فـعـل الزغيـبـي دايـمـا يـرفـع الــراس=والله ونـعــم كـــل مـــا جـــا مـجـالــه

هذه قصيدهـ جزلة للشاعر/::

مبارك بن عايض القحطاني

يمدح فيها الشيخ/ :::

عبدالله الزارع الزغيبي (رحمه الله)




يقول :: ::

كريـم سبـلا لا لـقـا الضـيـف منـحـاس=هـــداج تـيـمـا طـــاب حـضــه وفـالــه

القصيدة كامله

سـلام ياشيـخ عـريـب عـلـى ســاس=جــــده وابـــــوه وطـيـبـيــن خــوالـــه
فـعـل الزغيـبـي دايـمـا يـرفـع الــراس=والله ونـعــم كـــل مـــا جـــا مـجـالــه
مـواقـف الـحـربـي مـعــزة ونـومــاس=يــعــرف دروب الـمـرجـلـه والـجـمـالـه
اعـبــر اشـواقــي بـحـبـر وقــرطــاس=مـشـتــاق لـلأبـيــات لاقـلـتـهــا لـــــه
تقـديـري لغـيـرة مــع الـنـاس يـانــاس=اهــو الـوحـيـد الـلــي وقـــارة لـحـالـه
فعـلـه تـجـاره رابـحـه مالـهـا افـــلاس=لــه وقفـت(ن)بـيـن الـعــرب بعـتـدالـه
كريـم سبـلا لا لـقـا الضـيـف منـحـاس=هـــداج تـيـمـا طـــاب حـضــه وفـالــه
مـنـارتـه تـعـمـل بـنـجــر ومـحـمــاس=والـبـن الأشـقـر دايـمــاً فـــي دلالـــه
صديقـه مـن الوقـت مـا يلحقـه بــاس=ولا عــــدوه يـخـتـلـع مــــن ظــلالـــه
ولـيـا تـحـدى حـطـم ارقــام الأقـيـاس=ياسعـد مـن بالـوجـه قــام وصـفـا لــه
يسهـر عـدوه مـا يلحـق طرفـه نعـاس=ويـسـخــر الـكـايــد بـحـالــه ومــالـــه
من لابة(ن) وقت الجهل فوق الأفراس=تاريـخـهـم مـحــد(ن) يـسـبـب زوالـــه
لو في الجهـل يعطـى ميدليـه وكـاس=تلـقـى الزغيـبـات الـحـروب تعـنـا لـــه
وحنـا اقحطـان ابنـاء مشايـخ وفــراس=مــن عـصـر نــوح وفعلـنـا بالشـكـالـه
وربعـي لهـم بيـن المطاريـق مــرواس=جـرويــة(ن) كـســب الغـنـايـم تـنـالـه
والجاهـل اللـي ينـس براسـه عطـاس=يسـأل جـنـوب الــدار والـلـي شمـالـه
وكل القبايـل فيهـم حقـوق وإحسـاس=محد(ن) مع أهل السوق يرخص رياله
ونخضع تحت حكم الفهد حد الأضـراس=زعيـمـنـا الـــي كـلـنـا فـــي ظــلالــه
تحيـا السعوديـة بـهـا قـاسـي الـبـاس=الأب ابــــو فـيـصــل وحــنــا عـيــالــه
حكم الدول من غيرنا اشكال واجنـاس=وحكـامـنـا تـحـكـم بــشــرع وعــدالــه
عسـى عـدو الـديـن بالـرجـل يـنـداس=والله يـهـدم الـشـرك واهــل الـظـلالـه
واخـر كلامـي لأبـن زارع مــن الــراس=ســلام يـابـو سـعـود رمــز الشـكـالـه

مشكور ياذيبان بارك الله فيك على كل ماهو مفيد من اشعر
صح السانك والسان شاعر القصيده ويستاهل من فيه المدح

صح لسان الشاعر
ويستاهل المدح الزغيبي
وبيض الله وجهك يبو راكان على هذا الاسهام الراقي
دمت بخير

صح لساااان الشاااعر وبيض الله وجه النااااااااااااااااااااقل ,,,,,,,,,,,,,,,,,,,,,,, وتقبل مروري

صح لسانه

مشكور أخوي

صح لسان الشاعر


و الله يرحم عبدالله الزغيبي ويسكنه فسيح جناته


ويعطيك العافيه ابو راكان على هذا الإختيار

ذيبان
مشرف قسم تاريخ قبيلة الفردة
بيض الله وجهك يالبناخي
على ماجلبته لنا لك تقديري واحترامي

المشاركة الأصلية كتبت بواسطة ابـن مـطــيع

مشكور ياذيبان بارك الله فيك على كل ماهو مفيد من اشعر

صح السانك والسان شاعر القصيده ويستاهل من فيه المدح

هلا والله بمشعل مجالسنا

الله يحييك يا ابن مطيغ بمتصفحي

المشاركة الأصلية كتبت بواسطة منصور الوسوس

صح لسان الشاعر
ويستاهل المدح الزغيبي
وبيض الله وجهك يبو راكان على هذا الاسهام الراقي
دمت بخير

انني ارى ان الراقي هو ردك الجميل مراقبنا العام

المشاركة الأصلية كتبت بواسطة ابو راكان

صح لساااان الشاااعر وبيض الله وجه النااااااااااااااااااااقل ,,,,,,,,,,,,,,,,,,,,,,, وتقبل مروري

ابو راكان ,,, حياك الله يا السمي