قصآئـد لـ سلطآن الهآجري

18-06-09, 02:27 AM

بسم الله الرحمن الرحيم

اربـع قصآئـد للوزن الثقيـل / سلظآن بن وسآم الهآجري

المناجم

الزمـان يـدور والدنيـا تــدور=ودوره الايـام مـاهـي هيـنـه
ماتـدق الا جلاميـد الصـخـور=خل عـاد اهـل العضـام اللينـه
والحرار اللي علي روس الوكـور=كـل حـر مابـقـي الامكيـنـه
والضحايا في الصحون وفي القدور=فوق نـار اهـل الوجيـه الدينـه
في غليـان التغطـرس والغـرور=دور الـواقـع مـاعـاد تعيـنـه
مثل حرف الجر في بعض السطور=لويشيـنـه القـلـم ويـزيـنـه
والطماعه حطهـا نمـر النمـور=بيـن لحيانـه وبــن لسيـنـه
ليش يبسـن الحناجـر والنحـور=والديـوس ام الحليـب محيـنـه
ادري ان اصل المناجـم مايبـور=كـل منجـم فيـه تلقـى عينـه
عند ماتصفق بحـور فـي بحـور=مايبيـن الا الوجـيـه البيـنـه

ـــــــــــــــــــــــــ ــــــــــــ

رغـد صدآم

كان الاشراف عجزوا عن حمايه رغد=يـوم دار الزمـان وراح برجالهـا
علموها تجـي ولاتفكـر فـي احـد=في ذرى دولـه التوحيـد وابطالهـا
نـوري المالكـي لوقـام والا قعـد=ولوتحيزم باهل طهـران وامثالهـا
من نجادي وبشـار حافـظ الاسـد=جعله فداء رغـد صـدام وعيالهـا
بنت عود وقف بـن القبـر واللحـد=ماتزلـزل مـن الدنيـا وزلزلـهـا
يعربي علـي حـوض المنايـا ورد=لين وقف قدم رجلـه علـي جالهـا
يستثير البـروق ويستفـز الرعـد=رافع الراس والدنيـا علـي حالهـا
كنه يقول هالدنيـا مادامـت لاحـد=كود للـي مثّبـت الارض بجبالهـا

ـــــــــــــــــــــــــ ــــــــــــ

يالحون العـود

يالحـون الـعـود والا يامجـاريـر الربـابـه=إختلـف معنـى القصيـد وضيّـع الفنّـان فنّـه
حلم مدري علم مدري نوض برقٍ فـي سحابـه=أثرهـا طلّـة جبينـه يـوم زاح الليـل مـنّـه
أقبلت مثل الفرس لا سمعـت طبـول الحرابـه=مقتفيهـا لـيـلٍ أســود والنـجـوم يفرقـنّـه
النهـار يمـر ويعـدّي وليلـه فــي عقـابـه=النحـر صبـحٍ تجلّـى والجدايـل كنّهـنّـه ..
مخمـلٍ يلتـفّ فـوق الجيـد الأتلـع بالنيـابـه=عن سلاسيل الذهب والمـاس خـوف يجرّحنّـه
غاب عنّي والولـه خـلاّه عنـدي فـي غيابـه=مادرى أن فرقاه نار !! ولا درى أن لاماه جنّه !!
ياوجودي وجد من صفّق علـى ماضـي شبابـه=بـان شيبـه والسنيـن اللـي يبيهـن خالفـنّـه
غرّته خضر السنين وراح عمـره مـادرى بـه=غرّرنّـه وارفعـنّـه لـيـن ســجّ وحولـنّـه
وياوجـودي وجـد عـودٍ لا عيـال ولا قرابـه=ماجـداه إلا يـونّ ويــردف الـونّـه بـونّـه
مالقـى فزعـة رفيـق ولا دعـاةٍ مستجـابـه=كلّ ماامسـى لـه بظـنٍ خيّبـت الايـام ظنّـه
ذاك وجدي في غيـاب اللـي نـزح والله جابـه=صح فرض الله فـرض وسنّـة الرسـول سنّـه
الغلا جسـمٍ رقيـق ومرهـف إحساسـي ثيابـه=مثل غصن الـورد يـوم أن الهبايـب يطرقنّـه
مازرعـت إلا غـلاه ولا نقلـت إلا صـوابـه=والحشا ماضاق من خضـر الطعـون المستكنّـه
ياحبيبـي مازهـا كـفّ الخضـاب إلا خضابـه=فيـه نظـم المفـردات وفيـه للعشّـاق عـنّـه
الظبـي مالـه شبيـه وبينـك وبينـه تشـابـه=إلتفت بشويش وألقـى فيـه منـك وفيـك منّـه
خالقك من فضّل محمـد علـى كـل الصحابـه=وسخّرك مثل المهـار اللـي تسخّرهـا الأعنّـه
والثنـا والشكـر للـي رحمتـه تسبـق عذابـه=لا لخلـق الله شـكـر ولا لخـلـق الله مـنّـه
قالـه اللـي ماخـذا ممـا يـريـد إلا هبـابـه=خيـرة الفـارس ثنيّـة خيـل صفـراً مستعنّـه

ـــــــــــــــــــــــــ ــــــــــــ

الله عن النقد والمنقود يحميني

لاجل الغلا نطوي البيــــــــداونقطعــها =مشـاعر الحـــــــــب لاعنت تعنيينـــي
لاقلت لبيـه من ثغرك وانااسمعـــــــها =نسيـت بعد المسافه بيـــــــــنك وبيني
ياعشقه الروح ياخـيره مطــــــامعــها=شوفتك عن باقي الدنيـــــــــا تكفـينـي
محبتك من ثلاث سنــــيـن زارعـــــها =في شهـرسبعه سنة خمسه وتسعيني
وداعه منـك وانت اللي مـــــودعـــها =تجري مع دم قلبي في شـــــرايينــي
وانته وداعتك روحي لاتضيــــعـــــها =ضياع ياسر عــــرفــات لفلسطينــي
تولعـــــــت والله اللي فيــك ولعــــها =والقلب عاشقك قبل تشوفك العيني
النفس تامــــــر واناماني بطـايعـــها =الله عن النقد والمنقـــــود يحمينـي
لو ان كبدي هجير الشــوق لايعـــها =امر عطشان والشيمـــــه تعدينــــي
ام الدلع في ذرى شيـــــخ مدلعــــها =زيزوم قوم علي الشـــدات قاسينـي
شيخ ليا كبرت القــــــاله يسنعــــها =ماهي بشيخة ختم والا مـــلايينـــي