهـا وروسٍ سبـب بنزولهـا

والدوسري معجب بفعل الطيـب لا أنـه ماهـوبمـتـعـودٍ عـلــى عــلــومٍ مـايـنـومـس قـولـهــا

من لابتٍ شربو فعول الطيب مثل الماء شروبأقــول كلـمـة حــق وحـمـاهـا وانـــا ماسـولـهـا

ارجـال فـي كـل المراجـل سلمهـم نـارٍ شبـوببـسـلـم ولـــلا بالـحـرايـب ســـاريٍ مفـعـولـهـا

أصحاب هيبـة بالجزيـرة ولهـم حسـاب حسـوبقبـيـلـة كـــل الـقـبـائـل بـالـفـعـل حسـبـولـهـا

أهل الشجاعة والكرم مصحوب بالصدورٍ ارحوبقولـت هـلا ينطحبـهـا الضيـفـان عـنـد وصولـهـا

لو نهـا فـي سلمهـم عـن قولـة ارحـب ماتنـوبالاولــــه تــفــوق عـنـهــا الـثـانـيــة بـمـيـولـهـا

ونـارٍ تزايـد مـن وقــود السـمـر لاهبـهـا لـهـوبيـبـعـد مصـالـيـهـا لـهـبـهـا مـايـقــرب حـولـهــا

ماردهـم لايكـرمـون ضيوفـهـم سـعـر الجـلـوباكـبـاش وللاسـمـان قـعـدان بــروك اقبلـولـهـا

وحليـب ابـا كـيـر يـقـدم قدمـهـم تــو محـلـوبمـــن مـصـغـرٍ مـاقـيـدت بيديـنـهـا ورجـولـهــا

يقدمونـه فـي طـيـاس امـلـي مايـقـدم بـكـوبتنـشـاف فـوقـه رغـوتـه متبيـنـه مــن طـولـهـا

هـم أهـل الابـل زينـة الأوصـاف وكبـار الجنـوباذواد ســودٍ تعـجـب أهــل الصـنـف لاصاحولـهـا

حامينـهـا يــوم النهـائـب ماطـمـع فيـهـا نـهـوبونربـعـة ديــره بعـيـد مــن ارضـهــم راحـولـهـا

مندونـهـا لــو تـذهـب الأرواح لحـمـاهـا ذهـــوبابعـد مــن نـجـوم الثـريـا عــن ثـراهـا وصولـهـا

وكــل القبـائـل نفتـخـر فيـهـا ولا فيـهـا عـيـوبأهـل الجبـل بجبالـهـا وأهــل السـهـل بسهولـهـا

الله جـعـلـنـا كـاقـبـائـل لـتـعــارف وشــعــوبأمـــة مـحـمــد كـلـنــا ياسـامـعـيـن ادعـولـهــا

القصائد حصريه على هذا المنتدى وديوان حرب


للاخوه الشعار الي يريد مجارات القصائد
يرسل القصيدة واسمه على البريد الالكتروني
alhosnan@hotmail.com
وباذن الله انها تصل في يد الدوسري والحصني
وانا اضن عيال راشد فيهم شعار

الفاضل : ثامر الحصني

رد الوفاء عادة الرجال الطيبين الذي تميزوا بذلك في هذا العصر

وكذلك نقل الجميل من القصيد وفعول الرجال الطيبين هو منوال

امثالك وشرواك ... لاعدمناك ...

واما العمدة الشيخ : مفلح بن ناصر فهو مقر الطيب والذي اشتهر من افعاله

شي يسير وقد تكون شهادتي فيه مجروحه لكونه ابن عم عزيز ...

ولكن ما قاله الشعراء هو عين الحقيقة لكل من يعرفه او احتاجه

فهو صاحب فزعة و رأي صائب باذن الله ومن مشاهير قبيلة حرب في

العصر الحديث ....

صحت السنة الشعراء على حسن قولهم وصح احساسك

اخي الفاضل :: ثامر .........

وتقبل اجمل التحايا على هذه الاضافة الرائعة ودمت بخير وعافية ..

صح لسان
الشاعر / محسن بن فالح الدوسري

وصح لسان

الشاعر / سعد بن حمود الحصني الحربي

وبيض الله وجه الشيخ مفلح بن ناصر الفريدي الحربي

على وقفته مع ابن عمه


ومشكور أخوي ثامر على النقل

الله يجزاء الشيخ

مفلح خير وفي ميزان حسناته

وصح لسان الشاعر ين محسن بن فالح الدوسري

و سعد بن حمود الحصني الحربي


مشكور

اولا نرحب بك اخي ثامر في مجالس عيال راشد

اهلا وسهلا بك بين اخوانك

واشكرك على هذا النقل الرائع

وصح لسان الشاعرين

محسن بن فالح الدوسري

سعد بن حمود الحصني الحربي

وبيض الله وجه الشيخ مفلح بن ناصر الفريدي الحربي


ولك تحياتي

أخي

ثامر الحصني


بيض الله وجهك على هذه المشاركه

وكعادت الطيبين نقل الأفعال والقصائد الجميله


وصح لسان الشاعر // محسن بن فالح الدوسري



وصح لسان الشاعر// سعد بن حمود الحصني الحربي


ومافعله مفلح بن ناصر الفريدي الحربي عمل غنساني نبيل يستحق الشكر وعسى الله يجعله في موازين حسناته

باااااااااااااارك الله فيك اخي الكريم صفقه لك والشعار

صح لسان الشاعرين الكبار

وابو محمد يستحق المدح وكاسب النعم من مبطي

والف شكر للعضو الحصني على نقل هذه الروائع

اولا نرحب بك اخي ثامر في مجالس عيال راشد

اهلا وسهلا بك بين اخوانك

واشكرك على هذا النقل الرائع

وصح لسان الشاعرين

محسن بن فالح الدوسري

سعد بن حمود الحصني الحربي

وبيض الله وجه الشيخ مفلح بن ناصر الفريدي الحربي